წყალი ჩვენი არსობისა

1000 ლიტრი სასმელი წყალი 1,5 დოლარად

By
You're reading Entrepreneur Georgia, an international franchise of Entrepreneur Media.

ჩვენი პლანეტის წინაშე მდგარი მრავალგვარი გამოწვევიდან, გლობალური დათბობა კიდევ უფრო ართულებს სუფთა, სასმელად ვარგისი წყლის ბუნებრივად მოპოვების შესაძლებლობას.

Sprintally

როგორც Scientific American იუწყება, 2025 წლისთვის სუფთა წყლის მოპოვების პრობლემა დედამიწის მოსახლეობის ორ მესამედს შეექმნება.

მსოფლიოს წამყვანი სამეცნიერო ცენტრებისა და ბიზნეს აქტორთა ყურადღება ახლა ამ პრობლემაზეცაა ფოკუსირებული. ისინი ერთობლივი ძალებით ცდილობენ განავითარონ დედამიწის მიწისქვეშა წყლებისა და ოკეანეების დამაბინძურებლებისგან გაწმენდის და ამ გზით სასმელად ვარგისი წყლის მიღების შესაძლებლობა.

ცხადია, ამ პროცესში თანამედროვე ტექნოლოგიებს გადამწყვეტი როლი აკისრია. მკვლევრები ცდილობენ იაფი, მარტივი და მაღალტექნოლოგიური მასალებისა და დიზაინის გამოყენებით უზრუნველყონ სუფთა წყლის მიღება.

აშშ-ის ენერგეტიკის დეპარტამენტი სულ მალე გამოავლენს გამარჯვებულს პრემიისთვის. ჯილდოს გაცემის წინაპირობაა შეიქმნას სისტემა, რომელიც აწარმოებს 1000 ლიტრ სასმელ წყალს 1,5 დოლარად.

ცნობისთვის, ამ დრომდე არ არსებობს ტექნოლოგია, რომელიც ასეთი ხარჯეფექტურობით შეძლებდა გადაემუშავებინა მლაშე წყლები.