GITA-ს საგრანტო პროგრამის "25 000 ლარამდე ინოვაციების გრანტები რეგიონებისთვის" გამარჯვებულები სვანეთში ცნობილია
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
საქართველოს ინოვაციების და ტექნოლოგიების სააგენტოს საგრანტო პროგრამის "25 000 ლარამდე ინოვაციების გრანტები რეგიონებისთვის" გამარჯვებულები სვანეთში გამოვლინდნენ.
გამარჯვებული პროექტები:
- Srout - ოფლაინ/ონლაინ მობილური აპლიკაცია, რომელიც შექმნილია მოგზაურთა უსაფრთხოების გასაძლიერებლად კემპინგის, მოგზაურობის ან ტურიზმის დროს.
- ENGURI - პროექტი მიზნად ისახავს საბიუჯეტო ორგანიზაციებში სამუშაოს ავტომატიზირებას (workflow automation), რომელიც, ხელოვნური ინტელექტის მხარდაჭერითა და მორგებული პლატფორმის შეთავაზების გზით, უზრუნველყოფს ოპერაციულ კოორდინაციას, ეფექტურ თანამშრომლობას, მონაცემთა უსაფრთხოებასა და საერთო პროდუქტიულობას.
- Artificial Pancreas - პროექტის მიზანია დიაბეტის მქონე ადამიანებს გაუმარტივდეთ სისხლში შაქრის დონის კონტროლი და მოეხსნათ ყოველდღიური დისკომფორტი, რომელიც გამოწვეულია შაქრის გაზომვითა და ინსულინის დოზის შეყვანისას, ასევე სტარტაპის მიზანია, მოახდინოს სისხლში შაქრის კონტროლის ავტომატიზაცია.
რეგიონალური საგრანტო პროგრამის მიზანია, ხელი შეუწყოს საქართველოს რეგიონებში ადგილობრივი ინოვაციური და ტექნოლოგიური ეკოსისტემის გაძლიერებას; ინოვაციური პროდუქტების, მომსახურების, ტექნოლოგიებისა და პროცესების შემუშავება - ათვისებისა და კომერციალიზაციის გზით ინოვაციური და ტექნოლოგიური სტარტაპების შექმნას.
USAID-ის ძლიერი სოფლის პროგრამასთან თანამშრომლობით, საგრანტო პროგრამის ბენეფიციარებს ზუგდიდის, წალენჯიხის, ონისა და მესტიის მუნიციპალიტეტებიდან ექნებათ შესაძლებლობა, მიიღონ დამატებითი რესურსები პროექტების განხორციელებისთვის.
USAID-ის ძლიერი სოფლის პროგრამა საქართველოს ინოვაციების და ტექნოლოგიების სააგენტოსთან ითანამშრომლებს სამი სხვადასხვა მიმართულებით. ეს მიმართულებებია: 1) პრე-აქსელერაციის პროგრამები სამეგრელოში, სვანეთში, რაჭა-ლეჩხუმში, შიდა ქართლსა და მცხეთა-მთიანეთში. 2) ტექნოლოგიური კვირეულები კასპში, გორში, მესტიასა და ზუგდიდში, 3) რეგიონალური საგრანტო პროგრამების კომპონენტი. აღნიშნული პროგრამები ხელს შეუწყობს ახალგაზრდებს და ადგილობრივ მეწარმეებს, შექმნან იდეიდან პროდუქტი, განახორციელონ სტარტაპ პროექტები, რაც რეგიონების სოციალურ-ეკონომიკურ გაძლიერებას შეუწყობს ხელს. აღნიშნული თანამშრომლობის ფარგლებში, ადმინისტრაციულ გამყოფ ხაზთან მდებარე თემების მოსახლეობას მიეცემა საშუალება, შეისწავლოს ფინანსებზე წვდომის ალტერნატიული წყაროების მოძიების მეთოდები და შექმნას დინამიური ცვლილებების მიმართ მდგრადი ეკონომიკური განვითარების პოტენციალი.
საგრანტო პროგრამის ფარგლებში უკვე გამოვლინდნენ გამარჯვებულები აჭარის, იმერეთისა და გურიის რეგიონებში. სამეგრელოს, სვანეთისა და რაჭა-ლეჩხუმში განაცხადების მიღება მიმდინარეობდა 1 მაისიდან 31 მაისის ჩათვლით, ელექტრონული პორტალის www.grants.gov.ge-ს მეშვეობით. საგრანტო წინადადებებს აფასებდა კომისია, რომელიც დაკომპლექტებულია შესაბამისი პროფილის მოწვეული ექსპერტებით. შერჩეულმა სტარტაპებმა კომისიის წინაშე წარსადგენად გაიარეს გადამზადების სპეციალური კურსი, რომელიც მოიცავდა ბაზრის კვლევას, ბაზარზე გასვლის სტრატეგიას, მასშტაბირებასა და ე.წ. "ფიჩინგს". საგრანტო თანხის მაქსიმალური ოდენობა, თითოეული პროექტისთვის შეადგენს 25 000 ლარს.
გრანტის მიღება შეუძლია სამიზნე რეგიონებში რეგისტრირებულ ფიზიკურ და იურიდიულ პირებს, ან პირებს, რომლებიც აპირებენ ეკონომიკური საქმიანობა განახორციელონ შესაბამის რეგიონში. ფიზიკური პირი, რომელიც მოიპოვებს დაფინანსებას, ვალდებულია საგრანტო ხელშეკრულების გაფორმებამდე მეწარმე სუბიექტის რეგისტრაცია მოახდინოს შესაბამის რეგიონში.
დეტალური ინფორმაცია იხილეთ ვებპორტალზე www.grants.gov.ge.
