ბათუმში ინოვაციების და ტექნოლოგიების ბანაკი გაიხსნა

ბანაკში საქართველოს ყველა რეგიონიდან საჯარო სკოლის ასი უფროსკლასელია ჩართული
ბათუმში ინოვაციების და ტექნოლოგიების ბანაკი გაიხსნა
ფოტო: GITA
1 min read

You're reading Entrepreneur Georgia, an international franchise of Entrepreneur Media.

ბათუმში ინოვაციების და ტექნოლოგიების ბანაკი გაიხსნა, რომელშიც საქართველოს ყველა რეგიონიდან საჯარო სკოლის ასი უფროსკლასელი მონაწილეობს.

ბანაკი აჭარის ავტონომიური რესპუბლიკის მთავრობის თავმჯდომარემ თორნიკე რიჟვაძემ, ეკონომიკისა და მდგრადი განვითარების მინისტრის მოადგილემ ნიკოლოზ ალავიძემ და ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ გახსნეს.

7 დღის განმავლობაში მოსწავლეები:

• იმუშავებენ არდუინოსა და პროგრამირებაზე
• მოისმენენ სამეცნიერო-პოპულარულ ლექციებს ხელოვნურ ინტელექტზე, რობოტიქსზე, ასევე ბიოქიმიასა და ასტროფიზიკაზე
• გაეცნობიან სამეწარმეო და სტარტაპ მიდგომებს თანამედროვე ტექნოლოგიებში
• ჩაატარებენ სახალისო სამეცნიერო ექსპერიმენტებს
• მონაწილეობას მიიღებენ სხვადასხვა საინჟინრო შეჯიბრში

ინოვაციების და ტექნოლოგიების ბანაკის მონაწილეები მთელი საქართველოდან STEM მიმართულებით მათი გამოცდილებისა და მოტივაციის საფუძველზე შეირჩნენ.  რეგიონების მიხედვით მონაწილეები ასე გადანაწილდნენ:

  • თბილისი - 19
  • კახეთი - 10
  • მცხეთა-თიანეთი - 3
  • სამეგრელო- ზემო სვანეთი - 10
  • აჭარა - 10
  • შიდა ქართლი - 11
  • ქვემო ქართლი - 10
  • იმერეთი - 10
  • გურია - 9
  •  რაჭა - 2
  • სამცხე ჯავახეთი - 5

ბანაკის მიზანია, მოსწავლეები გაეცნონ საბუნებისმეტყველო და ტექნიკური მეცნიერების აქტუალურ საკითხებს და მიიღონ საწყისი ცოდნა ტექნოლოგიებსა და მეწარმეობაში, რაც შემდგომში დაეხმარება მათ STEM მიმართულებით კარიერის შერჩევაში.

ინოვაციების და ტექნოლოგიების ბანაკის ორგანიზატორია ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო, მსოფლიო ბანკის ,,ეროვნული ინოვაციური ეკოსისტემის“ პროექტის ფარგლებში. პროექტს ახორციელებს ილიას სახელმწიფო უნივერსიტეტი პარტნიორ ორგანიზაციებთან ერთად.

More from Entrepreneur

Get heaping discounts to books you love delivered straight to your inbox. We’ll feature a different book each week and share exclusive deals you won’t find anywhere else.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Create your business plan in half the time with twice the impact using Entrepreneur's BIZ PLANNING PLUS powered by LivePlan. Try risk free for 60 days.

Latest on Entrepreneur