ქართველი ინვესტორებისთვის და სტარტაპებისთვის MIT-ს რეზიდენტი Angel ინვესტორი მასტერკლასს გამართავს

Entrepreneur-ის კონტრიბუტორები საავტორო სტატიებში გამოხატავენ მათ პირად მოსაზრებებს.
You're reading Entrepreneur Georgia, an international franchise of Entrepreneur Media.

საქართველოში სტარტაპში ინვესტირების კულტურის გასაძლიერებლად, BTU-მ მსოფლიოს ყველაზე მაღალრეიტინგული უნივერსიტეტის, MIT-ს რეზიდენტი Angel ინვესტორის მასტერკლასი დაგეგმა.

BTU

ჟან ჰამონი ქართველი ინვესტორებისთვის და სტარტაპებისთვის სპეციალურ მასტერკლასს 20 მაისს 18:00 საათზე გამართავს.

ჟან ჰამონი აქტიური Angel ინვესტორია, რომელიც აშშ-ს სტარტაპ ეკოსისტემის უმაღლესი ჯილდოს, Hans Severiens Award-ის მფლობელია. მისი დაფუძნებულია მსოფლიოს ერთერთი უმსხვილესი აქსელერატორი LearnLaunch, Edinno, Quarry Technologies და AXON Networks. მისი, როგორც სერიული ანტრეპრენერის 20 წლიანი გამოცდილება მაღალტექნოლოგიურ სტარტაპებში ინვესტირებას, Launchpad Venture Group-ის და Hub Angels-ის წევრობას და სხვა მრავალ აქტივობას ითვლის.

ბიზნესისა და ტექნოლოგიების უნივერსიტეტის MIT-ს სამეწარმეო ქსელში, Martin Trust Center-ში გაწევრიანების შემდეგ, მასტერკლასზე დასწრება თავისუფალი იქნება ყველა რეგისტრირებული სტარტაპისა და ინვესტორისთვის. მასტერკლასის თემა, ადრეულ ეტაპზე მყოფი სტარტაპების დაფინანსების ფორმები, მათი საერთაშორისო ბაზრებზე კომერციალიზაცია და განვითარებაა.

გლობალური სტარტაპ ფონდი BTU-ში დაფუძნებული ერთეულია, რომელიც ისრაელის სილიკონ ვადის Angel ინვესტორებთან პარტნიორობით დაფუძნდა. დღეს, ფონდი აერთიანებს ინვესტორებს აშშ-დან, ევროპის სხვადასხვა ქვეყნიდან და ახლა უკვე საქართველოდანაც. ფონდის მხარდამჭერია საქართველოს ინოვაციებსა და ტექნოლოგიების სააგენტო. ფონდის პარტნიორია თიბისი სტარტაპერი, რომელმაც სტარტაპებისთვის ფინანსებთან წვდომის ხელშეწყობისთვის სპეციალური საინვესტიციო სესხი შექმნა.

მასტერკლასზე დამსწრეთა რეგისტრაცია მიმდინარეობს ბმულზე