3 ელექტრონული ტენდენცია, რომელთათვისაც 2019 წელს უნდა მოემზადოთ

გრძელდება ელექტრონული კომერციის ბუმი და, მასთან ერთად, ამ სფეროს განვითარებაც. თქვენი ელექტრონული კომერციის გასააქტიურებლად ეს ახალი ტენდენციები გამოიყენეთ.
3 ელექტრონული ტენდენცია, რომელთათვისაც 2019 წელს უნდა მოემზადოთ
ფოტო: entrepreneur
Entrepreneur-ის კონტრიბუტორები საავტორო სტატიებში გამოხატავენ მათ პირად მოსაზრებებს.

You're reading Entrepreneur Georgia, an international franchise of Entrepreneur Media.

ელექტრონული კომერციის საშუალებით საცალო ვაჭრობის ტემპი განუხრელად იმატებს. ამასთან,  მომხმარებელთა ნდობა ბოლო 18 წლის განმავლობაში გაიზარდა და პიკსაც მიაღწია. ბრენდებს, რომლებიც გაყიდვებში ელექტრონულ კომერციას იყენებენ, წარმატებისთვის ყველა პირობა აქვთ შექმნილი. თუმცა ეს არ ნიშნავს, რომ ყოველთვის ასე იქნება. გამორჩეული მხოლოდ ის გახდება, ვინც შორსმჭვრეტელ სტრატეგიას გამოიყენებს.

ელექტრონულმა კომერციამ ასე მძლავრად იმიტომ მოიკიდა ფეხი, რომ კომპანიების უმრავლესობამ  ფეხი აუწყო სწრაფად ცვლად ტექნოლოგიებსა და მომხმარებლის მოლოდინს. მაგალითად, რადგან მომხმარებელი ბოლო ხანებში პროდუქციის შეძენას უმეტესად მობილური ტელეფონით ამჯობინებს,  საცალო კომპანიებმა ამ  შესაძლებლობას განსაკუთრებული ყურადღება მიაპყრეს. 2016 წლის შესყიდვებში უდიდესი წილი მობილური ტელეფონების გამოყენებაზე მოდის.

ამ სფეროში შესყიდვის საშუალებებიც სწრაფად იცვლება. ტექნოლოგიის პროგრესთან ერთად ვითარდება ძიების მეთოდებიც. ეს ნიშნავს, რომ ნივთების შესაძენად აუდიოსაშუალებას მალე გაცილებით მეტი ადამიანი გამოიყენებს. მაგალითად, Google Home Hub-ს და Amazon Echo Show-ს ინტეგრირებული აუდიო და ვიზუალური საძიებო სისტემა აქვს. ორივე მათგანი მყიდველს პროდუქტის დანახვის საშუალებასაც აძლევს. ელექტრონული კომერციის კომპანიებმა, რომლებმაც ხმოვანი ძიების სისტემას ფეხი ვერ აუწყვეს, კონკურენტებთან შედარებით, სწრაფად დათმეს პოზიციები.

არ აქვს მნიშვნელობა, რამდენად გამოცდილი ხართ ელექტრონულ კომერციაში, მომავალში წარმატება გარანტირებული რომ გქონდეთ, წინ უნდა იყუროთ. 2019 წელს თქვენი ელექტრონული კომერციის კიდევ უფრო გასააქტიურებლად უნდა გაითვალისწინოთ სამი ახალი ტენდენცია: 

1. პროდუქცია სოციალური ქსელებით გაყიდეთ

ეფექტიანი მარკეტინგი გულისხმობს თქვენი გზავნილების გაძლიერებასა და სამიზნე აუდიტორიისკენ მიმართვას, მაგრამ გზავნილები დანიშნულებას ვერ შეასრულებს, თუ თქვენი აუდიტორია მათ ვერასოდეს  იხილავს. ამ ადამიანებთან შესახვედრად ის ადგილი უნდა გამოიყენოთ, სადაც ისინი  დიდ დროს ატარებენ. ამას გადამწყვეტი მნიშვნელობა აქვს. გაითვალისწინეთ: თუ თქვენი მომხმარებლის ბაზა ინტერნეტია, ეს ნიშნავს, რომ იგი დროის 1/3-ს სოციალურ ქსელში ატარებს.

