ასე დაიწყო L'Oréal-ის ისტორია "შექმენით სილამაზე, რომელიც მსოფლიოს ამოძრავებს"
By ანანო ჩხაიძე •
You're reading Entrepreneur Georgia, an international franchise of Entrepreneur Media.
მე-20 საუკუნის დასაწყისში ეჟენ პოლ ლუი შუელერმა, ახალგაზრდა ფრანგმა ქიმიკოსმა, შეიმუშავა თმის საღებავის ფორმულა, სახელწოდებით Oréale. 1919 წლის 31 ივლისს შუელერმა დაარეგისტრირა თავისი კომპანია Société Française de Teintures Inoffensives pour Cheveux („საფრანგეთის თმის უსაფრთხო საღებავების კომპანია") და სწორედ ასე შეიქმნა L'Oréal − ინოვაცია სილამაზის სფეროში.
L'Oréal S.A. თავის მოვლის საშუალებების ფრანგული კომპანიაა, რომლის სათავო ოფისია კლიშიში, ჰოტს-დე-სეინში. ეს არის მსოფლიოში უდიდესი კოსმეტიკური კომპანია, რომელიც აწარმოებს თმის ფერის, კანის მოვლის, მზისგან დაცვის, მაკიაჟის, სუნამოსა და თმის მოვლის საშუალებებს.
შუელერმა ჩამოაყალიბა და აწარმოვა საკუთარი პროდუქცია, რომელიც შემდეგ გადაწყვიტა გაეყიდა პარიზელ თმის სტილისტებზე. 1920 წელს კომპანიაში დასაქმდა სამი ქიმიკოსი. 1950 წლისთვის გუნდში მხოლოდ 100 კაცი იყო; 1984 წლისთვის 1000 და დღეს − დაახლოებით 88 000.
L'Oréal-მა თავიდან თმის საღებავის წარმოებით დაიწყო, მაგრამ მალევე გაჩნდა სხვა გამწმენდი და სილამაზის პროდუქტებიც. L'Oréal ამჟამად ბაზარზე 500-ზე მეტ ბრენდს და ათასობით ინდივიდუალურ პროდუქტს აწარმოებს სილამაზის ბიზნესის ყველა სექტორში: თმის ფერი, პერმანენტები, თმის სტილისტიკა, სხეულისა და კანის მოვლა, გამწმენდი საშუალებები, მაკიაჟი და არომატი. კომპანიის პროდუქცია გვხვდება სადისტრიბუციო არხების ფართო სპექტრში − თმის სალონებსა და პარფიუმერიულ მაღაზიებში, სუპერმარკეტებში, ჯანმრთელობის/სილამაზის მაღაზიებსა და აფთიაქებში.
დროთა განმავლობაში, L'Oréal იმდენად დიდი კომპანია გახდა, რომ სხვადასხვა კომპანიის პარტნიორად, მეწილედ და აქციების მფლობელად იქცა. 2014 წლის თებერვალში Shiseido-მ L'Oréal-ს თავისი ბრენდები − Carita და Decléor 227.5 მილიონ ევროდ მიჰყიდა. ასევე, 2014 წლის ივნისში L'Oréal დათანხმდა შეეძინა NYX Cosmetics, ფასად, რომელიც დღემდე უცნობია, გააძლიერა მისი მაკიაჟის გაყიდვები ჩრდილოეთ ამერიკაში, სადაც მისი სამომხმარებლო პროდუქციის ერთეული საკმაოდ გაფუჭებული იყო. 2014 წლის სექტემბერში L'Oréal-მა გამოაცხადა, რომ შეთანხმდა ბრაზილიური თმის მოვლის კომპანია Niely Cosmeticos Group-ის შესყიდვაზე, თუმცა ფასი აქაც უცნობია. 2014 წლის ოქტომბერში L'Oréal-მა შეიძინა მულტიკულტურული ბრენდი Carol's Daughter. შეიძლება თამამად ითქვას, რომ 2014 წელი L'Oréal-ისთვის საკმაოდ მომგებიანი და ასევე, ბიუჯეტური წელი იყო.
2018 წლის მარტში L'Oréal-მა შეიძინა სილამაზის კომპანია ModiFace, მაისში L'Oréal-მა გამოაცხადა სილამაზისა და სუნამოების ახალი ხაზის პარტნიორობის შესახებ „ვალენტინოსთან".
1987 წელს ფოსტით შეკვეთის ზრდის წლებში, L'Oréal-მა და Suisses-მა, სხვა ბრენდებთან ერთად, როგორიცაა Agnès b., Commence და Professeur Christine Poelman, დააარსეს Le Club des Créateurs de Beauté კოსმეტიკური პროდუქციის ფოსტით გასაყიდად. 2008 წლის მარტში L'Oréal-მა შეიძინა 3 Suisse-ის წილი, რითაც მიიღო კომპანიის კონტროლი. 2013 წლის ნოემბერში L'Oréal-მა გამოაცხადა, რომ Le Club des Créateurs de Beauté საქმიანობას შეწყვეტს 2014 წლის პირველ ნახევარში.
