ქართული კომპანიების ფინანსური შედეგები ერთ სივრცეში

უკვე შესაძლებელია კომპანიებმა თავიანთი ფინანსური შედეგები შეადარონ კონკურენტებს

By
You're reading Entrepreneur Georgia, an international franchise of Entrepreneur Media.

Bihub.ge პირველი ქართული ანალიტიკური პლატფორმაა, რომელმაც შესაძლებელი გახადა ქართული კომპანიების ფინანსური მონაცემების ერთიან სივრცეში ნახვა და ანალიტიკა. ინტერაქტიული "დეშბორდები" საგრძნობლად ამარტივებს სექტორის, საქმიანობისა და კომპანიების ფინანსური შედეგების შედარებასა და ანალიზს.

entrepreneur.ge

25000-ზე მეტი კომპანია, გადანაწილებული სექტორის, ინდუსტრიისა თუ საქმიანობის მიხედვით და 3000-ზე მეტი I-III კატეგორიის კომპანიის ფინანსური ანგარიშგება საკმარისია იმისთვის, რომ სულ რამდენიმე კლიკით გაიგოთ კონკრეტული კომპანიების ფინანსური საქმიანობის შედგები და/ან სექტორისა და ინდუსტრიის benchmark-ები.

რაც ყველაზე მთავარია, უკვე შესაძლებელია კომპანიებმა თავიანთი ფინანსური შედეგები შეადარონ კონკურენტებს. ძალიან მარტივად, ირჩევთ საკუთარ კომპანიას, კონკურენტებს და ადარებთ მათ ყველა ძირითადი ფინანსური მაჩვენებლის მიხედვით.

გარდა მოგება-ზარალის, ბალანსისა და ფულადი ნაკადების უწყისებისა, კომპანიების ფინანსური მაჩვენებლების შედარება შესაძლებელია ისეთი მაჩვენებლების მიხედვითაც, როგორებიცაა:

  • შემოსავალები / წმინდა მოგება / სამუშაო კაპიტალი
  • აქტივები
  • საშ. ხელფასი / Income to Salary / Net Profit to Salary
  • Gross Margin / Operational Profit Margin / EBITDA Margin / Net Profit Margin
  • ROA / ROE
  • Current Ratio
  • Debt Ratio და სხვა.

ამ ეტაპისთვის პორტალზე გამოქვეყნებულია 2018 წლის ფინანსური დოკუმენტაცია. 2019 წლის მონაცემები საჯაროდ ხელმისაწვდომი გახდება 2020 წლის დეკემბერში და უმოკლეს ვადაში დაემატება Bihub.ge-ზე.

ქართული კომპანიების ფინანსური მონაცემების ანალიტიკის გარდა საიტზე იხილავთ სხვა ინტერაქტიულ დეშბორდებსაც, რომლებიც სხვადასხვა ღიაწყაროებში არსებულ სტატისტიკურ მონაცემების ანალიტიკას გთავაზობთ, ესენია: Covid19 მსოფლიოში, იმპორტ-ექსპორტი, სახელმწიფო შესყიდვები, საქართველოს ავტოპარკი, ტელე-რადიო მაუწყებელობა, კომუნიკაციების კომპანიები  და დაზღვევის სექტორის ანალიტიკა.

პლატფორმა შექმნილია მსოფლიოს წამყვანი ბიზნეს ანალიტიკური სისტემის Qlik BI-ს ბაზაზე, რაც მონაცემების მარტივად დამუშავებას და დამოუკიდებელ ანალიტიკას უზრუნველყოფს. NGT ჯგუფი უკვე 5 წელია Qlik-ის ექსკლუზიური პარტნიორია საქართველოში. ამ პერიოდის მანძილზე წარმატებით განხორციელდა 30-ზე მეტი პროექტი და გაეშვა 100-ზე მეტი საპილოტე პროგრამა.