Bocuse d'Or Georgia - ყველაზე მასშტაბური გასტრონომიული ჩემპიონატის ეროვნული შესარჩევი ტური იწყება

Bocuse d'Or Georgia - ყველაზე მასშტაბური გასტრონომიული ჩემპიონატის ეროვნული შესარჩევი ტური იწყება
ფოტო: Bocuse d'Or

Grow Your Business, Not Your Inbox

Stay informed and join our daily newsletter now!
1 min read

You're reading Entrepreneur Georgia, an international franchise of Entrepreneur Media.

2019 წლის   2 და 3 ნოემბერს  პირველად საქართველოში,  „Expo Georgia“-ს მეთერთმეტე პავილიონში, მსოფლიოს ყველაზე პრესტიჟული გასტრონომიული  ჩემპიონატის  „Bocuse d’Or“–ის  ეროვნული შესარჩევი კონკურსი   ჩატარდება.


„Bocuse d’Or Georgia“-ს ფარგლებში  100 ქართველი აპლიკანტიდან  8 მონაწილე შეირჩევა, რომელთა  კერძებსაც  ქართველი და უცხოელი შეფებისგან დაკომპლექტებული ჟიურის წევრები შეაფასებენ.

ეროვნულ ჩემპიონატში  გამარჯვებულები გაემგზავრებიან  ტალინში, ევროპის კონტინენტურ ნახევარფინალზე. აღნიშნულ კონკურსში წარმატებით ასპარეზობის შემთხვევაში კი  2021 წელს, საქართველო  საფრანგეთში Bocuse d’Or -ის საერთაშორისო ფინალზე   წარსდგება. ქალაქ ლიონში  24 ქვეყნის ფინალისტი  უმაღლესი ჯილდოს - „ოქროს ბოკუზის“  მოსაპოვებლად იბრძოლებს.

„Bocuse d’Or“– ის კულინარიულ კონკურსში  საქართველოს მონაწილეობა  ქვეყნისა და მისი მდიდარი   გასტრონომიული კულტურის პოპულარიზაციის უნიკალური შესაძლებლობაა.

„Bocuse d’Or Georgia“–ს ორგანიზატორი  გახლავთ  ბიზნეს საკონსულტაციო სააგენტო – „გასტრონავტი“, პროექტის წარმდგენი –  საქართველოს გასტრონომიის ასოციაცია,  პროექტის მხარდამჭერნი კი  –  საქართველოს კულინარიის ფედერაცია და  გარემოს დაცვისა და სოფლის მეურნეობის სამინისტრო.

2019 წელს საქართველომ პირველად  მიიღო  მონაწილეობა  მსოფლიოში ცნობილ  კულინარიულ გამოფენაში - ”Sirha” (რომლის ფარგლებშიც ტარდება Bocuse D’or-ის ჩემპიონატის ფინალი),  სადაც ქართულმა სამზარეულომ დიდი მოწონება დაიმსახურა, რის შემდეგადაც ქვეყნის    „Bocuse D’or“–ის ჩემპიონატში მონაწილეობა გახდა შესაძლებელი.

Latest on Entrepreneur