სტარტაპმუზეუმები - შოკოლადის მუზეუმი

საქართველოში ბოლო წლებში მოძლიერებულმა სტარტაპ ეკოსისტემამ ტრადიციული ტიპის საგამოფენო მუზეუმების გარდა, ქვეყნის დედაქალაქში არაერთ განსხვავებულ, შედარებით მცირე ზომის ორიგინალურ მუზეუმსაც მისცა დასაბამი, რომლებიც ვიზიტორებს სრულიად ახალ და საინტერესო გამოცდილებას სთავაზობენ
სტარტაპმუზეუმები - შოკოლადის მუზეუმი
ფოტო: Entrepreneur Georgia
1 min read

You're reading Entrepreneur Georgia, an international franchise of Entrepreneur Media.

მაჩაბელის 17-ში საკმაოდ განსხვავებული და ორიგინალური კონცეფციის სივრცეს გადაეყრებით. შოკოლადის მუზეუმის სტუმარს შესაძლებლობა აქვს, დააგემოვნოს სრულიად ნატურალური შავი და თეთრი, ცხელი შოკოლადი და ამავდროულად, დაათვალიეროს ხელნაკეთი მანქანების კოლექციების უნიკალური ნიმუშები.

აქვე წარმოდგენილია საქართველოში წარმოებული შოკოლადის პროდუქცია და შოკოლადის შადრევანი. ვიზიტორებს შეუძლიათ დააგემოვნონ ცხელი შოკოლადი და გაეცნონ ქართული შოკოლადის ღირსებას. ასევე სტუმრები ადგილზე გაიგებენ, თუ რატომ არის შოკოლადი პატივისცემის გამოსახატი და რატომ უნდა ვიკვებოთ ნატურალური შოკოლადით.

მუზეუმს ხშირად სტუმრობენ სკოლებიდან, ბაღებიდან და სხვადასხვა ორგანიზაციიდან. სტუმრებს უტარდებათ საინფორმაციო ლექცია შოკოლადის ისტორიაზე და ადგილზე ეცნობიან არაერთ საინტერესო მასალას. შოკოლადის მუზეუმი 2018 წელს, შემოდგომაზე გაიხსნა, თუმცა მისი ისტორია აქ არ იწყება. კომპანია, რომელმაც შოკოლადის მუზეუმი გახსნა, 2009 წელს დაფუძნდა და წარმოადგენს „ქართულ შოკოლადს“, რომელსაც წარმოების დიდი გამოცდილება აქვს და რომლის პროდუქციასაც, მისი განსაკუთრებულად გამაჯანსაღებელი თვისებების გამო, ქართული ოლიმპიური სპორტსმენები ხშირად მოიხმარენ.

სპეციალურად შოკოლადის მუზეუმისთვის, კაკაოს უმაღლესი ხარისხის მარცვალი კოტ-დ’ივუარიდან ჩამოდის და მისგან საქართველოში სრულიად ნატურალური შოკოლადი, კაკაოს ცხიმი და კაკაოს ფხვნილი იწარმოება. ნამდვილი შოკოლადის მოყვარულებს კი მისი დაგემოვნება შოკოლადის მუზეუმის სივრცეში სტუმრობით შეუძლიათ.

More from Entrepreneur

Get heaping discounts to books you love delivered straight to your inbox. We’ll feature a different book each week and share exclusive deals you won’t find anywhere else.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Starting, buying, or growing your small business shouldn’t be hard. Guidant Financial works to make financing easy for current and aspiring small business owners by providing custom funding solutions, financing education, and more.

Latest on Entrepreneur