📺 Stream EntrepreneurTV for Free 📺

საქართველოს ბანკის მხარდაჭერით ''ტერასა რეზორთ ბაკურიანი'' შენდება

You're reading Entrepreneur Georgia, an international franchise of Entrepreneur Media.

საქართველოს ბანკი სასტუმრო სექტორის მხარდაჭერას განაგრძობს. ბანკთან პარტნიორობით დეველოპერული კომპანია "ტერასა ჯგუფი" ახალ პროექტს - "ტერასა რეზორთ ბაკურიანს" ახორციელებს. პროექტი ბაკურიანის ცენტრში, ტყის პირას, 10,000 კვ.მ -ზე მრავალფუნქციური კომპლექსის მშენებლობას გულისხმობს. მისი ჯამური ღირებულება 9 მლნ. აშშ დოლარია, საქართველოს ბანკის ინვესტიცია კი 6,1 მლნ. აშშ დოლარს შეადგენს.

პროექტი როგორც საცხოვრებელ, ასევე სასტუმრო კომპლექსს, საცურაო აუზს, რესტორანს, ბარს და სკი დეპოს გააერთიანებს. ტერიტორიის ნახევარზე კი სრულად რეკრეაციული ზონა მოეწყობა. პროექტის დასრულება 2023 წელს იგეგმება.

"ტერასა ჯგუფის მიზანია, ხელმისაწვდომი გახადოს ხარისხისა და კომფორტის ერთობლიობა, სადაც თითოეულ ადამიანს ექნება შესაძლებლობა, იცხოვროს ჯანსაღ გარემოში და განახორციელოს გონივრული ინვესტიცია. მოხარული ვართ, რომ საქართველოს ბანკთან პარტნიორობით გვეძლევა შესაძლებლობა, ისეთი პროექტები განვახორციელოთ, რომელიც საკუთარ წვლილს შეიტანს გარემოს განვითარებასა და თითოეული ჩვენგანის ცხოვრების ხარისხის გაუმჯობესებაში. "ტერასა ბაკურიანი" ამირანის პარკთან განთავსდება და დამსვენებელს მშვიდი და კომფორტული დასვენებისთვის საჭირო ყველა პირობით უზრუნველყოფს", - აცხადებს ტერასა ჯგუფის კომერციული დირექტორი, თამარ გაფრინდაშვილი.

"ტერასა ჯგუფი" 2017 წელს დაფუძნდა. 5 წლის განმავლობაში კომპანიამ 16 პროექტზე იმუშავა, საიდანაც 12 უკვე დასრულებულია და ყველა მათგანი 3000-მდე მობინადრეს აერთიანებს. "ტერასა ჯგუფის" პორტფოლიო საკმაოდ მრავალფეროვანია და მოიცავს თაუერის, საკურორტო და საცხოვრებელი ტიპის კომპლექსებს. მიღებული გამოცდილებით კომპანია აუმჯობესებს ხარისხს, სერვისს და უძრავი ქონების ბაზარზე საუკეთესო საინვესტიციო პროდუქტებს ქმნის.

Entrepreneur-ის გუნდი

Entrepreneur Staff

Entrepreneur საქართველოს გუნდი

Business News

ისტორიული აღიარება - "პორშე ცენტრი თბილისს" მსოფლიო ჯილდო PACE 2023 გადაეცა

"პორშე ცენტრი თბილისმა" ჯილდო გაყიდვების შემდგომი მომსახურების მიმართულებით მიიღო

ინდუსტრიული ტრენდები

Tertmeti - ჯადოსნურად ხარისხიანი ქართული ბრენდი

თუკი ერთხელ მაინც მოუსმენთ Tertmeti-ს დამფუძნებელს, მიხვდებით, რა სჭირდება ადამიანს ბედნიერებისთვის

ინსპირაცია

100 ბიზნესი, რომლის დაწყებასაც $100-ზე ნაკლებად შეძლებთ

მართალია, ბიზნესის დაწყება ბევრ სირთულესთან არის დაკავშირებული, მაგრამ ფინანსები ყოველთვის არ არის ერთ-ერთი მათგანი

სიახლეები

გამორჩეული ადამიანების თვისებები

რა განასხვავებთ ცხოვრების თამაშში "გამარჯვებულებს" დანარჩენებისგან?