My Queue

There are no Videos in your queue.

Click on the Add to next to any video to save to your queue.

There are no Articles in your queue.

Click on the Add to next to any article to save to your queue.

There are no Podcasts in your queue.

Click on the Add to next to any podcast episode to save to your queue.

You're not following any authors.

Click the Follow button on any author page to keep up with the latest content from your favorite authors.

მარკეტინგი

10 მარკეტინგული შედევრი

იმისათვის, რომ მარკეტინგული ძალისხმევა ეფექტური იყოს, სულაც არაა საჭირო ისტორია შეცვალოს
10 მარკეტინგული შედევრი
ფოტო: entrepreneur
Entrepreneur-ის კონტრიბუტორები საავტორო სტატიებში გამოხატავენ მათ პირად მოსაზრებებს.

You're reading Entrepreneur Georgia, an international franchise of Entrepreneur Media.

2012 წლის 14 ოქტომბრის დილას, ავსტრიელი სკაიდაივერი ფელიქს ბაუმგარტნერი ჰელიუმით სავსე სტრატოსტატით ქალაქ როზველიდან ჯერ 24 მილი სიმაღლეზე, შემდეგ კი კოსმოსის საზღვრამდე ავიდა და მხოლოდ სპეციალური კოსმოსური კოსტიუმითა და პარაშუტით 9-წუთიანი ზებგერითი ნახტომი განახორციელა, რითაც ისტორიაში შევიდა, როგორც პირველი ადამიანი, რომელმაც მექანიკური ჩარევის გარეშე, თავისუფალ ვარდნაში ხმის სიჩქარეს (833.9 მილი/საათში ან 1.24 მახის რიცხვს) გადაუსწრო.

ეს მრავალი მილიონი დოლარის ღირებულების სანახაობა არც NASA-სგან და არც SpaceX-ისგან არ იყო დაფინანსებული. ეს ყველაფერი Red Bull-ის 7-წლიანი შრომის შედეგი გახლდათ. ენერგეტიკული სასმელების გიგანტის მიერ წარმოებული კამპანია, სახელწოდებით Stratos, Youtube-ის ყველა დროის ყველაზე სანახაობრივი პირდაპირი ეთერი გახდა (ჯამში 8 მილიონი მაყურებელი), გლობალური მოვლენა პირდაპირ ეთერში 50-ზე მეტ ქვეყანაში გადაიცემოდა, ხოლო დოკუმენტურ ფილმზე Space Dive კომპანია Red Bull-თან ერთად National Geographic Channel-მა და BBC-მ იმუშავეს.

თუმცა იმისათვის, რომ მარკეტინგული ძალისხმევა ეფექტური იყოს, სულაც არაა საჭირო ისტორია შეცვალოს. ყველაზე ინოვაციური კამპანიები საზღვრებს აფართოებენ მარტივი, მაგრამ ჭკვიანური გზებით, რომ მიიქციონ მომხმარებლების, მედიისა და კონკურენტების ყურადღებაც კი და შეცვალონ მათი აზრი კონკრეტულ ბრენდსა თუ კონცეფციაზე. ამის გათვალისწინებით, Entrepreneur-მა მოიძია სტარტაპების, კორპორაციების, საქველმოქმედო ორგანიზაციების საუკეთესო სტრატეგიები და ჰკითხა ექსპერტებს, თუ რამ აქცია ისინი ასეთ დიდებულ ნამუშევრებად. ესეც ჩვენი ფავორიტები.

 

Band-Aid – „შემავსებელ რეალობაზე“ (AR) დაფუძნებული აპლიკაცია

Johnson & johnson-მა მაპეტების თემაზე შექმნილი სახვევებისთვის „შემავსებელ რეალობაზე“ დაფუძნებული აპლიკაციის შესაქმნელად ნიუ-იორკის მარკეტინგული კომპანია JWT დაიქირავა. როგორც კი ამ მობილურ აპლიკაციას სმარტფონში ჩამოიწერდით, შეგეძლოთ სახვევზე დაგესკანირებინათ და ახალი ანიმაციები, მათ შორის „კარმიტი და მეგობრები“ გენახათ. JWT-ის განცხადებით, კამპანიის მიზანი „ტკივილიანი მომენტების სასიამოვნო მომენტებად გადაქცევა“ და იმ სხვა პროდუქტებისგან გამორჩევა იყო, რომლებიც ბავშვებისა და მათი მშობლების ყურადღების მიქცევას ცდილობენ. კამპანიას მედიაში 115 მილიონზე მეტი გამოხმაურება მოჰყვა. აპლიკაციას კი iTunes-ზე 4.5/5 ვარსკვლავი შეფასება აქვს.

