რაში მდგომარეობს Ryanair-ის ბიზნესმოდელის საიდუმლო?

ავიაკომპანიასთან მოლაპარაკებები გადამწყვეტ ფაზაში შედის.
რაში მდგომარეობს Ryanair-ის ბიზნესმოდელის საიდუმლო?
ფოტო: Ryanair
2 min read

You're reading Entrepreneur Georgia, an international franchise of Entrepreneur Media.

საქართველოს ავიაბაზარზე შემოსვლასთან დაკავშირებით, ევროპაში უმსხვილეს დაბალბიუჯეტიან ირლანდიურ ავიაკომპანია „რაინეართან“ მოლაპარაკებები გადამწყვეტ ფაზაში შედის.

ირლანდიური კომპანიის ქართულ ავიაბაზარზე შემოსვლა ქვეყნისთვის განსაკუთრებით მნიშვნელოვანი იქნება, უფრო მეტად კი ქუთაისის საერთაშორისო აეროპორტისთვის, რომელიც სწორედ ამ ტიპის − მცირებიუჯეტიანი ავიაკომპანიების ფრენებზეა გათვლილი. წინასწარი პროგნოზებით, კომპანია ქუთაისიდან ფრენას 2020 წლიდან დაიწყებს.

კომპანია უკვე წლებია გამოხატავს საქართველოს მიმართ დაინტერესებას. როგორც ექსპერტები ამბობენ, მას შემდეგ, რაც საბოლოო ხელშეკრულებას ხელი მოეწერება და კომპანია საქართველოს ავიასივრცეში ოპერირებას დაიწყებს, საქართველოსკენ მომავალი ტურისტული ნაკადები უფრო მეტად გაიზრდება. მანამდე კი გავეცნოთ საინტერესო ფაქტებს კომპანიის შესახებ:

  • მთავარი ღირებულებები: „რაინეარის“ 3 მთავარი პრინციპი შექმნის დღიდანვე შემდეგია: იაფი, უსაფრთხო და დროული ფრენა. დაბალი ფასის მიუხედავად, ის უზადოდ ინარჩუნებს მომსახურების ხარისხს.
  • რას აკეთებს?: „რაინეარს“ მინიმუმამდე აქვს დაყვანილი ნებისმიერი კომფორტული შეთავაზება მგზავრებისთვის, რაც ხარჯების მაქსიმალურად შემცირებაში ეხმარება. არაერთი გამოკითხვის თანახმად, კომპანიას კარგი რეპუტაცია და მუდმივად მზარდი ერთგული მომხმარებელთა ბაზა ჰყავს, რაც მისი წარმატების მნიშვნელოვანი ნაწილია.
  • როგორ აკეთებს?: კომპანიის დაბალბიუჯეტიანი (low-cost) ბიზნესმოდელი იმდენად საინტერესოა, რომ მას მკვლევრები სწავლობენ. იტალიის ბერგამოს უნივერსიტეტის პროფესორთა კვლევის თანახმად, „რაინეარი“ ფლობს დინამიკურ ფასწარმოქმნის ტექნიკას, რაც მდგომარეობს ფაქიზი ბალანსის დაცვაში მგზავრობის საფასურის დონეებს, დატვირთვის ფაქტორებსა და საოპერაციო ხარჯებს შორის.
  • მიღწევები: „რაინეარი“„ ევროპის ბაზარზე ყველაზე მსხვილი და ამავდროულად დაბალბიუჯეტიანი ავიაკომპანიაა, რომელიც 1984 წელს ირლანდიაში დაარსდა. 2016 წელს იგი დასახელდა ევროპის ყველაზე აქტიურ და წარმატებულ კომპანიად, რომელმაც მგზავრთა ყველაზე დიდი ნაკადები გადაიყვანა.
  • გლობალური დაფარვა: „რაინეარის“ მარშრუტების ქსელი ევროპის 38 ქვეყანას ემსახურება, ასევე ოპერირებს ჩრდილოეთ აფრიკაში, კერძოდ, მაროკოში და შუა აღმოსავლეთის ისეთ ქვეყნებში, როგორებიცაა ისრაელი, ლიბანი და იორდანია. პირველი რეისი ირლანდია-ლონდონის მიმართულებით სრულდებოდა, დღეს კი უკვე 225 ლოკაციაზე უზრუნველყოფს მგზავრთა საჰაერო გადაყვანას.
  • თანამშრომლები: კომპანიას 400-ზე მეტი ბოინგი ემსახურება. თანამშრომლების რაოდენობა 13 000-ს აღემატება. ცნობილია, რომ კომპანიის ბიუჯეტის საკმაოდ სოლიდური ნაწილი შრომით რესურსზე იხარჯება და ეს ოდენობა მთლიანი ხარჯების 40%-ს შეადგენს, რაც უზარმაზარი მაჩვენებელია. შესაბამისად, საკმაოდ მაღალია თანამშრომელთა პროდუქტიულობის მაჩვენებელიც.

More from Entrepreneur

Get heaping discounts to books you love delivered straight to your inbox. We’ll feature a different book each week and share exclusive deals you won’t find anywhere else.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Create your business plan in half the time with twice the impact using Entrepreneur's BIZ PLANNING PLUS powered by LivePlan. Try risk free for 60 days.

Latest on Entrepreneur