Expedia, WIZZ AIR - სად და როგორ მიმდინარეობს აჭარის პოპულარიზაცია

Expedia, WIZZ AIR - სად და როგორ მიმდინარეობს აჭარის პოპულარიზაცია
ფოტო: GoBatumi
1 min read

You're reading Entrepreneur Georgia, an international franchise of Entrepreneur Media.

აჭარის, როგორც ოთხივე სეზონზე ტურისტულად მიმზიდველი ადგილის პოპულარიზაცია გრძელდება. ამჯერად, ბათუმის და ზოგადად, რეგიონის რეკლამირება ლიეტუვაში რეიტინგული და ყველაზე ყურებადი ტელევიზიის LNK ეთერით ხორციელდება, რომელსაც ყოველდღიურად მილიონზე მეტი მაყურებელი ჰყავს.  პარალელურად, აჭარის პოზიციონირება  მიმდინარეობს სამოგზაურო დაჯავშნის პორტალზე Expedia, რომლის მილიონობით მომხმარებელი დიდ ბრიტანეთსა და გერმანიაში აჭარის მრავალფეროვანი ტურისტული პროდუქტების შესახებ ღებულობს ინფორმაციას. აჭარის ტურიზმის დეპარტამენტი აჭარის ცნობადობის გაზრდისა და რეგიონში ტურისტების მოზიდვის მიზნით სარეკლამო კამპანიებს 16 სამიზნე ქვეყანაში მთელი წლის განმავლობაში, ეტაპოპრივად ანხორციელებს.

“შემოდგომა-ზამთრის სარეკლამო აქტივობების ფარგლებში ჩვენ ვაგრძელებთ აჭარის რეკლამირებას პოლონეთში, უკრაინაში, გერმანიაში, დიდ ბრიტანეთსა და სხვა სამიზნე ქვეყნებში. წელს პირველად, დავიწყეთ თანამშრომლობა სამოგზაურო, დაჯავშნის პორტალთან Expedia, რომლის მეშვეობითაც გვსურს ჩვენს სამიზნე აუდიტორიას გავაცნოთ აჭარა, საქართველო, როგორც მათთვის ახალი, საინტერესო ტურისტული მიმართულება. გარდა ამისა, ვაგრძელებთ თანამშრომლობას WIZZ AIR-თან, რომლის დაბრენდილი ჩასხდომის ბარათებით  პოტენციურ უკრაინელ ტურისტებს მოვუწოდებთ აჭარას ეწვიონ. საერთაშორისო ტელეკომპანიების პარალელურად,   ჩვენ აჭარის საიმიჯო რგოლების გაშვება უკვე სამიზნე ქვეყნების რეიტინგულ ტელეარხებზე დავიწყეთ. ამ შემთხვევაში ესაა  ლიეტუვაში ყველაზე რეიტინგული ტელეკომპანია, რომლის ეთერშიც ჩვენი ორი ვიდეორგოლი ტრიალებს. ამ და სხვა სარეკლამო აქტივობების მიზანი, ბუნებრივია ცნობადობის გაზრდა და რეგიონში ტურისტების მოზიდვაა,“ განაცხადა აჭარის ტურიზმის დეპარტამენტის თავმჯდომარე თინათინ ზოიძემ.

Latest on Entrepreneur

Entrepreneur Media, Inc. values your privacy. In order to understand how people use our site generally, and to create more valuable experiences for you, we may collect data about your use of this site (both directly and through our partners). By continuing to use this site, you are agreeing to the use of that data. For more information on our data policies, please visit our Privacy Policy.