ახალი საკრედიტო-საგარანტიო სქემით, სახელმწიფო მეწარმეს უზრუნველყოფის 70%-ის გარანტორად ჩაუდგება

საშუალო საწარმოებისთვის ფინანსებზე ხელმისაწვდომობა იზრდება
ახალი საკრედიტო-საგარანტიო სქემით, სახელმწიფო მეწარმეს უზრუნველყოფის 70%-ის გარანტორად ჩაუდგება
ფოტო: Enterprise Georgia

Grow Your Business, Not Your Inbox

Stay informed and join our daily newsletter now!
2 min read

You're reading Entrepreneur Georgia, an international franchise of Entrepreneur Media.

სააგენტომ „აწარმოე საქართველოში“ ახალი საკრედიტო-საგარანტიო სქემა ოფიციალურად აამუშავა. მისი მიზანი მცირე და საშუალო საწარმოებისთვის ფინანსებზე ხელმისაწვდომობის გაუმჯობესებაა. 

აღნიშნული ინიციატივა ცოტა ხნის წინ საქართველოს პრემიერმინისტრისა და ეკონომიკისა და მდგრადი განვითარების მინისტრის მიერ გაჟღერდა, რაც რუსული ავიასანქციების შედეგად დაზარალებული ტურისტული სექტორის, მით უფრო, საოჯახო სასტუმროების მხარდასაჭერად დაიგეგმა.

გარდა სასტუმრო ინდუსტრიისა, საკრედიტო-საგარანტიო სქემის პრიორიტეტული მიმართულებებია წარმოება და გადამუშავება, საგანმანათლებლო საქმიანობა, ტრენინგცენტრები, სერვისების ექსპორტი, მაღალტექნოლოგიური სამედიცინო ლაბორატორიები და დამუშავების მიმართულება. აქვე აღსანიშნავია, რომ სასტუმრო ინდუსტრიის მიმართულებით პროექტი ხორციელდება კვლავ ყველა რეგიონში, გარდა თბილისისა და ბათუმისა. დანარჩენი მიმართულებები კი მთელ ქვეყანაში იქნება ხელმისაწვდომი.

როგორც სააგენტოს ოფიციალურ განცხადებაშია ნათქვამი, საკრედიტო-საგარანტიო სქემის ფარგლებში, მეწარმე სუბიექტს შეეძლება არანაკლებ 50 ათასი და არაუმეტეს 2 მლნ ლარის მოცულობის სესხის აღება. სქემა დაფუძნებული იქნება პორტფელის გარანტიებზე.

ჟურნალი Entrepreneur სააგენტოს „აწარმოე საქართველოში“ დაუკავშირდა, სადაც განგვიმარტეს, რომ მეწარმის მიერ სქემაში ჩართვისთვის საჭიროა, მეწარმემ მიმართოს პრიექტში ჩართულ ნებისმიერ ბანკს (იხილეთ ჩამონათვალი ქვემოთ) საკრედიტო-საგარანტიო სქემის ფარგლებში სესხის დამტკიცებაზე. მიმართვის შემდეგ, სესხის შეფასება განხორციელდება ბანკის მიერ, ხოლო მეწარმის პორტფელის შესაბამისობის დადგენა სქემით განსაზღვრულ პირობებთან სააგენტოს მიერ. დასტურის შემთხვევაში, სახელმწიფო მეწარმეს უზრუნველყოფის 70%-ის გარანტორად ჩაუდგება, რაც მნიშვნელოვანი შეღავათი იქნება მცირე და საშუალეო მეწარმისთვის.

ოფიციალური ინფორმაციის თანახმად, სქემაში შემდეგი 12 მსხვილი ბანკი ჩაერთო: „თიბისი“, „საქართველოს ბანკი“, „ქართუ“, „პროკრედიტი“, „ვითიბი“, „იშ ბანკი“, „ლიბერთი“, „პაშა ბანკი“, „ტერა ბანკი“, „ფინკა ბანკი“, „ხალიკ ბანკი“და „კრედო ბანკი“. სწორედ ამ ბანკებთან თანამშრომლობით განხორციელდება აღნიშნული მექანიზმი.

Latest on Entrepreneur