ბიზნესი VS კორონავირუსი - გიორგი მაისურაძე

ბიზნესი საუბრობს კრიზისის მართვის შესახებ!

By
Entrepreneur-ის კონტრიბუტორები საავტორო სტატიებში გამოხატავენ მათ პირად მოსაზრებებს.
You're reading Entrepreneur Georgia, an international franchise of Entrepreneur Media.

გიორგი მაისურაძე

თიბისი ლიზინგის რისკების დირექტორი

Entrepreneur Georgia

"საქართველოს საფინანსო სექტორი შეიძლება ითქვას, რომ ყველაზე მომზადებული შეხვდა სტრესულ გარემოს და ყველანაირად ცდილობს, ხელი შეუწყოს ეკონომიკის სტაბილურობის შენარჩუნება-აღდგენის პროცესს. თიბისი ლიზინგი, როგორც საფინანსო სექტორის ნაწილი და მომხმარებლისათვის ფინანსური მომსახურების მიმწოდებელი, ცხადია თავის წილ პასუხისმგებლობას იზიარებს შექმნილ კრიზისულ სიტუაციაში და მაქსიმალურად ცდილობს ჯეროვნად აჰყვეს ქვეყნისა და ეკონომიკის წინაშე არსებული ამ ნეგატიური გამოწვევის წინააღმდეგ მიმართული ღონისძიებების განხორციელების პროცესებს.

მიუხედავად იმისა, რომ საკანონმდებლო მოთხოვნებიდან გამომდინარე, კომპანიის ოფისები დაკეტილია, რაც ბიზნესსპეციფიკის გათვალისწინებით გარკვეული დისკომფორტის მომტანია, როგორც ჩვენი პარტნიორებისთვის, ასევე კომპანიისთვისაც, მოკლე ვადაში შევძელით მოდიფიკაცია გაგვეკეთებინა პროცესებისათვის და საკადრო რესურსის უკლებლივ შენარჩუნებით გადავედით სრულიად დისტანციური მართვის რეჟიმზე, რითაც ჩვენი სპეციფიკის გათვალისწინებით, გარკვეულწილად შეზღუდულები ვართ ახალი მომხმარებლის მომსახურებაში, თუმცა არსებულ მომხმარებელს შეუფერხებელ მომსახურებას ვუწევთ.

თიბისი ჯგუფის ერთიანი გადაწყვეტილებით, თიბისი ლიზინგმა ყველა თანამშრომელი შეინარჩუნა ამ რთულ პერიოდში. გარდა ამისა, მოვახერხეთ, რომ არც მათი ანაზღაურების შემცირება მომხდარიყო. ვფიქრობთ, იმ სირთულეებთან გამკლავება, რაც პანდემიამ მოუტანა ჩვენს ქვეყანას, ყველა კომპანიის სოციალური პასუხისმგებლობის ნაწილიცაა. პირველივე დღეებში ჩვენთვის მთავარი ამოცანა იყო საკუთარი თანამშრომლების უსაფრთხოება და ძალიან მალე უზრუნველვყავით ყველა მათგანის შინიდან მუშაობა ისე, რომ კომპანიის საქმიანობაში შეფერხება არ ყოფილა."