1997 წლიდან L'Oréal არის კანის კინოფესტივალის ოფიციალური პარტნიორი. ამ წლების განმავლობაში L'Oréal-ის სილამაზის არაერთ ელჩს გაუვლია კანის კინოფესტივალის წითელ ხალიჩაზე − ჯულიანა მური, სიუზან სარანდონი, ენდი მაკდაუელი, ევა ლონგორია და სხვა მრავალი.
L'Oréal-ის სარეკლამო სლოგანი − „იმიტომ, რომ მე ღირსი ვარ", 1973 წელს, 23 წლის ინგლისელი არტდირექტორის მიერ შეიქმნა. 2000-იანი წლების შუახანებში სლოგანი შეიცვალა: „იმიტომ, რომ ღირსი ხარ". 2009 წლის ბოლოს, ლოზუნგი კვლავ შეიცვალა − „იმიტომ, რომ ჩვენ ღირსი ვართ". „ჩვენ"-ზე გადასვლა L'Oréal-ის ფილოსოფიასა და ცხოვრების სტილში სამომხმარებლო უფრო ძლიერი ჩართულობის შესაქმნელად და L'Oréal-ის პროდუქციით მომხმარებელთა მეტი კმაყოფილების უზრუნველსაყოფად მოხდა. L'Oréal ასევე ფლობს თმისა და სხეულის პროდუქტების ხაზს ბავშვებისთვის, სახელწოდებით L'Oréal Kids, რომლის ლოზუნგია „იმიტომ, რომ ჩვენც ამის ღირსი ვართ".
2012 წლის ნოემბერში L'Oréal-მა გახსნა ჯაბაბეკას ინდუსტრიულ პარკში, ინდონეზიაში, ჯაბაბეკას ინდუსტრიული პარკის უდიდესი ქარხანა, რომლის ჯამური ინვესტიციაა 100 მილიონი აშშ დოლარი. წარმოება შიდა ბაზარზე 25 პროცენტით შეიწოვება, დანარჩენი კი ექსპორტზე გადის. 2010 წელს მნიშვნელოვანი ზრდა მოხდა ინდონეზიაში, ერთეულის გაყიდვების 61 პროცენტით.
2020 წლის ნოემბერში ციფრულმა ოფიცერმა ლუბომირა როჩეტმა ვიდეოკონფერენციაზე კომპანიისათვის ელექტრონული კომერციის მზარდი მნიშვნელობის შესახებ ისაუბრა და აღნიშნა, რომ ელექტრონული კომერცია წლის მესამე კვარტალში მათი ბრუნვის 24%-ს შეადგენს. როშეტმა ასევე აღნიშნა, რომ ბრუნვის ამ 24%-მა „შესაძლებელი გახადა პანდემიის პირობებში მაღაზიების დახურვის გამო ზარალის 50% -ის ანაზღაურება".
2008 წელს L'Oréal დასახელდა ევროპის საუკეთესო ბიზნესდამსაქმებელ კომპანიად ევროპული სტუდენტური ბარომეტრის მიერ. ეს კვლევა ჩატარდა Trendence-ის მიერ, რომელიც მოიცავს 20 ევროპულ ქვეყანას და 91 000-ზე მეტი სტუდენტის პასუხს.
ბრენდმა ასევე მიიღო UNESCO-ს ჯილდოები მეცნიერებაში გამოჩენილ ქალ მკვლევართა აღიარებით, რომლებმაც წვლილი შეიტანეს მეცნიერულ პროგრესში.
L'Oréal აწყობს ყოველწლიურ L'Oréal Brandstorm-ს, ბიზნესთამაშს 46 ქვეყნის სტუდენტებისთვის. თამაში დაკავშირებულია მარკეტინგთან და აქვს სხვადასხვა ჯილდო: პირველი პრიზი − $10 000, მეორე − $5 000 და მესამე − $2500. პროექტის მიზანია, მოიწვიოს სტუდენტები მთელი მსოფლიოდან შემოქმედებითი, ინოვაციური იდეებით და შექმნან საკუთარი ბიზნესგეგმები სხვადასხვა თემაზე დაყრდნობით.
L'Oréal ასევე არის პროექტის „გამოიყურები კარგად... იგრძენი თავი უკეთ" დამფუძნებელი. ეს გახლავთ საქველმოქმედო ორგანიზაცია, რომელიც შეიქმნა 16 წელზე მეტი ხნის წინ, ქალების დასახმარებლად კიბოს მკურნალობის თვალსაჩინო გვერდით ეფექტებთან ბრძოლისთვის.
დღეს, ფრანსუაზ ბეთენკურტ მაიერსი − L'Oreal-ის დამფუძნებლის შვილიშვილი და მსოფლიოში უმდიდრესი ქალია. მაიერსი და მისი ოჯახი ფლობენ L'Oréal-ის აქციების დაახლოებით 33%-ს. მაიერსი 1997 წლიდან L'Oreal-ის საბჭოშია და ოჯახის ჰოლდინგის თავმჯდომარეც გახლავთ. დედამისის გარდაცვალების შემდეგ, მან საკუთარ თავზე აიღო საფრანგეთის ოფისის მართვა.
კოსმეტიკაში ლიდერი კომპანია ყოველთვის აღმავლობის გზაზეა და არასდროს ჩერდება. მისი მრავალმხრივი ხედვა და განვითარების თავისებური სტილი უფრო წინ სწევს მას, როგორც ბრენდს.
