Noxtton - მსოფლიო ტექნოლოგიური სამყაროს ქართველი ამბასადორი.
You're reading Entrepreneur Georgia, an international franchise of Entrepreneur Media.
2016 წელს, დიდ ბრიტანეთში, რამოდენიმე ქართველმა ახალგაზრდამ გადაწყვიტა, მათი გამოცდილების საერთაშორისო მასშტაბით გაზიარება და ტექნოლოგიური უსაფრთხოების სერვისებზე კონცენტრირებული კომპანია Noxtton დაარსა. 6 წლის შემდეგ, იგივე კომპანია წარმოადგენს რეგიონში ერთერთ ყველაზე მასშტაბურ ტექნოლოგიურ ორგანიზაციასა და ვენტურულ ჰოლდინგ - Noxtton Group-ს.
ერთის მხრივ, ლოკალურად ნაკლებად ცნობილი, მაგრამ ინდუსტრიულად გავლენიანი ორგანიზაცია Noxtton 350-ზე მეტ წარმატებულად განხორციელებულ პროექტს, 100-ზე მეტ ადგილობრივ და საერთაშორისო კლიენტსა და 10-ზე მეტ პარტნიორ-შვილობილ ორგანიზაციას აერთიანებს.
პარტნიორებისა და პროექტების რაოდენობის ზრდასთან ერთად, კომპანიის სერვისების სპექტრიც გაიზარდა. დღეს Noxtton-ის ძირითადი სერვისები წარმოადგენს; აპლიკაციებისა და პლატფორმების დეველომპენტს, UI/UX დიზაინს, ციფრულ მარკეტინგს, ედვერთაიზინგს, Big Data & AI პროცესინგს, კონსალტინგს და კიბერ უსაფრთხოებას.
ასევე, მნიშვნელოვნად გაიზარდა Noxtton-ის გუნდიც. კომპანიის წარმომადგენლის ცნობით, დღეს უშალოდ Noxtton-ის გუნდი 80-მდე, ხოლო Noxtton Group-ში 250-მდე ადამიანს აერთიანებს.
Noxtton Group წარმოადგენს კომპანიის ვენტურულ პორტფოლიოს, რომელშიც რამოდენიმე ქართული და საერთაშორისო სტარტაპი ერთიანდება. კომპანიის წარმომადგენლის თქმით, Noxtton დაახლოებით ორი წელია რაც ვენტურული მიმართულებით დაინტერესდა და 10-ზე მეტ სტარტაპთან ჩამოაყალიბა პარტნიორობა.
"პარტნიორობის ფარგლებში, კომპანია არამხოლოდ მონეტარულ ინვესტიციას აკეთებს, არამედ ციფრული და ტექნოლოგიური პროდუქტების შემუშავებასა და ე.წ 'Product Ownership'-ს იღებს საკუთარ თავზე. ასევე, რაც ძალიან საინტერესო და აღსაღნიშნავია, ჩვენი საინვესტიციო პროფილი ფარავს ისეთ მიმართულებებს როგორიც არის; LegalTech, FinTech, Edutech, Blockchain, Transportation, ML & AI, Lifestyle, Social Media და სხვა".
კომპანიის წარმომადგენლის თქმით, კომპანიის საინვესტიციო პორტფელისა და დაკავშირებული პროდუქტების შესახებ დეტალური ინფორმაცია ძალიან მალე ყველასთვის ხელმისაწვდომი გახდება.
