''ტურიზმის ორგანიზაცია'' - ცვლილებებით ახალი მიზნებისკენ
By არჩილ გელაშვილი •
You're reading Entrepreneur Georgia, an international franchise of Entrepreneur Media.
საქართველოში ტურიზმის მიმართულებით წამყვან ტრენინგცენტრს „ტურიზმის ორგანიზაცია", ახალი გუნდი ჩაუდგება სათავეში, რომელსაც თორნიკე ფურცელაძე უხელმძღვანელებს. ცენტრის ცნობით, თორნიკე მანამდე ორგანიზაციის ტრენერი და პროექტების მენეჯერი გახლდათ.
„განვითარება, წინსვლა, სიახლეები − ეს არის ის ღირებულებები, რაც ჩვენი ტრენინგცენტრისთვის ყოველთვის მნიშვნელოვანი იყო, განსაკუთრებით კი პრიორიტეტული გახდა პოსტპანდემიურ პერიოდში, როდესაც მთელ მსოფლიოს ახალი დღის წესრიგით უწევს ცხოვრება", − აცხადებენ „ტურიზმის ორგანიზაციაში", − „შევძელით პანდემიის პერიოდში სწრაფი ადაპტირება ბაზარზე და საკუთარი ჩვეული საქმიანობა უჩვეულო ფორმატით − ონლაინ გაგვეგრძელებინა. მოვახერხეთ ხარისხის შენარჩუნება და ტრენინგების ღირებულების მკვეთრად შემცირება, რათა რთულ პერიოდში ჩვენი წვლილი შეგვეტანა მომავლის ინდუსტრიის განვითარებაში".
აღსანიშნავია, რომ ტრენინგცენტრის გუნდისა და ხელმძღვანელობის ცვლილებას მოჰყვა არსებული სიტუაციის/ბაზრის შესწავლა და ამჟამად, ტრენინგცენტრი მომხმარებელს სთავაზობს ტრენინგებს პრაქტიკაზე დაფუძნებული სწავლის მეთოდით (როგორც ონლაინ, ასევე სააუდიტორიო) სხვადასხვა მიმართულებით, როგორიცაა:
- ტურიზმი სოფლად
- შემყვანი ტურიზმი
- სასტუმროს მენეჯმენტი
- გიდის მოსამზადებელი კურსი
- ზოგადი ტურიზმის მენეჯმენტი
დამატებითი ინფორმაციისთვის www.to.edu.ge
გარდა ტრენინგებისა, ტურიზმით დაინტერესებულ ადამიანებს ცენტრი სთავაზობს შემდეგი სახის მასტერკლასებს:
- გრანტები და პროექტები ტურიზმში
- გასტრონომიული ტურიზმი
- ღვინო და ღვინის ტურიზმი საქართველოში
- გასვლითი მასტერკლასები რეგიონებში, რომელიც კიდევ უფრო შეუწყობს ხელს პრაქტიკული კომპონენტის გაძლიერებას
