5 გზა, რომლითაც სოციალურმა მედიამ ტურიზმის მარკეტინგი შეცვალა როგორ შეცვალეს ჰეშთეგებმა მთელი ინდუსტრია
By ჯულიეტ კარნოი •
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
სოციალურმა მედიამ ძირფესვიანად შეცვალა მთელი რიგი კომპანიების ურთიერთობა სამიზნე აუდიტორიასთან და თვით ბაზარიც. ტურისტული სექტორის შემთხვევაში კი, ინტერნეტის გავლენამ და სოციალური არხების პოპულარობის ზრდამ ტურიზმის მარკეტინგი შეცვალა. ყველაფერი შეიცვლა − პოტენციური მიმართულებების შესწავლიდან დაწყებული, იმ საქმიანობით დამთავრებული, რომლებშიც მოგზაურები დანიშნულების ადგილზე ჩასვლისთანავე იღებენ მონაწილეობას. მომხმარებლები კი, შესყიდვების თაობაზე გადაწყვეტილების მიღებისას სულ სხვაგვარად იყენებენ სოციალურ მედიას. ამ ყველაფერმა უდიდესი გავლენა მოახდინა ტურისტულ მარკეტინგზე.
გაეცანით ტურიზმის სფეროს ხუთ დიდ ცვლილებას:
- მოგზაურები სხვაგვარად იკვლევენ მარშრუტს
ყველაზე ღრმა გავლენა, რომელიც სოციალურმა მედიამ ტურისტულ ინდუსტრიაზე მოახდინა, ონლაინმიმოხილვების დემოკრატიზაციაა. დღევანდელი მოგზაურები ინტერნეტში შედიან და თავად იკვლევენ მომავალ მარშრუტს და საცხოვრებელ ადგილებს. ე.წ „მილენიალების" 89 პროცენტი იმ ინფორმაციის მიხედვით გეგმავს მოგზაურობებს, რომლებსაც მათი თანატოლები და კოლეგები აქვეყნებენ ინტერნეტში.
ყველა ინტერნეტში ეძებს ინფორმაციას − Instagram-ით დაწყებული და TripAdvisor-ით დამთავრებული, თუ სად იმოგზაურონ და მათი თანატოლებისა და კოლეგებისგან ელიან მოწონებას. ადვილად შეუძლიათ მოიძიონ სხვა მოგზაურთა ფოტოსურათები, რეგისტრაცია, რეიტინგები და ბევრი სხვა. ეს ადამიანების შთაბეჭდილებების გაგების უმარტივესი გზაა და იმისაც, თუ რისი შეთავაზება შეუძლია სხვისგან განსხვავებით ამ კონკრეტულ ადგილს. როგორც ვარაუდობთ, სოციალური ქსელების ეს ინფორმაცია სრულიად ხელმისაწვდომი და გავლენიანია, შესაძლოა პოტენციური სტუმრები დააფრთხოს კიდეც ან უბიძგოს მათ, რომ ეს ადგილი დაჯავშნონ.
მსგავსი სტატია: 4 სტრატეგია წარმატებული ონლაინ მარკეტინგისთვის
2. გაიზარდა სოციალური გაზიარება
ადამიანებს ყოველთვის უყვარდათ მოგზაურობისას გადაღებული ფოტოსურათებისა და ვიდეორგოლების ერთმანეთისთვის გაზიარება. რა გააკეთა სოციალურმა მედიამ? მან ადამიანებს შესაძლებლობა მისცა გაცილებით ფართო წრისთვის მარტივად გაეზიარებინათ მოგზაურობის გამოცდილებები. „მილენიალთა" 97 პროცენტზე მეტი მოგზაურობების ფოტოსურათებსა და ვიდეორგოლებს ინტერნეტში აზიარებს. ეს გავლენიანი ვებგვერდია მათი კოლეგებისა და თანატოლებისთვის, და შთაგონების წყაროც ხდება.