„პროდუქტის ფუნქციების გაზრდას, მაგალითად როგორიც ტექნოლოგიურ ხელსაწყოდ ქცევაა, ძალიან დიდი პოტენციალი აქვს. ეს Band Aid-ს საშუალებას აძლევს ახალი ურთიერთობები დაამყაროს აუდიტორიასთან და გამოჯანმრთელების კონცეფცია ინოვაციური გზებით წარმოაჩინოს“, − აცხადებს მაიკლ მილიგანი, ნიუ-იორკში არსებული მარკეტინგული კომპანია Jwalk-ის მთავარი შემოქმედებითი ხელმძღვანელი, რომლის კლიენტებს შორის Lacoste და ფიტნესკლუბი Equinox არიან.

გაკვეთილი: საქმეში ტექნოლოგიის ჩართვა გადატვირთულ ბაზარზე გამოგარჩევთ და ტექნოლოგიების მოყვარულ მომხმარებლებსაც გაახარებთ.

 

HELP REMEDIES − ინტერაქტიული და დროებითი მაღაზია

ნიუ-იორკში პირველადი დახმარების პროდუქტების საუკეთესო გაყიდვადმა კომპანიამ Help Remedies-მა თავი გაანება მოსაწყენ ფარმაცევტულ მარკეტინგს და კამპანია What’s Wrong US? (whatswrongus.com) დაიწყო. ესაა ინტერაქტიული ვებგვერდი, რომელიც ყოველკვირეული საცალო გაყიდვების მონაცემებით, რეგიონების მიხედვით, ისეთი დაავადების ნიშნებს იკვლევს, როგორებიცაა ბებერა, ცხვირში გაჭედვა და უძილობა. ნოემბრის თვეში კომპანიამ ვაშინგტონში სხეულის ნაწილის (გვერდები, ბარძაყი) ფორმის დროებითი მაღაზია გახსნა, რომელიც მომხმარებლებს ყველანაირი ტკივილის შემსუბუქებას სთავაზობდა − დაწყებული თავის ტკივილის წამლებით, დამთავრებული „ურთიერთობის მოსამართლით“ − გულის ტკივილის სამკურნალო წამლებით. ცოცხალმა ფანჯრებმა − ეკრანებმა, რომლებზეც სხვადასხვა დაავადებისა თუ ჯანმრთელობის მდგომარეობისთვის დამახასიათებელი ნიშნები იყო ნაჩვენები, ფეხით მოსიარულეთა ყურადღება მიიქცია. მომხმარებლები ღამის აფთიაქის კოქტეილბარმაც მოხიბლა.

„ეს ძალიან კარგი იდეებია. ყოველთვის მიყვარდა პროდუქციის განსხვავებულად შეფუთვა და დიზაინისა და კომუნიკაციის გამოყენება ნივთების უფრო საინტერესოდ შეთავაზებისთვის“, − აცხადებს მილიგანი, Jwalk

გაკვეთილი: თუ აზრიანი შინაარსით, სასარგებლო და სახალისო სერვისებით მომხმარებლების ცხოვრებას ღირებულებას შესძენთ, ისინი მალე არ დაგივიწყებენ.

 

MELLOW MUSHROOM − ვიდეოკამპანია გულშემატკივრებისთვის

რესტორნების ქსელმა MELLOW MUSHROOM და Atlanta AD-ის სააგენტო Fitzgerald+CO-მ ტვიტერის მიმდევრების ყურადღების მისაქცევად, ვიდეოსერიები Follow Us and We’ll Follow You („გამოგვყევი და ჩვენც გამოგყვებით“) შექმნეს. ვიდეოში ფარული კამერით გადაღებული კადრები იყო ასახული, რომელსაც საშიში მუსიკა გასდევდა. კადრში ჩანდა, როგორ მისდევდა სოკოს ფორმაში გამოწყობილი ადამიანი @MellowMushroom-ის (ტვიტერზე) გამომწერს, და ფარულად ბაზარში, ბიბლიოთეკასა და ნავზეც კი მიჰყვებოდა. ამ კამპანიამ Facebook-ზე ათასობით მოწონება დააგროვა, მასზე წერდა The New York Times-იც.

