ბილ გეითსი მსოფლიოს აფრთხილებს

ბილ გეითსი კიდევ ერთ გაფრთხილებას იძლევა, ამჯერად - გარდაუვალი კლიმატური კატასტროფის შესახებ
ბილ გეითსი მსოფლიოს აფრთხილებს
ფოტო: WIRED

Grow Your Business, Not Your Inbox

Stay informed and join our daily newsletter now!
2 min read

You're reading Entrepreneur Georgia, an international franchise of Entrepreneur Media.

კომპანია Microsoft-ის დამფუძნებლის თქმით, კორონავირუსის პანდემია, მოსალოდნელ კლიმატურ კატასტროფასთან შედარებით, უფრო მარტივი გამოწვევაა. ამიტომ, გეითსი წამყვან სახელმწიფოებს მოუწოდებს, დროულად დაიწყონ რეაგირება იმისთვის, რომ საუკუნის ბოლოს კლიმატური ცვლილებების შედეგად გამოწვეულმა სერიოზულმა გართულებებმა მილიონობით ადამიანი არ იმსხვერპლოს. გეითსი აქცენტს 2050 წლისთვის ატმოსფეროში ნახშირორჟანგის ნულოვან ნიშნულამდე შემცირებაზე ამახვილებს.

„თუ მომდევნო ათწლეულებში 10 მილიონზე მეტი ადამიანის სიცოცხლეს რაიმე დაემუქრება, ეს დიდი ალბათობით სწრაფად გავრცელებადი ვირუსი იქნება და არა ომი. ამის მიზეზი ნაწილობრივ იქნება ის, რომ ჩვენ უზარმაზარ თანხებს ვაბანდებთ ბირთვული შეკავების პროგრამებში და ძალიან ცოტას ეპიდემიების შესაჩერებელ სისტემებში“, − ეს გამაფრთხილებელი სიტყვები Microsoft-ის დამფუძნებელმა ჯერ კიდევ 2015 წელს გააჟღერა.

დღეს ბილ გეითსი კიდევ ერთ გაფრთხილებას იძლევა, ამჯერად − გარდაუვალი კლიმატური კატასტროფის შესახებ. მისი თქმით, ყოველწლიურად ატმოსფერო 51 მილიარდი ტონა ნახშირორჟანგით ბინძურდება. იმისათვის, რომ მსოფლიომ კლიმატური კატასტროფის პრევენცია შეძლოს, აუცილებელია 2050 წლისთვის ამ მაჩვენებლის ნულოვან ნიშნულამდე დაყვანა.

„სამწუხაროდ, კლიმატის ცვლილება გაცილებით მეტ მსხვერპლს მოიტანს − ხუთჯერ მეტს საუკუნის მიწურულისთვის. ჩვენ გვჭირდება ფიზიკური ეკონომიკის ისეთი სწრაფი ტემპით შეცვლა, როგორიც ისტორიას არ ახსოვს. ეს მოითხოვს ინოვაციებს ეკონომიკის ყველა სექტორში; ცვლილებებს ფოლადის საწარმოებში, სასათბურე მეურნეობებში, ელექტროენერგიებსა და ტრანსპორტში. და თუკი ჩვენ ამ ძალისხმევით მივაღწევთ ემისიის ნულოვან ნიშნულს, ეს იქნება კაცობრიობის უდიდესი გამარჯვება.

ბილ გეითსი მსოფლიო სახელმწიფოთა ლიდერებს მოუწოდებს, სულ მცირე 5-ჯერ, წელიწადში 110 მილიარდ დოლარამდე გაზარდონ კლიმატის დასაცავად მიმართული კვლევების დაფინანსება. თავად კი ამისთვის მომდევნო 5 წლის განმავლობაში სხვადასხვა სტარტაპსა და პროექტში 2 მილიარდზე დოლარზე მეტი მოცულობის ინვესტიციის განხორციელებას გეგმავს.

Latest on Entrepreneur