ეს ტენდენცია შეუმჩნეველი არავის დარჩენია. ბევრმა სასტუმრომ და კურორტმა სოციალური კონკურსებისა და კამპანიების ჩატარება დაიწყო, საკუთარ სტუმრებს გარანტიას აძლევდნენ, რომ სოციალური აქტივობის საპასუხად, გარკვეულ შეღავათებს დაუწესებდნენ. Kimpton-ის ქსელის სასტუმროებმა და რესტორნებმა პროფესიონალი ფოტოგრაფების დადგმული ფოტოების ნაცვლად, სტუმრების ქორწილის ფოტოები გამოიყენეს საკუთარი საქორწინო სივრცის რეკლამისთვის. კამპანია სტუმრებს უბიძგებდა ფოტოსურათები გადაეღოთ, ჰეშტეგით მოენიშნათ #KimptonWeddings და მომხმარებლის გენერირებული ინფორმაცია შეექმნათ ბრენდისთვის, რომელიც უფასო და ავთენტური იყო; და თავიდანვე გახლდათ გამიზნული მისი მარკეტინგული არხებისთვის.
3. გაუმჯობესდა მომხმარებლის მომსახურება
კლიენტების მომსახურება და მათი დაკმაყოფილებაც სოციალური მედიის წყალობით შეიცვალა. ბრენდების უმრავლესობა სოციალურ ქსელებშია, რომ ცნობილი გახდეს და როდესაც საჭირო იქნება, დახმარება გაუწიოს უკმაყოფილო და დაბნეულ კლიენტებს. კომპანიები, რომლებიც გულწრფელად რეაგირებენ პრეტენზიებზე, არსებულსა და პოტენციურ კლიენტებთან მყარ რეპუტაციას იქმნიან. American Airlines და JetBlue განსაკუთრებით დახელოვნებული არიან ფრენის პრობლემების მოგვარებასა და უარყოფითი გამოცდილების მქონე მოგზაურების დაკმაყოფილებაში.
როდესაც Twitter-ის მომხმარებლები რომელიღაც ბრენდს უკავშირდებიან, ნახევარზე მეტი პასუხს ელის. თუ მას საჩივრით მიმართავენ, ეს რიცხვი 75 პროცენტამდე იზრდება. საჩივრებსა და შეკითხვებზე პასუხებს დიდი მნიშვნელობა აქვს ჩვენი ბრენდისთვის, ახლანდელსა და პოტენციურ კლიენტებს მიანიშნებს, რომ მათ აფასებენ.
გარდა ამისა, კომპანიის წარმომადგენლებს აუცილებლად უნდა ჰქონდეთ აქტიური ურთიერთობა თავიანთი კომპანიის სოციალურ ქსელებთან. სოციალურმა მედიამ სოციალური მოსმენის ინსტრუმენტის როლი უნდა შეასრულოს სტუმრებზე ინფორმაციის გასაგებად. ისინი იუბილეზე ჩამოდიან თუ განსაკუთრებული მოვლენის აღსანიშნავად? სოციალური მედიით კლიენტების მოსმენა შესაძლოა ბრენდს განსაკუთრებული პროდუქტის შექმნაში დაეხმაროს, რაც აუცილებლად გაახარებს თქვენს სტუმრებს.
მსგავსი სტატია: „მილენიალების" ყურადღების მიქცევის 4 მარტივი გზა
4. ტურისტული სააგენტოები შეიცვალა
სოციალურმა მედიამ ასევე დიდი გავლენა მოახდინა ტურისტული სააგენტოების მოდელზე. ინფორმაციის ხელმისაწვდომობამ და თვითმომსახურების შესაძლებლობამ დაჯავშნისას აიძულა ტურისტული სააგენტოები ტრადიციულიდან ციფრულ მოდელზე გადასულიყვნენ. ტურისტული სააგენტოები არ მოძველებულან, უწინდებურად აქვთავიაკომპანიების შეკვეთების 55, კრუიზების 77 და პაკეტების 77 პროცენტი. თუმცა, ბევრი სააგენტო ახალი ტექნოლოგიებისა და საბაზრო ტენდენციების შესაბამისად, მთელ ყურადღებას ინტერნეტში მუშაობაზე ამახვილებს.