სან-დიეგოში არსებული კომპანია I.D.E.A-ს დამფუძნებელი და მთავარი შემოქმედებითი ხელმძღვანელი რაიან ბერმანი, რომელსაც ყველასთან უმუშავია − Subway-დან დაწყებული, UNICEF-ითა და Ringling Bros.-ით დამთავრებული, კამპანიის წარმატების მიზეზად სოციალური მედიის მნიშვნელობას − პირად ყურადღებას, მიიჩნევს. „Twitter-ის, Facebook-ისა და Instagram-ის მომხმარებლებს სჯერათ, რომ თავიანთი რეალითი შოუს ვარსკვლავები არიან“, − ხუმრობს ის, − „ასეთი ტიპის ადამიანებს ალბათ გაუხარდებათ, დიდი ზომის სოკომ რომ უთვალთვალოს“.

გაკვეთილი: საუკეთესო გზა იმისათვის, რომ სოციალურ მედიაში მოიპოვოთ ვირალური ნახვები და გაზარდოთ გულშემატკივართა რიცხვი, გახლავთ კონტაქტი ადამიანებთან ონლაინ და რეალურ ცხოვრებაშიც − რათა აქციოთ ისინი თქვენი შოუს ვარსკვლავებად.

 

IKEA − რეალური პროდუქტის ინტეგრაცია

რამდენიმე ყურადსაღები სანახაობის შემდეგ, IKEA-მ გვაჩვენა, რომ მის პროდუქციას ძალიან პატარა სივრცეების ათვისება და გალამაზებაც შეუძლია. ავეჯის კომპანიამ საცხოვრებელი სივრცეები მოაწყო მეტროპოლიტენებში, ვიწრო ქუჩებსა და გარე კიბეების ქვეშაც კი, ტოკიოში. მათ ასევე ააწყვეს 53 კვ.მ ფართობის სრულად კეთილმოწყობილი სახლი პარიზის მეტროსადგურზე, რომელშიც 5 მოხალისე 6 დღის განმავლობაში ცხოვრობდა.

„პატარა სივრცეების“ იდეა SmallestStoreintheWorld.com-დან წამოვიდა. ეს 10.5 x 8.8 სმ პიქსელის მქონე ონლაინბანერია, რომელშიც სრულადაა ჩატეული ფუნქციური კატალოგი და საშოპინგო პორტალი.

„ისევე, როგორც ერთმა ფოტომ შეიძლება მოყვეს მთლიანი ამბავი, ესეც არაჩვეულებრივი მაგალითია იმისა, თუ როგორ შეიძლება აჩვენო პროდუქტის სარგებლიანობა ისეთ ადგილებში, სადაც მოსახლეობის მაღალი სიმჭიდროვეა. არაფერი შეედრება პროდუქციის შინ გამოცდასა და გამოყენებას, IKEA-მ კი კარგი გზა მოძებნა იმისათვის, რომ ხალხი ავეჯს შეეხოს, შეიგრძნოს იგი და დაინახოს, თუ როგორ შეიძლება მისი გამოყენება სამომავლოდ“, − აცხადებს მეთ მერფი, ჩიკაგოში მარკეტინგული სააგენტო Fusion92-ის დამფუძნებელი და აღმასრულებელი დირექტორი, რომელსაც Disney-სა და Sony-სთან უთანამშრომლია.

გაკვეთილი: თქვენი პროდუქტის ხარისხის დემონსტრირება მოახდინეთ იქ, სადაც მომხმარებლები არიან და გაზრდილ გაყიდვებთან ძალიან ახლოს იქნებით.

