მომხმარებლის საჭიროებებზე მორგებული, განახლებული ჯანმრთელობის ინდივიდუალური დაზღვევა იმედი L-ისგან
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
საქართველოს სადაზღვევო ბაზარი ტრანსფორმაციის ეტაპზეა და სურათი უფრო და უფრო იცვლება. ბაზრის ერთ-ერთმა უმსხვილესმა მოთამაშემ, იმედი L-მა, 2025 წლიდან საცალო მიმართულების გააქტიურების ახალი ტალღა დაიწყო. რამ განაპირობა ეს სტრატეგიული გადაწყვეტილება და რას სთავაზობს კომპანია მათ, ვინც საკუთარ ჯანმრთელობასა და უსაფრთხოებაზე ინდივიდუალურად ზრუნავს? ამ თემებზე კომპანიის არასამედიცინო და საცალო გაყიდვების დირექტორი, ნათია ანასტასიადი გვესაუბრება.
მისი თქმით, იმედი L-ისთვის 2025 წელი გარდამტეხი აღმოჩნდა. წლების განმავლობაში კომპანიის ძირითადი რესურსი კორპორაციული პორტფელის გაფართოებისკენ იყო მიმართული, თუმცა დაგროვილმა გამოცდილებამ ახალი შესაძლებლობების კარი გააღო. ეს არ ყოფილა სპონტანური ნაბიჯი – კომპანია ორი წლის განმავლობაში აკვირდებოდა ბაზარს, აგროვებდა უკუკავშირს და სწავლობდა მომხმარებლის ქცევას.
"2024 წელს დავიწყეთ პროდუქტების გამოშვება ინდივიდუალური პირებისთვის. ეს მოიცავს როგორც ჯანმრთელობის, ისე ავტო და ქონების დაზღვევას. მომხმარებელთან ურთიერთობის მრავალფეროვანი გამოცდილება გვეხმარება, რომ სერვისები სხვადასხვა მიმართულებით განვავითაროთ და მოვუსმინოთ მათ საჭიროებებს. სწორედ ამიტომ გვინდოდა, პირობები ყოფილიყო მაქსიმალურად ინდივიდუალურად მორგებული, კომფორტული და, რაც მთავარია, ხელმისაწვდომი", – განმარტავს ნათია ანასტასიადი.
ინდივიდუალურ დაზღვევაზე მოთხოვნის ზრდას რამდენიმე ფაქტორი განაპირობებს. პირველი და ყველაზე თვალსაჩინო სამედიცინო სერვისების გაძვირებაა. როდესაც ვიზიტის, კვლევისა თუ მედიკამენტების ხარჯი პერსონალურ ბიუჯეტს მძიმე ტვირთად აწვება, დაზღვევა აუცილებლობად იქცევა. თუმცა, მხოლოდ ეკონომიკური ფაქტორი არ არის გადამწყვეტი – შეიცვალა თავად მომხმარებელიც.
"ადრე თუ ტენდენცია იყო, რომ მხოლოდ უკიდურეს შემთხვევაში მიდიოდა პაციენტი ექიმთან, ახლა პრევენციული კულტურა ჩამოყალიბდა. მომხმარებელმა ისწავლა პრევენცია, გაჩნდა მოთხოვნა პროფილაქტიკურ და სრულფასოვან კვლევებზე", – აღნიშნავს ნათია Entrepreneur-თან ინტერვიუში. მისივე თქმით, სამიზნე აუდიტორია საკმაოდ ფართოა: თვითდასაქმებულები, ინდმეწარმეები, ის პირები, რომელთა ოჯახის წევრებიც კორპორაციულ პაკეტებში ვერ ხვდებიან და უბრალოდ, ინდივიდები, ვისაც საკუთარ ჯანმრთელობაზე ზრუნვა სურს.
თანამედროვე მომხმარებელი მაქსიმალურად ორიენტირებულია დისტანციურ, სწრაფ და მარტივ პროცედურებზე. სწორედ ამიტომ, იმედი L-მა აქცენტი სერვისების გაციფრულებაზე გააკეთა. მრავალფუნქციური აპლიკაცია და პორტალი მომხმარებელს საშუალებას აძლევს, დისტანციურად ჩაეწეროს ოჯახის ექიმთან, მიიღოს მიმართვები სმს-ით და მართოს საკუთარი სადაზღვევო პორტფელი ზედმეტი ძალისხმევის გარეშე.
