როგორ შევქმნათ მომხმარებელთა საუკეთესო მომსახურება პანდემიის დროს - პანელური დისკუსია

By
You're reading Entrepreneur Georgia, an international franchise of Entrepreneur Media.

9 თებერვალს, Slack Platform Community, თბილისი, მოაწყობს ონლაინ შეხვედრას, სადაც სხვადასხვა ადგილობრივი კომპანიების წარმომადგენლები განიხილავენ მეთოდებს და საშუალებებს მომხმარებელთა საუკეთესო გამოცდილების შესაქმნელად. 

Slack

კლიენტი უნდა იყოს თითოეული კომპანიის ზრუნვის ცენტრალური ფიგურა.  როდესაც ყველაფერი გაციფრულია, ბიზნესები გადადიან ონლაინ პლატფორმებზე, მნიშვნელოვანია გვახსოვდეს, რომ ვემსახურებით ადამიანებს და ვეცადოთ მათ თავი იგრძნონ კომფორტულად კომპანიასთან შეხების ნებისმიერ წერტილში. 

ამრიგად, გლობალური Slack Platform Community– ის ადგილობრივმა წარმომადგენლობამ მოიწვია სხვადასხვა ქართული კომპანიის წარმომადგენლები, რომლებიც განიხილავენ და გააზიარებენ საკუთარ გამოცდილებას და მეთოდებს თუ როგორ შევინარჩუნოთ მომსახურების მაღალი დონე.  

ღონისძიებაზე წარმოდგენილნი იქნებიან შემდეგი კომპანიების წარმომადგენლები: Adjara Group, GMT Group, Medical Wellness Resort Bioli, Wine Junkies / Trails and Wines. 

ღონისძიების მიზანია განისაზღვროს წერილობითი და შეთანხმებული გაიდლაინები საქართველოში სამომხმარებლო სერვისთან დაკავშირებით, რომლებიც შემდგომ გასაჯაროვდება.

ონლაინ შეხვედრის ფარგლებში, დამსწრეები ასევე მოისმენენ ქართული ღვინის ისტორიის მოკლე მიმოხილვას, საშუალება ექნებათ Q / A სესიისას მიიღონ ამომწურავი პასუხები სპიკერებისგან, მოისმინონ “ტერმინალის” ერთგული მომხმარებლების  პრეზენტაციები და განიტვირთონ მუსიკალური პაუზებისას. შეხვედრა საკმაოდ არაფორმალურია, თუმცა ორგანიზატორების აზრით ის იქნება სასარგებლო და საჭირო ინფორმაციის შემცველი თითოეული დამსწრესთვის.



დასწრება თავისუფალია, შეხვედრა წარიმართება ინგლისურ ენაზე, მოგვიანებით ღონისძიების ჩანაწერს დაემატება ქართული სუბტიტრები. ნებისმიერ მსურველს შეუძლია დარეგისტრირდეს და შეუერთდეს ღონისძიებას შემდეგ ბმულზე:

https://slackcommunity.com/events/details/slack-tbilisi-presents-how-to-build-the-best-customer-care-panel-discussion/#/

შეხვედრის მხარდამჭერები არიან Touch Platform და Terminal coworking.



Slack არის თანამშრომლობის პლატფორმა, რომელიც ხელს უწყობს ეფექტურ მუშაობას. Slack Platform Community ჯგუფს, რათა დაუკავშირდეთ სხვა დეველოპერებს, დიზაინერებსა და პროდუქტის მენეჯერებსა და პროგრესულად მოაზროვნე ინდივიდებს, რომლებიც დაინტერესებულნი არიან სამუშაო კულტურის მომავალში.  ჩვენ ვიკრიბებით, რათა ვისაუბროთ იმაზე, რაც შევქმენით,  განვიხილოთ ახალი  რელიზები და ვისწავლოთ ერთმანეთისგან.