 

UBER − ვირალური ბრენდის ცნობადობა

სან-ფრანცისკოში შექმნილი სტარტაპი UBER ბოლო სამი წლის განმავლობაში გაფართოვდა და 20 ქალაქი მოიცვა, სტრატეგიით „სადაც გჭირდებათ, რომ იყოს“. 2012 წელს კომპანიამ თავისი პრომოუშენით ახალი სიტყვა თქვა. მაგალითად, ნაყინის ფურგონის გამოძახების სერვისით, რაც გულისხმობდა, რომ კომპანიას მომხმარებლების სხვადასხვა ტიპის ავტომობილით უზრუნველყოფა შეეძლო. ასევე აღსანიშნავია Ubercade-ის კამპანია პრეზიდენტის დღეზე, რომლითაც მომხმარებლებს „დიპლომატიურ სტილში“ სედანის ტიპის მანქანით მგზავრობას სთავაზობდნენ.

UBER-ის ოპერაციების ვიცეპრეზიდენტის თქმით, თითოეული ასეთი კამპანია მცდელობაა იმისა, რომ ბრენდის სახე კარგად გამოიკვეთოს მგზავრობისას: „ერთდროულად სახალისო და ეფექტური. ჩვენ გვიყვარს, როცა ადამიანები ყვებიან ისტორიებს, რომლებშიც UBER-საც ახსენებენ. გვჯერა, რომ UBER-ის მძღოლთან თითოეული ინტერაქცია არის შანსი იმისა, რომ ჩვეულებრივი მომხმარებელი ერთგულ მგზავრად იქცეს“.

გაკვეთილი: მიეცით მომხმარებელს ისეთი გამოცდილება, რომ თავის მეგობრებთან (ანუ თქვენს მომავალ მომხმარებლებთან) იტრაბახოს.

 

PUMA − შოპინგი, როგორც თამაში

PUMA-მ შეიმუშავა კამპანია, რომლითაც იამაიკელი მორბენალისა და ოლიმპიური ოქროს მედალოსნის, უსეინ ბოლტის ხელმოწერილი ფეხსაცმელების გაყიდვები გაზარდა. მომხმარებლებს „მსოფლიოში უსწრაფესი ფეხსაცმელების“ შესაძენად, მაღაზიაში შესვლისას ბარათს აძლევდნენ, რომელზეც დრო იყო მითითებული. მყიდველი რაც უფრო სწრაფად აიღებდა და სალაროსთან მიიტანდა ფეხსაცმელებს, მით უფრო დიდი ფასდაკლება შეხვდებოდა. საყურადღებოა ფაქტი, თუ როგორ დააკავშირა PUMA-მ პროდუქტი, ცნობილი ადამიანი და მომხმარებელი ერთმანეთს. „ზოგადად რომ ვისაუბრო, ორგანიზაციებს არც ისე კარგად გამოსდით დასპონსორება. ისინი ხარჯავენ უამრავ თანხას ცნობილ ადამიანში, რომელიც მათ ბრენდს წარადგენს, თუმცა მხოლოდ მცირე მათგანს შეუძლია, ყოველივე ეს მაღალ დონეზე გააკეთოს“, − ამბობს ჯეისონ აბელკოპი, რესტორნების ქსელ Buffets-ის მარკეტინგის მენეჯერი.

გაკვეთილი: გააძლიერე და გაართე მომხმარებლები, და გაყიდვებიც გაიზრდება.

 

POPCORN, INDIANA − ყურადღების მიქცევა გამოგონებით

მარცვლეულის, უგლუტეინო პოპკორნისა და ჩიფსების გამყიდველმა კომპანია POPCORN, INDIANA-მ (რომლის სათაო ოფისი ნიუ-ჯერსიშია) მედიაში დიდი გამოხმაურება დაიმსახურა მას შემდეგ, რაც თავისი ახალი გამოგონება − „დესკტოპის პოპკორნის მანქანა“ წარადგინა, რომელიც მარკეტინგულ კომპანია Thinkmodo-სთან თანამშრომლობით შექმნა. ეს არის მოწყობილობა, რომელიც ადამიანის ხმაზე აქტიურდება და მოთხოვნისთანავე მომხმარებელს პოპკორნს სრული სიზუსტით პირდაპირ პირში უგდებს. ვიდეოს, რომელშიც გამოგონებაა ნაჩვენები, მედიაში 200 მილიონზე მეტი ნახვა ჰქონდა, კომპანიის ვებგვერდის ტრაფიკი კი ერთ კვირაში 2800 პროცენტით გაიზარდა.