პროდუქტების არჩევანიც მრავალფეროვანია – სამი ძირითადი მიმართულება, რომელიც კიდევ უფრო დეტალურ კომბინაციებად იშლება. მომხმარებელს შეუძლია თავად ააწყოს პაკეტი: აირჩიოს სასურველი ლიმიტები, დაფარვები ან პერსონალური მენეჯერის მომსახურება.
იმედი L-თვის წარმატების საზომი მხოლოდ გაყიდული პოლისების რაოდენობა არ არის. მთავარი ორიენტირი გრძელვადიანი ლოიალობაა.
"ჩვენთვის უმნიშვნელოვანესია, მომხმარებელმა დაინახოს ის სიკეთე, რაც დაზღვევას ახლავს. ნიშნული, რომელსაც გვინდა მივაღწიოთ, არის კონტრაქტის განახლების სურვილი. ეს ნიშნავს, რომ მომხმარებელი კმაყოფილია", – ამბობს ნათია ანასტასიადი.
კომპანიის ამბიცია მხოლოდ სამედიცინო ხარჯების ანაზღაურებით არ შემოიფარგლება. გრძელვადიან პერსპექტივაში იმედი L მიზნად ისახავს ცხოვრების ჯანსაღი წესის პოპულარიზაციას, რათა დაზღვევა მომხმარებლისთვის არა მხოლოდ ფინანსური გარანტი, არამედ ჯანმრთელი მომავლის თანაპარტნიორი გახდეს.
სტრატეგიული ცვლილებების მიღმა კონკრეტული გაუმჯობესებები დგას, რომლებიც იმედი L-მა პროდუქტებში მომხმარებლის ინტერესების მაქსიმალური გათვალისწინებით შეიტანა. ერთ-ერთი მთავარი სიახლე პროვაიდერი კლინიკების სიის გაფართოება და ოჯახის ექიმების ხელმისაწვდომობის სრულიად ახალი სტანდარტია.
თუ აქამდე სადაზღვევო ბაზარზე მიღებული პრაქტიკა მომხმარებელს კონკრეტულ ექიმთან ან ლოკაციასთან აკავშირებდა, იმედი L-მა ეს ბარიერი მოხსნა. ნათია ანასტასიადი განმარტავს, რომ ახალი მიდგომით მომხმარებელი თავისუფალია არჩევანში: მას შეუძლია დღეს სახლთან ახლოს ესტუმროს ოჯახის ექიმს, ხვალ – სამსახურთან, ხოლო დასასვენებლად ყოფნისას – კურორტთან ყველაზე ახლოს მდებარე ფილიალში ჩაეწეროს. ეს მობილურობა, ციფრულ სერვისებთან ერთად, დაზღვევის გამოყენების პროცესს ბევრად უფრო დინამიკურს ხდის.
განსაკუთრებით აღსანიშნავია მიდგომა ე.წ. გამონაკლისების მიმართ. სადაზღვევო ინდუსტრიაში არსებობს დიაგნოზები ან მდგომარეობები, რომლებიც სტანდარტულად არ იფარება, თუმცა კომპანიამ აქაც იპოვა გამოსავალი.
"ჩვენ გვაქვს სერვისი, სადაც იმის მიუხედავად, რომ დიაგნოზი ან დაავადება შეიძლება გამონაკლისში ხვდებოდეს, მომხმარებელს მაინც შეუძლია ულიმიტოდ, ნახევარ ფასად მიიღოს მომსახურება ძალიან კარგ კლინიკებში. ამას არ სჭირდება ექიმის დანიშნულება – მაგალითად, ნებისმიერი კვლევის ჩატარება წამყვან ლაბორატორიულ კლინიკებში მხოლოდ პოლისის წარდგენითაა შესაძლებელი", – აღნიშნავს ის.
გარდა ამისა, საგრძნობლად გაიზარდა თანაგადახდის პროცენტები ექკლუზიურ პროვაიდერ კლინიკებში, რომლებიც მთელი ქვეყნის მასშტაბითაა ხელმისაწვდომი, ხოლო დაგეგმილი სამედიცინო სერვისებიდან ბევრ პაკეტში მოიხსნა მოცდის პერიოდი, რაც პროდუქტს კიდევ უფრო მიმზიდველს ხდის.
