BTU სტარტაპ EKIMO-სთან პარტნიორობით HealthTech ჰაკათონს ჩაატარებს

By
You're reading Entrepreneur Georgia, an international franchise of Entrepreneur Media.

ბიზნესისა და ტექნოლოგიების უნივერსიტეტის ორგანიზებით Healthtech მიმართულებით ჰაკათონი, სტარტაპ Ekimo-სთან პარტნიორობით, 19-20 აპრილს სტუდენტებისთვის ჩატარდება. ჰაკათონის თემატიკა მოიცავს - ქრონიკული დაავადებების მქონე პირებისთვის პერსონალური ასისტენტის შექმნას მობილური აპლიკაციის გამოყენებით.

BTU

ჰაკათონში მონაწილეობას 10 გუნდი მიიღებს, რომელშიც ბიზნესისა და ტექნოლოგიების უნივერსიტეტის 30, ხოლო სამედიცინო ფაკულტეტის უნივერსიტეტის 10 სტუდენტი გაერთიანდება. თითოეულ გუნდში წარმოდგენილი იქნება სამი BTU-ს სტუდენტი ხოლო სამედიცინო კუთხით - ერთი მონაწილე. გამარჯვებული გუნდები კი მიიღებენ ფულად ჯილდოს:

  • I ადგილი - 5000 ლარი
  • II ადგილი - 3000 ლარი
  • III ადგილი - 2000 ლარი

ჰაკათონის ფარგლებში მონაწილეებს მენტორობას დიმიტრი ჯანელიძე და სოსო კუპრაშვილი გაუწევენ. იდეებს კი ჟიური შეაფასებს:

  • ირაკლი მირზიკაშვილი - CEO, EKIMO
  • სოსო კუპრაშვილი - PO, EKIMO
  • სოსო ფიფია - CEO, VABACO
  • სალი კვირკველიძე - CMO, EKIMO
  • გიორგი ხაჩიძე - Co-founder, Edupay
  • ნინო მიქავა - BTU-ს ასოცირებული პროფესორი, ჯანდაცვის ასოციაციის დირექტორი

BTU-ს სტუდენტები რეგისტრაციისთვის ეწვიეთ ბმულს

სამედიცინო ფაკულტეტის სტუდენტები, რეგისტრაციისთვის ეწვიეთ ბმულს

EKIMO ჯანმრთელობაზე ზრუნვის პლატფორმაა, რომელიც ადამიანებს საშუალებას აძლევს, მათთვის საჭირო თუ სასურველი პროდუქტი და მომსახურება ერთი სივრციდან, დისტანციურად, მიიღონ. ჰაკათონის მთავარი მიზანია, EKIMO-ს პლატფორმა გახდეს პერსონალური ასისტენტი ქრონიკული დაავადებების მქონე ადამიანებისთვის, რომელიც, თავის მხრივ, პრევენციული მკურნალობის სერვისი იქნება მათთვის.

სამედიცინო ფაკულტეტის სტუდენტი აუცილებელია იყოს მესამე და მაღალ კურსზე, აქტიური სტატუსის მქონე სტუდენტი.