„ჩვენ მარკეტინგისთვის დიდი ბიუჯეტი არ გვქონია, თუმცა ვეძებდით გზებს, რომ საკუთარი ბრენდის ცნობადობა გაგვეზარდა და ჩვენი ინოვაციურობის დემონსტრირება გაგვეხორციელებინა“, − აცხადებს მარკეტინგის დირექტორი ჯეფ დვორზენსკი და აღნიშნავს, „პოპინატორისადმი“ ინტერესი იმდენად მაღალი იყო, რომ კომპანია მის კომერციალიზაციას გეგმავსო.

გაკვეთილი: იმისათვის, რომ ხალხი აალაპარაკოთ, მოიფიქრეთ იდეები, რომლებიც თქვენი პროდუქტის სახალისოდ გამოყენების გზებს წარმოაჩენს. ბონუსი: დამატებითი პოტენციური შემოსავლის წყაროები.

 

UNIQLO − მიზნობრივი გაფართოება

მოდის იაპონური კომპანია UNIQLO, რომლის 2011 წლის შემოსავალი დაახლოებით $10 მილიარდს შეადგენდა, ამერიკის შეერთებულ შტატებში ჯერ კიდევ უცნობი ბრენდია. ასე რომ, როცა გასულ წელს კომპანიამ ამერიკული ბაზრის ექსპანსია სან-ფრანცისკოში, ნიუ-ჯერსისა და მანჰეტენზე − სამ ადგილზე მაღაზიების დამატებით დაიწყო, დიდი ნაბიჯი ბლიცრეკლამებით (რომელიც ბრენდირებულ საჰაერო ბუშტებს მოიცავდა), ასევე Facebook-ზე საპრიზო გათამაშებით გადადგა, რომელშიც პოპულარული იუთუბერი Maru-ც მონაწილეობდა. მის ვიდეოებს თითქმის 160 მილიონი ნახვა აქვს.

ცნობადობის გასაზრდელად, UNIQLO-მ ადგილობრივი დაინტერესება გამოიწვია. მათ ბეჭდურ და ონლაინკამპანიაში, სახელწოდებით People ადგილობრივი ცნობილი ადამიანები მონაწილეობდნენ. ისინი ბრენდის 2012 წლის კოლექციიდან ტანსაცმელს სხვადასხვა ქალაქში წარადგენდნენ. სან-ფრანცისკოში მათ რეკლამას ამერიკული ფეხბურთის ცნობილი მოთამაშე, ჯო მონტანა და სტარტაპის დამფუძნებელი − ბორის მორინი, ნიუ-იორკში კი ქორეოგრაფი ბენჯამინ მილპაიდი და მოდის ბლოგერი ლიანდრა მედინი უწევდნენ.

„კამპანია ორ დონეზე მუშაობდა − როგორც დამოუკიდებელი კამპანია, რომელსაც კონკრეტული პროდუქტის გაყიდვები უნდა გაეზარდა და როგორც ჯგუფი, რომელსაც ბრენდის სრული სურათი უნდა აესახა და ჩვენი თავი ნიუ-იორკერებისთვის თავიდან გაეცნო“, − აცხადებს UNIQLO-ს მარკეტინგის დირექტორი ჯინ შაინი.

გაკვეთილი: გახდი პერსონალური და სტრატეგიები კონკრეტულ ბაზარს მოარგე. არაფერია მასობრივი ბაზრის ზოგად სტრატეგიებზე გამაღიზიანებელი.

 

SAMSUNG − გააბრაზე კონკურენტი

Samsung-ი Galaxy S3-ის გამოშვებისას სარეკლამო კამპანიებში პირდაპირ დაუპირისპირდა Apple-ს. კომპანიამ ტელევიზიით, ქუჩებში, ონლაინ და ბეჭდურად, iPhone 5-ს ჭკვიანური „დარტყმები“ მიაყენა − დაწყებული „ეფლის“ მაღაზიასთან არსებული უზარმაზარი რიგებით („კომპანიას პრიორიტეტული რიგი უნდა ჰქონდეთ მათთვის, ვინც მეხუთედ ელოდება“, − წუწუნებს ბიჭი ცინიკურ რეკლამაში), დამთავრებული iPhone-ის „ახალი“ დიზაინით („ყურსასმენის შესაერთებელი მობილურის ქვედა ნაწილში იქნება“, − ამბობს ვიღაც).