პროდუქტები სამ ძირითად პაკეტად იყოფა, რომლებიც სხვადასხვა საჭიროებასა და ბიუჯეტზეა გათვლილი:
თითოეული მათგანი ითვალისწინებს ისეთი სერვისებით სარგებლობას, როგორიცაა ამბულატორია, მედიკამენტები, სტომატოლოგია და ჰოსპიტალური სერვისები. ამ უკანასკნელის მფლობელებს შეუძლიათ ისარგებლონ ნებისმიერი არაპროვაიდერი კლინიკითა თუ ექიმით, გადახდილი თანხის ანაზღაურება კი აპლიკაციის მეშვეობით სულ რაღაც ერთ დღეში ხდება.
ნათია ანასტასიადი ხაზს უსვამს, რომ კომპანიის მიზანი არა ნიშური, არამედ მასობრივი ხელმისაწვდომობაა: "ჩვენი მიზანია, მომხმარებელმა მაქსიმალური ბენეფიტი მიიღოს იმ ფასში, რასაც იხდის. გვინდა დაზღვევა მასობრივად ბევრისთვის იყოს ხელმისაწვდომი და არა მხოლოდ ვიწრო ჯგუფისთვის. რაც უფრო იზრდება ჩვენი პორტფელი, მით მეტი შესაძლებლობა გვეძლევა, კიდევ უფრო გავაუმჯობესოთ პირობები ყველასთვის".
იმედი L-თვის მომხმარებლის გამოცდილების გაუმჯობესება არა მხოლოდ სერვისების დახვეწას, არამედ მათთან ურთიერთობის ფილოსოფიის შეცვლას ნიშნავს. ნათია ანასტასიადი აღნიშნავს, რომ ეს ამოუწურავი პროცესია, რადგან თანამედროვე მომხმარებელი მიჩვეულია სწრაფ, მოქნილ და დროულ რეაგირებას. ამ დინამიკას ციფრული სტატისტიკაც ადასტურებს: თუ 3-4 წლის წინ ოჯახის ექიმთან ჩასაწერად სატელეფონო ზარი მთავარი გზა იყო, დღეს მომხმარებელთა 90% ამას აპლიკაციის მეშვეობით აკეთებს. ეს რადიკალური ცვლილება კარნახობს კომპანიას, რომ ყველა სხვა სერვისიც მაქსიმალურად გააციფრულოს.
მომხმარებელს უჩნდება სურვილი, დამოუკიდებლად გაეცნოს პირობებს, შეადაროს პროდუქტები და მიიღოს გადაწყვეტილება ყოველგვარი შუამავლის გარეშე. თუ ადრე გაყიდვების მენეჯერი იყო ერთადერთი "მაშველი რგოლი", დღეს ადამიანები დაზღვევას ონლაინ, სრული ავტონომიით ყიდულობენ. ამ კომფორტს კი კომპანია აპლიკაციის, ვებპორტალისა და AI ასისტენტის დახმარებით უზრუნველყოფს.
ახალი პროდუქტების შექმნისას კომპანიამ სრულად მომხმარებლის უკუკავშირით იხელმძღვანელა და გადაწყვეტილებები მათ საჭიროებებზე დაკვირვებით მიიღო. ნათია ანასტასიადის თქმით, ყოველი ცვლილება პირდაპირი პასუხია იმაზე, რაც გაყიდვების გუნდის გამოკითხვებისას ან ქოლცენტრში შემოსული მოთხოვნების ანალიზისას გამოიკვეთა.
"ყველა სიახლე დავაჯგუფეთ იმის მიხედვით, თუ რაზე იყო ყველაზე დიდი მოთხოვნა. მომავალშიც ასე ვაპირებთ, რომ მოვუსმინოთ მათ, დავინახოთ, სად გვაქვს ე.წ. გეფები და ამოვავსოთ ეს დანაკლისები", – განმარტავს ის.
მრავალფეროვანი პაკეტების შეთავაზებით კომპანია მომხმარებელს საშუალებას აძლევს, შეიმსუბუქოს ის ყოველთვიური ხარჯი, რომელსაც ჯანდაცვაზე გასწევს. საბოლოო ჯამში, ეს ყველაფერი ემსახურება ერთ დიდ მიზანს – დაზღვევის ბენეფიტების სრულად შეგრძნებას და გადასვლას პრობლემის პოსტფაქტუმ მოგვარებიდან ჯანმრთელობის პრევენციულ მართვაზე.
დეტალური ინფორმაცია პროდუქტის შესახებ შეგიძლიათ იხილოთ ბმულზე.
