CARU-მ 2 წლის თომას "პიპია" უფასოდ შეუკეთა და "ბეტმენიც" აჩუქა

By
You're reading Entrepreneur Georgia, an international franchise of Entrepreneur Media.

მხოლოდ დიდები არ აღმოვჩნდებით ხოლმე მანქანის შეკეთების პრობლემის წინაშე, ბავშვებსაც ხშირად (შეიძლება დიდებზე ხშირადაც) მოსდით მსგავსი არასასურველი ინცინდენტები. ასე მოუვიდა კვირა დღეს 2 წლის თომასაც, რომლის საყვარელ "ფოლკსვაგენის" მარკის ავტომობილს საჭე მოსძვრა. მაშინვე მამას მიაკითხა, მამა კი არ დაიბნა და პირველი CARU გაახსენდა.

თორნიკე ჯობავა

არც CARU დაიბნა და ალბათ არსებობის ისტორიაში ყველაზე პატარა კლიენტს დაუზარელად და რაც მთავარია სრულიად უფასოდ მოემსახურა. რამდენიმე საათში თომას, შეკეთებული "პიპია" სუპერგმირ "ბეტმენთან" ერთად უკვე სახლში ჰყავდა. 

CARU მომხმარებლებს აკავშირებს ავტოასისტენტებთან, რომლებიც დროულად და ადეკვატურ ფასში უზრუნველყოფენ პრობლემური ავტომობილის შეკეთებას. კომპანია მომხმარებელსა და ავტოასისტენტს შორის შუამავლის როლში გვევლინება. მართალია CARU-ს ფუნქცია მომსახურება არ არის, მაგრამ იგი აკონტროლებს ავტოასისტენტთა სამუშაოს შესრულების ხარისხს – სტარტაპი დროგამოშვებით ახორციელებს კვლევებს, რომლითაც იქმნება ასისტენტთა რეიტინგი. სწორედ პერიოდულ მონაცემებზე დაკვირვება უზრუნველყოფს კვალიფიციური ასისტენტების აღმოჩენასა და შენარჩუნებას.

CARU 2018 წელს ნიკა აბაშიძემ დააფუძნა. პროფესიით ფინანსისტს, მსგავს სექტორში მუშაობის 10-წლიანი გამოცილება უკვე დაგროვილი ჰქონდა. ამას დაემატა მანქანების სიყვარული და სურვილი, შეექმნა ინოვაციური პროდუქტი.