Samsung-ის წარმოჩენით, შესაძლოა Apple უკვე „ბერდება“ იმისათვის, რომ ბაზარზე ძალიან მაგარი იყოს, ამიტომ ერთ-ერთ რეკლამაში აჩვენა ბავშვები, რომლებიც თავიანთი მშობლებისთვის „ეფლის“ მაღაზიის წინ რიგს იკავებენ.

ამავე დროს, კომპანიამ უშუალოდ Galaxy S3-ის ახალი ფუნქციების წარმოსაჩენადაც დაიწყო სარეკლამო კამპანია.

ტექსასის ციფრული მარკეტინგის სააგენტო nFusion Group-ის დამფუძნებელი და აღმასრულებელი დირექტორი, ასევე The CMO Manifesto-ს ავტორი ჯონ ელეტი ამბობს, რომ Samsung-ის ეს კამპანია შთამბეჭდავი იყო, რადგან მას ეყო გამბედაობა და გამოიწვია კონკურეტი ბრენდი, თანაც ისე, რომ Apple-ის ერთგული მომხმარებლები დააფიქრა: „მათ ეფექტურად გამოიყენეს იუმორი, ჭეშმარიტება და ამბის თხრობა, რათა წარმოეჩინათ განსხვავება ისე, რომ ხალხს ეთქვა: „იქნებ არსებობს არჩევანი“. ნამდვილად, 2012 წლის მესამე კვარტალში Galaxy S3 მსოფლიოში გაყიდვის საუკეთესო მაჩვენებლის მქონე სმარტფონი იყო.

გაკვეთილი: ნუ შეგეშინდებათ, გამოიწვიოთ კონკურენტი − სფეროს გიგანტებიც კი. შესაძლოა მათი გულშემატკივრების გული მოიგოთ.

 

OROVERDE − ჭკვიანური იდეა მიზნისთვის

გერმანულმა ფონდმა OROVERDE, რომელიც ტროპიკული ტყეების შესანარჩუნებლად მუშაობს, „შემოწირულობის არმიის“ (Donation Army) შესაქმნელად კომპანია Ogilvy & Mather’s Frankfurt-თან ითანამშრომლა. მათ ქალაქის ხალხმრავალ ადგილებში არსებული ხეები მოწყალების მთხოვნელებს დაამსგავსეს, რომლებსაც ხის ხელები, შესაწირი ყუთები და აბრა მიაბეს. აბრაზე ეწერა: „მჭირდება ფული ჩემი ოჯახისთვის ტროპიკებში“.

ხარჯების მხრივ, ეფექტურმა კამპანიამ საქველმოქმედო ორგანიზაციებისთვის ყველაზე გავრცელებული ორი პრობლემა გადაჭრა: შეამცირა მოხალისეების შეკრების საჭიროება და შემოწირულობა ჭკვიანურად, ნაკლებად გამაღიზიანებლად ითხოვა.

nFusion-ის დირექტორ ელეტის განცხადებით, „უმარტივესმა იდეამ“ ის შედეგი გამოიღო, რომ ქუჩის გამვლელები შეაჩერა, რადგანაც ხეების არმია მათთვის თითქოს ნაცნობიც იყო და კონტექსტიდან ამოვარდნილიც. „ამ ინტრიგამ ხალხში მოწონება გამოიწვია და მათ საფულეები გაახსნევინა“, − აცხადებს იგი.

გაკვეთილი: შექმენით ვიზუალურად ყურადღების მიმქცევი კამპანია და ხალხი მას ყურადღებას აუცილებლად მიაქცევს (ეს კი ბრძოლის ნახევარზე მეტია).

 

 

More from Entrepreneur

Jon Horowitz is dedicated to helping brands with grow their social footprint by aligning with influencers and creating innovative content.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Create your business plan in half the time with twice the impact using Entrepreneur's BIZ PLANNING PLUS powered by LivePlan. Try risk free for 60 days.

Latest on Entrepreneur