აგენტებმა, რომლებიც „მილენიალ" მოგზაურებთან მუშაობენ, უნდა გაითვალისწინონ თუ რას ანიჭებს უპირატესობას ეს თაობა. მოდერნიზებული ფრენისა და საცხოვრებლის შეთავაზების ნაცვლად, მათ რაიმე უნიკალური შესთავაზეთ, რომელიც მთელი სიცოცხლე დაამახსოვრდებათ (და მართლაც შესანიშნავ პოსტს დაადებინებთ Instagram-ზე). ტურისტული სააგენტოები ყველანაირად ცდილობენ კვლავ აქტუალურნი დარჩნენ, მიუხედავად იმისა, რომ დამოუკიდებელი დაჯავშნის შესაძლებლობები იზრდება. მათ უპირატესობას ის განაპირობებს, რომ ბევრი მოგზაური უწინდებურად პირად კონტაქტს ამჯობინებს.
5. შეიცვალა ლოიალობის პროგრამები
როგორც მარკეტოლოგთა უმრავლესობისთვისაა ცნობილი, ახალი კლიენტების შეძენა არსებულთა შენარჩუნებაზე გაცილებით ძვირი ჯდება. ლოიალობის პროგრამა ტურისტული ბიზნესის მოდელის მთავარი ნაწილი გახდა, ხოლო ძლიერი ქსელები გავლენას ახდენენ იმაზე, თუ როგორ იქმნება სასტუმროების ლოიალობის პროგრამები. ბევრი კლიენტისთვის გასაგებია, რომ მოსაზრებებს, რომლებსაც ისინი ინდივიდუალურ ქსელებში აზიარებენ, დიდი გავლენა აქვს საზოგადოებრივი აზრის შექმნაზე. შედეგად, ამ სტუმრებს სრულიად სამართლიანად მიაჩნიათ, რომ კომპენსაცია უნდა მიიღონ იმ მარკეტინგისთვის, რომელსაც ბრენდის გამო ატარებენ. „მილენიალთა" 25 პროცენტზე მეტი, რომელიც ლოიალობის პროგრამებში იღებს მონაწილეობას, ბრენდზე ინფორმაციას ლოიალობის ქულებზე გაცვლის პირობით აქვეყნებს.
ტექნოლოგიების მეშვეობით, რომლებიც სოციალური ქსელის არხებით ჰეშტეგებისა და მითითებების მიდევნების საშუალებას იძლევა, სასტუმროებისთვის ადრინდელზე გაცილებით მარტივია აქტიური სტუმრების აღმოჩენა და მათი დაჯილდოება. სოციალური მედიის გაზიარებისა და პუბლიკაციების ჩართვა ლოიალობის არსებულ პროგრამებში ბრენდის მხარდასაჭერად სოციალური ქსელების პლატფორმებზე, საუკეთესო საშუალება იქნებოდა. როდესაც ლოიალური სტუმრები ბრენდის შეღავათებსა და უპირატესობებზე ინფორმაციას სოციალურ ქსელებში გააზიარებენ, სხვა სტუმრებიც დაინახავენ, რომ ეს შეღავათები მართლაც სასურველია, არცთუ ძნელად მისაწვდომია, და უფრო მეტად დაინტერესდებიან, მონაწილეობას მიიღებენ.
სოციალურმა მედიამ ტურისტულ და საკურორტო ინდუსტრიაში მარკეტინგის ლანდშაფტი შეცვალა. მოგზაურთა უმრავლესობა მოგზაურობის თაობაზე გადაწყვეტილებებს სოციალური ქსელების ინფორმაციის საფუძველზე იღებს, რითაც მომხმარებლის ონლაინმომსახურება ბრენდის დადებითი რეპუტაციის შექმნის მნიშვნელოვანი ნაწილი ხდება. სოციალური ქსელების გავრცელებამ როგორც სასტუმროებს, ისე ტურისტულ სააგენტოებს კლიენტების მომსახურების ტრადიციული მოდელები შეუცვალა. ბრენდებს სოციალური ქსელების გამოყენება შეუძლიათ ბრენდის ცნობადობის, მის მიმართ ლოიალობის გასაზრდელად და იმის წარმოსადგენად, თუ რამდენის შეთავაზება შეუძლია მათ სასტუმროს ან საქმიანობას.
მსგავსი სტატია: 10 მარკეტინგული შედევრი
