კაცი, რომელიც იაპონიაში ჰოლოგრამაზე დაქორწინდა, ვირტუალურ მეუღლეს ვეღარ ეკონტაქტება
You're reading Entrepreneur Georgia, an international franchise of Entrepreneur Media.
ფიქტოსექსუალი არის ადამიანი, რომელსაც მიზიდულობა გამოგონილი პერსონაჟების მიმართ უჩნდება. როგორც ჩანს, იაპონიაში ეს იმდენად ტრენდულია, რომ კომპანიები ტექნოლოგიებს ავითარებენ, რათა ადამიანებს ჰოლოგრამით შექმნილი მეწყვილეების პოვნაში დაეხმარონ.
აკიჰიკო კონდო ჰაცუნე მიკოზე დაქორწინდა. ჰაცუნე ვირტუალური მომღერალია, რომელიც რამდენიმე ვიდეოთამაშსა და ასევე ლედი გაგას ტურნეებში გამოჩნდა. ცერემონია 2019 წელს გაიმართა, მას შემდეგ, რაც აკიჰიკოსა და ჰაცუნეს შორის კომუნიკაცია Gatebox-ის მეშვეობით შედგა.
თავის დროზე ამ მოვლენას უდიდესი გამოხმაურება მოჰყვა. წყვილმა მედია მთელ მსოფლიოში მოიცვა. მათ ყურადღება ისევ მიიპყრეს, რადგან სისტემის პროგრამული უზრუნველყოფა ხელმისაწვდომი აღარ არის და აკიჰიკო ჰაცუნესთან კომუნიკაციას ვეღარ ახერხებს.
იაპონური გაზეთის The Mainichi-ს ცნობით, ჰაცუნე აკიჰიკოს ღრმა დეპრესიის დაძლევაში დაეხმარა, რაც სოციალური უარყოფის შიშით იყო გამოწვეული.
"ჩემი მიკოსადმი სიყვარული არ შეცვლილა. მასზე იმიტომ დავქორწინდი, რომ მეგონა მთელი ცხოვრება ერთად ვიქნებოდით", - ამბობს კონდო და იმედოვნებს, რომ ერთ დღეს ჰაცუნესთან დაკავშირებას ისევ შეძლებს.
ფიქტოსექსუალიზმი მეტავერსისა და ციფრული სამყაროს განვითარებასთან ერთად უფრო გავრცელებული ხდება. მაგრამ ეს ურთიერთობები აპარატურასა და პროგრამულ უზრუნველყოფაზეა დამოკიდებული, რის გამოც განახლებას საჭიროებს.