თუ საკუთარ პროდუქციას სოციალური ქსელით არ ყიდით, დიდ შესაძლებლობას უშვებთ ხელიდან, რადგან სოციალური პლატფორმების უმრავლესობას უკვე აქვს შესაძენი ღილაკები, რომლებსაც მომხმარებელი პირდაპირ კომპანიის ვებგვერდზე გადაჰყავს.  Instagram მყიდველებს სთავაზობს ფუნქციას Stories, რომლის მეშვეობითაც შესაძლებელია პროდუქციის შეძენა.

2. შეცვალეთ მყიდველის რეალობა

შერეული რეალობის ტექნოლოგიები ჯერ კიდევ არ არის ფართოდ გავრცელებული, მაგრამ მათ ამ მიმართულებით უკვე მიაღწიეს უზარმაზარ წარმატებებს.

IKEA-ს აპლიკაცია Place კი, დამატებითი რეალობის გამოყენებით, მომხმარებელს საშუალებას აძლევს, თვალი შეავლოს, როგორი იქნება მისი პროდუქტები მათ სახლებში.

„დამატებითი და ვირტუალური რეალობები, ინტერნეტის მსგავსად, თითქმის მთლიანად შეცვლის საცალო პროდუქტების ბაზარს, თუმცა,  ამჯერად ეს გაცილებით სწრაფად მოხდება ,“ _ განაცხადა  IKEA-ს ციფრული ტრანსფორმაციის ლიდერმა მიხაელ ვალდსგაარდმა.

დამატებითი რეალობა ჯერჯერობით ყველგან არ გამოიყენება, მაგრამ საცალო ვაჭრობის წარმომადგენლებმა  მისი შესაძლებლობანი წარმატებით გამოიყენეს და მნიშვნელოვანი უპირატესობაც მოიპოვეს კონკურენტებთან შედარებით.

3. გააძლიერეთ თქვენი სტრატეგია Amazon-ზე

Amazon-მა ელექტრონული კომერციის სისტემაში უკვე დაიმკვიდრა გამორჩეული ადგილი. ცნობილია, რომ ამერიკელ მყიდველთა 68% პროდუქტების მოსაძებნად პირდაპირ ამ საიტს მიმართავს. მეტიც, სხვა საიტიდან ან მაღაზიიდან რაიმეს შეძენის მსურველთა 80% Amazon-ის მიმოხილვას აუცილებლად ეცნობა და ფასებსაც კი აქ ამოწმებს.

სრულიად უდავოა, რომ Amazon-ის დაპყრობას გადამწყვეტი მნიშვნელობა აქვს. ტრევორ ჯორჯი, Amazon-ის მარკეტინგის სააგენტოს დამფუძნებელი და გენერალური დირექტორი, აცხადებს, რომ პლატფორმებზე წარმატების მოსაპოვებლად ერთადერთი გზა გახლავთ რეკლამა. „ამაზონის მომავალი _ რეკლამაა. თუ ბრენდს  ახლაც და მომავალშიც ფულის გამომუშავება სურს, აუცილებლად უნდა ჰქონდეს Amazon-ის სარეკლამო პლატფორმებზე ნავიგაციის შესაძლებლობა“.

მაშ ასე, უდავოა, ელექტრონული კომერციის ბუმი კვლავ გაგრძელდება და მისი დახმარებით წარმატების მოპოვება კარგად გააზრებულ სტრატეგიას მოითხოვს, რომელიც თქვენს ბრენდს კონკურენტებზე წინ დააყენებს. ამიტომაც,  2019 წელს მხედველობიდან არ გამოგრჩეთ სოციალური კომერცია, გაყიდვებისას შერეული რეალობის ტექნოლოგიების გამოყენება და, ასევე, Amazon-იც.

 

More from Entrepreneur

Get heaping discounts to books you love delivered straight to your inbox. We’ll feature a different book each week and share exclusive deals you won’t find anywhere else.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Starting, buying, or growing your small business shouldn’t be hard. Guidant Financial works to make financing easy for current and aspiring small business owners by providing custom funding solutions, financing education, and more.

Latest on Entrepreneur

Entrepreneur Media, Inc. values your privacy. In order to understand how people use our site generally, and to create more valuable experiences for you, we may collect data about your use of this site (both directly and through our partners). By continuing to use this site, you are agreeing to the use of that data. For more information on our data policies, please visit our Privacy Policy.