#ჩვენვაკავშირებთ - 21 მარტი დაუნის სინდრომის მსოფლიო დღეა

#ჩვენვაკავშირებთ - 21 მარტი დაუნის სინდრომის მსოფლიო დღეა
ფოტო: entrepreneur.ge

Grow Your Business, Not Your Inbox

Stay informed and join our daily newsletter now!
2 min read

You're reading Entrepreneur Georgia, an international franchise of Entrepreneur Media.

საქართველოს დაუნის სინდრომის ასოციაცია, რომელიც Down Syndrome International-ის პარტნიორია, წელს მეათედ უერთდება მსოფლიო საზოგადოებას და დაუნის სინდრომის მსოფლიო დღეს აღნიშნავს.

2021 წლის მსოფლიო გზავნილია #ჩვენვაკავშირებთ. გზავნილს განსაკუთრებული დატვირთვა აქვს, ის ყოველთვის მოიაზრებს გასული წლის მოვლენებსა და მომავალი წლის გეგმებს, რის გარშემოც ვერთიანდებით.

თუ დავაკვირდებით წლების მიხედვით გზავნილების განვითარებას, ადვილად შეამჩნევთ იმ სტიგმის შემცირებას, რომელიც დაუნის სინდრომს თან ახლდა. თუ რამდენიმე წლის წინ მიზანი დაუნის სინდრომის შესახებ ცნობადობის ამაღლება იყო, მიმდინარე წელს მთავარი მიზანი დაუნის სინდრომის მქონე პირების პროფესიული უნარების განვითარების ხელშეწყობა და დასაქმებაა.

დაუნის სინდრომის მსოფლიო დღესთან დაკავშირებით საქართველოს დაუნის სინდრომის ასოციაციის დამფუძნებელი და ლილეს დედა, მიკა ძიძიგური მოგვიყვება:

„ჩვენ ვაკავშირებთო ვთქვით და მართლაც ასეა.. ჩვენ ვაკავშირებთ ერთმანეთს მომავალი წარმატებისთვის, განათლებისთვის, განვითარებისთვის, დასაქმებისთვის, დამოუკიდებელი ცხოვრებისთვის.

პანდემიის პირობებში ცხოვრებამ ნამდვილად კარგი გაკვეთილი მოგვცა, განსაკუთრებით შეზღუდული შესაძლებლობების მქონე ადამიანებისთვის, თუ როგორი მნიშვნელოვანია მუდმივად კავშირზე ყოფნა - მუდმივად განვითარების ეტაპების შენარჩუნება, მოძრაობა და შესაძლებლობების აღმოჩენის უწყვეტი პროცესი.

ამიტომაც, მიუხედავად იმისა, რომ შეზღუდვებით სავსე გარემოში აღმოვჩნით, ასოციაციას არ შეუწყვეტია მთავარი მიზნისკენ სწრაფვა. შევქმენით პროგრამა, რომელიც დაუნის სინდრომის მქონე მოზარდებს 7-დან 18 წლამდე, სწორი მიდგომებითა და განვითარების ეტაპების მრავალფეროვნებით, ხელს უწყობს უნარების გაუმჯობესებაში, პროფესიული თვალსაზრისით თავის დამკვიდრებასა და პატარა ნაბიჯების გადადგმაში დამოუკიდებელი ცხოვრებისკენ.

პროგრამას „7 პლიუსი“ ჰქვია და მისი მიზანია ადამიანმა შეძლოს საკუთარი ინტერესების და შესაძლებლებლობების აღმოჩენა, ადკევატური შეფასება და პროფესიული ორიენტაციის დაზუსტება. პროგრამიდან გასვლის წინაპირობა პროფესიული არჩევანია.

მიმდინარე წელს ჩვენი კავშირი და წლის მიზნების გაერთიანება ბავშვებისა და მოზარდებისთვის, აღნიშნული თემების წინ წამოწევით გამოვხატეთ. ასოციაციის 21 მარტის კვირეულის ყველა ღონისძიება მოზარდების განვითარების შესაძლებლობებისა და პრობლემების ირგვლივ ერთიანდება.

19 მარტს გაიმართება რიგით მეხუთე კონფერენცია თემაზე: დაუნის სინდრომის მქონე მოზარდების განვითარება, არსებული პროგრამები და პრობლემები. კონფერენციაზე ისაუბრებენ როგორც ქართველი, ასევე უცხოელი სპეციალისტები, რომლებიც გაგვიზიარებენ საკუთარ გამოცდილებას სხვადასხვა პროექტების შესახებ.

21 მარტს, კი  ჭრელი ბაზრობა  გაიმართება ორბელიანის მოედანზე, სადაც დაუნის სინდრომის მქონე მოზარდების მიერ შექმნილი სხვადასხვა ნივთების გამოფენა-გაყიდვა შედგება, ღონისძიების მასპინძლები კი თავად მოზარდები იქნებიან.

ვფიქრობთ ამ კვირეულის მუხტი დიდხანს გაგვყვება, არა მხოლოდ ჩვენ, მშობლებს, არამედ საზოგადოების დანარჩენ წევრებსაც, იმიტომ რომ #ჩვენვაკავშირებთ“

Latest on Entrepreneur