Startup Büro-ს ლევან მესხიშვილი უხელმძღვანელებს Startup Büro არის ორგანიზაცია, რომელიც საქართველოში სტარტაპ ეკოსისტემის შექმნასა და გაძლიერებას ემსახურება.
You're reading Entrepreneur Georgia, an international franchise of Entrepreneur Media.
2024 წლის მარტიდან, სტარტაპ ბიუროს ლევან მესხიშვილი უხელმძღვანელებს. Startup Büro არის ორგანიზაცია, რომელიც საქართველოში სტარტაპ ეკოსისტემის შექმნასა და გაძლიერებას ემსახურება. ჩვენი მიზანია, პორტფოლიო პროექტების განვითარება და სტარტაპებისთვის ქართული თუ საერთაშორისო პერსპექტივების ჩვენება.
"თითოეული გადადგუმილი ნაბიჯი ერთი მიზნისკენ დაგვაახლოებს - გავაძლიეროთ ქართული სტარტაპების ეკოსისტემა და ხელი შევუწყოთ მზარდ ინდუსტრიას მეტი ცოდნის მიღებასა და გამოცდილებების გაზიარებაში.
Startup Büro-ში გვჯერა, რომ შევძლებთ იმ რესურსის ათვისებას, რომელიც საქართველოს გააჩნია და სტრატეგიული თანამშრომლობით უმნიშნველოვანეს როლს ვითამაშებთ რეგიონის ტექნოლოგიურ ჰაბად გადაქცევის პროცესში." - აღნიშნავს ლევან მესხიშვილი.
ჩვენ გვსურს კერძო და სახელმწიფო სექტორები ჩავრთოთ უწყვეტი განვითარების იმ პროცესებში, რომელებიც მთლიანობაში ქართული ეკონომიკისა და ბიზნესის განვითარებისთვის ძალიან მნიშვნელოვანია.
უნდა აღინიშნოს, რომ სტარტაპ ბიუროს ორგანიზებით უკვე ჩატარდა 200-ზე მეტი ღონისძიება, მათ შორის: Fuckup Nights Tbilisi, ProductTank Tbilisi, World Product Day, PechaKucha Nights Tbilisi, Techstars Startup Week Georgia, Future Agro Challenge Georgia, ბიზნეს ბანაკი • Business Bootcamp, NASA Space Apps Challenge, Global Game Jam Georgia, Tbilisi Startup Day და სხვა.
Startup Büro-ს ღონისძიებებმა, ნეთვოქინგის შესაძლებლობებმა, არაფორმალური განათლების პლათფორმებმა და საინსპირაციო მუხტმა ბევრ პოტენციურ ანტრეპრენერს ახალი იდეები გაუჩინა და პროცესში ჩართო დაინტერესებული პირები.
