Glovo და Visa კათარზისის ბენეფიციარებისთვის ერთიანდებიან

თქვენს მიერ გადახდილი საკურიერო მომსახურების თანხას Visa გააორმაგებს
Glovo და Visa კათარზისის ბენეფიციარებისთვის ერთიანდებიან
ფოტო: Glovo

Grow Your Business, Not Your Inbox

Stay informed and join our daily newsletter now!
2 min read

You're reading Entrepreneur Georgia, an international franchise of Entrepreneur Media.

Glovo უწყვეტად აგრძელებს COVID-19 ვირუსის პანდემიასთან დაკავშირებით სამოქმედო გეგმის გამხორციელებას. Glovo-ს მთავარ პრიორიტეტად რჩება ჩვენი მომხმარებლების, პარტნიორი კურიერებისა თუ აგენტების ჯანმრთელობა და უსაფრთხოება.

რადგან მსოფლიო ჯანდაცვის ორგანიზაციის მონაცემებით, ყველაზე მოწყვლადი ჯგუფი მოხუცები არიან, Glovo და Visa სწორედ მათ დასახმარებლად გაერთიანდნენ.

ამიერიდან, Glovo-ს გამოძახებისას Visa ბარათით გადახდის შემთხვევაში, თქვენს მიერ გადახდილი საკურიერო მომსახურების თანხას Visa გააორმაგებს და Glovo-ს პარნტიორი კურიერები ამ თანხით კათარზისისა და სხვა ხანდაზმულთა პანსიონატების ბენეფიციარებისთვის საკვების მიტანის სერვისს უზრუნველყოფენ.

“როგორც სოციალურად პასუხისმგებლიანი კომპანია, ჩვენ ვთვლით, რომ ჩვენი წვლილი უნდა შევიტანოთ საზოგადოებისა და იმ ადამიანების მხარდაჭერის საკითხში, ვინც ყველაზე დიდი რისკის ქვეშ იმყოფება. მოხუცებულთათვის საკვების მიტანით, ჩვენ ვცდილობთ დავეხმაროთ მათ, მოერგონ ახალ ყოველდღიურობას და დავიცვათ დაავადების გავრცელებისგან.  ჩვენ ძალიან ვაფასებთ ჩვენი პარტნიორი გლოვოსა და ვიზას ბარათების მფლობელების კონტრიბუციას ამ ინიციატივაში.” განაცხადა კრისტინა დოროშმა, ვიზას რეგიონალური მენეჯერი, კავკასიის რეგიონი.  

“მოხარულები ვართ რომ ასეთ მნიშვნელოვან პროექტში VISA მხარში დაგვიდგა.  ჩვენს ნამდვილად გმირ პარტნიორ კურიერებთან ერთად ვეცდებით რომ ამ რთულ დღეებში კათარზისის ბენეფიციარებს შეძლებისდაგვარად ცხოვრება გავუმარტივოთ. “ - განაცხადა Glovo საქართველოს გენერალურმა დირექტორმა, გიგა ქერქაძემ.

“მიხარია რომ მოხალისეთა ჯგუფის ინიციატივა დავიცვათ მოხუცები არსებული საშიშროებისგან ამ ორი კომპანიის თანამონაწილეობით შედგა. ზოგადად, კერძო კომპანიებს ეკისრებათ ამ პროცესში მნიშვნელოვანი როლი და კარგია ამ სამოქალაქო პასუხისმგებლობას ბევრი კერძო კომპანია რომ ამჟღავნებს. ჩვენ აქტიურად ვთანამშრომლობთ ყველა სეგმენტთან და იმედი მაქვს კიდევ ბევრ მნიშვნელოვან პროექტს განვახორციელებთ.” - განაცხადა მოხალისეთა ჯგუფის ხელმძღვანელმა, ნინო სიფრაშვილმა. 

ერთად დავეხმაროთ მოხუცებს, Glovo-ს გამოძახება არასოდეს ყოფილა ასეთი სასარგებლო!

Glovo კიდევ ერთხელ შეგახსენებთ ჯანმრთელობის მსოფლიო ორგანიზაციის რეკომენდაციებს ვირუსის გავრცელების პრევენცისთვისთვის:

  • ხშირად დაიბანეთ ხელები  თბილი წყლისა და საპნის გამოყენებით, ჩაიტარეთ ხელების დეზინფექცია სპირტის შემცველი საშუალებებითა და საინიტაიზერებით;
  • დაცემინების ან დახველების შემთხვევაში,  დაიფარეთ პირის ღრუ ხელსახოცით ან მოხრილი მკლავის საშუალებით. გაითვალისწინეთ, ხელსახოცი უნდა გამოიყენოთ ერთჯერადად და გამოყენებისთანავე, გადააგდოთ;
  • ავადმყოფობის ნებისმიერი ნიშანი მიიღეთ სერიოზულად და დაუკავშირდით მედიცინის წარმომადგენლებს, განსაკუთრებით კი ხველებისა და ტემპერატურის შემთხვევაში.

Glovo ტექნოლოგიური კომპანიაა, რომელიც შესაძლებლობას გაძლევთ იყიდოთ, აიღოთ და გაგზავნოთ ნებისმიერი პროდუქტი იმავე ქალაქში, ერთ საათზე ნაკლები დროის განმავლობაში. აპლიკაციას ამჟამად 2.5 მილიონი ყოველთვიური მომხმარებელი და 25,000 ასოცირებული პარტნიორი ყავს. Glovo ოპერირებს 22 ქვეყნის მასშტაბით ევროპაში, ლათინურ ამერიკასა და აფრიკაში.

დამატებითი ინფორმაციისთვის ეწვიეთ ვებგვერდს: : www.glovoapp.com

Latest on Entrepreneur