ბიზნესი VS კორონავირუსი - გიორგი ზვიადაძე

ბიზნესი საუბრობს კრიზისმენეჯმენტზე
ბიზნესი VS კორონავირუსი - გიორგი ზვიადაძე
ფოტო: Entrepreneur

Grow Your Business, Not Your Inbox

Stay informed and join our daily newsletter now!
1 min read

You're reading Entrepreneur Georgia, an international franchise of Entrepreneur Media.

ბავშვობიდან მაოცებდა გამოთქვა: „დიდ ქვაბში არ ეტეოდა, პატარაში კარგად იყო“ − ეს ეხება მსხვილ ბიზნესსაც და სტარტაპსაც. ჩვენ, სტარტაპი, რომელსაც აქვს ამბიცია, ქვეყანაში პირველი UNICORN-ი შექმნას, ცხადია დიდი გამოწვევის წინაშე დავდექით − ყოფნა თუ არყოფნა?

საბოლოოდ, გადარჩენის გზა არის მაღალტექნოლოგიურ და კვლევაზე დაფუძნებულ პროდუქტში − ჩვენ გვაქვს „ელექსირი“, რომელიც კორონავირუსს კლავს! (ლაბორატორიულად დამტკიცებულია გერმანიაში კოხის კვლევითი ინსტიტუტის პარტნიორ ჰიგიენის ცენტრალურ ლაბში) შესაბამისად, ჩავებით ბრძოლაში უხილავ მტერთან და სადაც ვნახეთ − გავანადგურეთ).

ძალიან არაკეთილსინდისიერად მოგვექცა მომწოდებელთა დიდი რაოდენობა − ფასები 10-ჯერ გაზარდეს, მაგრამ საერთაშორისო ბაზარზე მოვიძიეთ იაფი და უფრო მაღალხარისხიანი პროდუქტი, შევძელით ფასების შენარჩუნება და რიგ შემთხვევაში განახევრებაც. ახლა არ არის საშოვარის დრო, ახლა უნდა ვიყოთ ხელმისაწვდომი.

რაშიც ფული არასდროს უნდა დაინანოს მენეჯერმა, ესაა თანამშრომლების მოტივაცია. მე მიხარია, რომ თავდადებული შრომის შედეგად, იმდენად მაღალი ბონუსი მიიღო გუნდმა, რომ ავტომობილის შეძენაც კი შეძლეს.

ჩვენი სტარტაპი არაა იმ მდგომარეობაში, რომ დისტანციურად იმუშაოს, ჩვენ გავზარდეთ წარმოება 20-ჯერ და დღეში 25 ტონა პროდუქტს ვაწარმოებთ, გვაქვს მზარდი მოთხოვნა ექსპორტზე თავად გერმანიაში და სხვა ქვეყნებში. შესაძლებლობების მაქსიმუმს ვაკეთებთ. გუნდი 24 საათი შრომობს, უსაფრთხოების ზომების უმკაცრესი დაცვით!

მუდამ ვარიდებ თავს, ვინმეს რამე ვურჩიო. რაც მგონია, რომ გასაკეთებელია, ვაკეთებ! მეტი კვალიფიციური კადრი დავასაქმეთ, წარმოება გავზარდეთ, ფასები დავწიეთ, საკურიერო სერვისი გავხსენით, ექსპორტზე გავალთ და ვალუტის გამყარებას შევუწყობთ ხელს.

Latest on Entrepreneur