ციფრული ექიმი - თერაპევტი!

ხელოვნურ ინტელექტზე დამყარებული პირველი ქართულენოვანი სამედიცინო პლატფორმა
ციფრული ექიმი - თერაპევტი!
ფოტო: Entrepreneur Georgia
1 min read

You're reading Entrepreneur Georgia, an international franchise of Entrepreneur Media.

თანამედროვე ტექნოლოგიური მიღწევები ადამიანების სამსახურში დგება და მათ ცხოვრებას ბევრად უიოლებს. გამოგონებების რიცხვს ქართული ინოვაციური პროდუქტიც შეემატა, სახელწოდებით DigitalMed. ეს არის ხელოვნურ ინტელექტზე დამყარებული პირველი ქართულენოვანი სამედიცინო პლატფორმა, რომელიც სიპტომების შესახებ მიღებული ინფორმაციის გადამუშავების საფუძველზე სვამს პირველად დიაგნოზს და პაციენტს ურჩევს, კონკრეტულად რომელი პროფილის ექიმს მიმართოს შემდგომი კონსულტირებისთვის.

მისი შემქმნელი ქართველი ახალგაზრდა სტარტაპერი − გეგა თათულიშვილია, რომელმაც სპეციალური ალგორითმი შექმნა და ხელოვნური ინტელექტის შესაძლებლობები მედიცინის საჭიროებებს მოარგო, კერძოდ კი − პირველად დიაგნოსტიკას.

DigitalMed მეგამონაცემების, მსოფლიო სამედიცინო ლიტერატურის ანალიზზე დაყრდნობით მუშაობს და იყენებს ნეიროლინგვისტურ პროგრამირებას. პროგრამა 8 თვეში შეიქმნა და მისთვის სპეციალურად ითარგმნა უზარმაზარი მოცულობის სამედიცინო ლიტერატურა. როგორც გეგა განმარტავს, მისი მიზანი თავიდანვე ისეთი პროგრამის შექმნა იყო, რომელიც ადამიანს, რომელსაც რაღაც აწუხებს, ზუსტად ეტყვის, რომელი მიმართულების ექიმს უნდა მიმართოს და ამის ძიებაში ბევრ დროს არ დაკარგავს. პროგრამა ასევე მომხმარებელს შესთავაზებს პროფილურ კლინიკას და ღილაკის ერთი დაჭერით ამ კლინიკაში ექიმთან ჩაწერასაც შესაძლებელს გახდის.

ამ ეტაპზე პლატფორმა მხოლოდ ქართველ მომხმარებლებზეა გათვლილი, თუმცა სამომავლო გეგმებში მისი კომერციალიზაცია და საერთაშორისო მასშტაბზე გასვლაა. Digitalmed.ge-ზე კი ქართველ მომხმარებლებს უკვე შეუძლიათ სატესტო რეჟიმში გამოსცადონ ის. ამ დროისთვის Digitalmed-ით პირველადი დიაგნოზი უკვე 4000-ზე მეტმა მომხმარებელმა მიიღო. პარალელურად, ის მუდმივად დახვეწის რეჟიმშია და პარამეტრები მუდმივად უმჯობესდება სპეციალისტების ჩართულობით.

More from Entrepreneur

Get heaping discounts to books you love delivered straight to your inbox. We’ll feature a different book each week and share exclusive deals you won’t find anywhere else.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Create your business plan in half the time with twice the impact using Entrepreneur's BIZ PLANNING PLUS powered by LivePlan. Try risk free for 60 days.

Latest on Entrepreneur