My Queue

There are no Videos in your queue.

Click on the Add to next to any video to save to your queue.

There are no Articles in your queue.

Click on the Add to next to any article to save to your queue.

There are no Podcasts in your queue.

Click on the Add to next to any podcast episode to save to your queue.

You're not following any authors.

Click the Follow button on any author page to keep up with the latest content from your favorite authors.

ლიდერობა

6 მარტივი გზა ხელმძღვანელებისთვის ახალი თანამშრომლების წასახალისებლად

მოეპყარით პატივისცემით ყველას - დირექტორიდან ნახევარგანაკვეთის თანამშრომლამდე
6 მარტივი გზა ხელმძღვანელებისთვის ახალი თანამშრომლების წასახალისებლად
ფოტო: Pixabay

You're reading Entrepreneur Georgia, an international franchise of Entrepreneur Media.

დაქირავებულ მომუშავეებს, განსაკუთრებით, ახალ თანამშრომლებს, იშვიათად უჩნდებათ ნდობა იმ ლიდერების მიმართ, რომელთა საქციელიც საუბარს არ შეესაბამება. შეკრული გუნდისთვის რთული არ არის ხელმძღვანელის უსიამოვნო თვისების ამოცნობა, როგორიცაა ერთის თქმა და მეორის გაკეთება.

არასწორი ლიდერობა ამცირებს მომუშავეთა პროდუქტიულობას, ზიანს აყენებს სამსახურის მორალს და მნიშვნელოვნად კვეცს ინოვაციის შესაძლებლობას კომპანიის მხრიდან. ხელმძღვანელობის ფარისევლობას ყოველთვის უარყოფითი შედეგები მოჰყვება. ჩვეულებრივ, რაც მეტია მისი ხარისხი, მით მძაფრია უარყოფითი გავლენა თანამშრომლებზე და, შესაბამისად, მათი მუშაობის ხარისხზეც.

ძვირფასო ხელმძღვანელებო, „ანტრეპრენერი“ სიამოვნებით გთავაზობთ მზა რეცეპტს, როგორ არ უნდა მოიქცეს ლიდერი, რომ მისმა მოქმედებებმა ზიანი არ მიაყენოს თანამშრომელთა მოტივაციას, შესაბმისად, კომპანიის წარმატებასაც.

 

  1. რისკი და ჩავარდნები

ხშირად ლიდერები წაახალისებენ თანამშრომლებს გასარისკად, ჩავარდნების შემთხვევაში კი, არც მეტი, არც ნაკლები, სჯიან თანამშრომლებს უიღბლო მცდელობისთვის. ეს ნამდვილად არასწორია. მნიშვნელოვანია რისკის წინასწარ გამოთვლა, მაგრამ მისი არსი უდავოდ ითვალისწინებს შესაძლო წარუმატებლობასაც. ეს, პირველ რიგში, ხელმძღვანელს უნდა ჰქონდეს გააზრებული, ასეთი შედეგი კი არავითარ შემთხვევაში არ უნდა ისჯებოდეს. წინააღმდეგ შემთხვევაში, თანამშრომლებს უბრალოდ გაუქრებათ ინოვაციისა და გაბედული ქმედებების სურვილი.

 

  1. კომპანიის ფასეულობები და მისია

თუკი კომპანიის ღირებულებები ვეგეტარიანელობაზე გადის, დამფუძნებელი კი ყოველ კვირა დღეს სანადიროდ დაბრძანდება, ცხადია, კომპანიის საყრდენი პრინციპი და ყველაზე მთავარი  ფასეულობა უბრალოდ ფარისევლობა გამოდის და მეტი არაფერი. ამიტომაც მნიშვნელოვანია, ბრენდის მორალი ხელმძღვანელობის მხრიდან პრინციპულად იყოს დაცული.

 

  1. შვებულების პოლიტიკა

შვებულების ხელგაშლილი პოლიტიკა ნამდვილად ბრწყინვალედ გამოიყურება, როცა ქაღალდზეა დაწერილი, თუმცა მისი მთავარი ბენეფიტი მხოლოდ პრაქტიკული გამოყენებაა. მნიშვნელოვანია, დამფუძნებლებმა არ შეზღუდონ მომუშავეთა კუთვნილი დასვენების უფლება, რადგან მათი შრომის ნაყოფიერების ამაღლება დიდწილად დამოკიდებულია ხარისხიან შვებულებაზე. თუკი პირველ რიგში ლიდერები გამოიყენებენ შვებულებით სარგებლობის უფლებას, ამით ორ სასარგებლო საქმეს გააკეთებენ: დაისვენებენ, ახალი ენერგიით აივსებიან და თანამშრომლებსაც სწორ მაგალითს მისცემენ.

 

  1. დისკრიმინაცია და შევიწროება

ალბათ დაგვეთანხმებით, მნიშვნელოვანია, კომპანიის პოზიცია მკვეთრად ეწინააღმდეგებოდეს ყველანაირ დისკრიმინაციასა და შევიწროებას. როცა ლიდერი ღიად აფიქსირებს თავის ჯანსაღ დამოკიდებულებებს, თავისთავად, თანამშრომლებიც დაცულნი არიან მსგავსი უსიამოვნო შემთხვევებისაგან ერთმანეთის მხრიდან.

 

  1. მიკრომენეჯმენტი

შედარებით დაბალი რგოლის მენეჯერები, როგორც წესი, მართვის მაგალითებს დამფუძნებლისგან და კომპანიის სხვა ლიდერებისგან იღებენ. თუ ისინი მიკრომენეჯმენტს მიმართავენ, დაბალი რგოლის მენეჯერებიც ასევე იქცევიან. მიეცით დეპარტამენტებს იმდენი თავისუფლება და ავტონომია, რამდენიც საჭიროა კომპანიაში სანდო ატმოსფეროს შესაქმნელად. ამით, პირველ რიგში, თვითონ დარჩებით მოგებული და კმაყოფილი.

 

  1. ყოველდღიური მუშაობის რუტინა

როგორც გამოკვლევები ავლენს, თანამშრომლები ყოველთვის, ყოველთვის აკვირდებიან ლიდერს. ისინი უყურებენ მას, აფასებენ, და მუდმივად შესაბამისად იქცევიან.

More from Entrepreneur

Dustin's experience and expertise can help you monetize your message, build a marketing strategy and connect with influencers.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Create your business plan in half the time with twice the impact using Entrepreneur's BIZ PLANNING PLUS powered by LivePlan. Try risk free for 60 days.

Latest on Entrepreneur