ნინო ჩადუნელი: "წარმატება მხოლოდ ფინანსური მაჩვენებლებით არ იზომება - ის იწყება გუნდით და მომხმარებლისთვის შექმნილი ღირებულებით"
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
გასულ წელს "ლიბერთიმ" უნივერსალიზაციის მნიშვნელოვანი ეტაპი წარმატებით დაასრულა და ტრადიციული საბანკო მოდელიდან თანამედროვე, მოქნილ და მომხმარებელზე ორიენტირებულ ბანკად ჩამოყალიბდა.
აღნიშნული ცვლილებების განხორციელებაში მნიშვნელოვანი როლი "ლიბერთის" საცალო საბანკო მიმართულების გუნდმა შეასრულა, რომელიც დღეს ბანკის ერთ-ერთ მთავარ ძალას წარმოადგენს.
როგორც "ლიბერთის" საცალო საბანკო მიმართულების დირექტორი, ნინო ჩადუნელი აღნიშნავს, გასული 2025 წელი ბანკისთვის მნიშვნელოვანი ტრანსფორმაციის წელი იყო. საცალო მიმართულების შედეგები შესაბამისად აისახა ბანკის ფინანსურ მაჩვენებლებზე:
"2025 წელი "ლიბერთისთვის" იყო ძალიან ძლიერი შედეგების წელი. განსაკუთრებით მნიშვნელოვანია, რომ ბანკის მოგება წლიდან წლამდე 21%-ით გაიზრდა, მათ შორის რითეილ მიმართულებაც, რომელმაც ამ საერთო შედეგში ერთ-ერთი მნიშვნელოვანი როლი შეასრულა".
ბიზნესში მთავარი სწორი პრიორიტეტების განსაზღვრაა. "ლიბერთის" რითეილ გუნდმა შეძლო რესურსების ეფექტურად განაწილება. მათ არა მხოლოდ შეასრულეს ბიუჯეტი, არამედ ორმაგ შედეგს მიაღწიეს წმინდა შემოსავალში. ეს მიუთითებს იმაზე, რომ ბანკის მიერ არჩეული სტრატეგია ბაზრის რეალურ მოთხოვნებს პასუხობს. მენეჯმენტის გადაწყვეტილებები კი ოპერატიული და ზუსტი აღმოჩნდა.
ბანკის ზრდა განსაკუთრებით თვალსაჩინოა საკრედიტო პორტფელის მიმართულებით. იპოთეკური და სამომხმარებლო სესხები "ლიბერთის" მთავარ პროდუქტებად იქცა. იპოთეკური პორტფელის 69%-იანი ზრდა უპრეცედენტო მაჩვენებელია ქართული ბაზრისთვის. ეს ნიშნავს, რომ მომხმარებელი ბანკს გრძელვადიან პარტნიორად აღიქვამს.
ბანკი აღარ შემოიფარგლება მხოლოდ მასობრივი მომსახურებით. 2025 წელს "ლიბერთიმ" წარმატებით აითვისა პრემიუმ სეგმენტი. "STUDIO ლიბერთი" გახდა ახალი სტანდარტი მაღალშემოსავლიანი კლიენტებისთვის. ამ მიმართულებამ დეპოზიტების ზრდაში უდიდესი წვლილი შეიტანა. ეს კი მიუთითებს იმაზე, რომ ბანკისადმი ნდობა ყველა სეგმენტში იზრდება.
პორტფელის დინამიკას ნინო ჩადუნელი ასე განმარტავს:
"საცალო სეგმენტის დეპოზიტების პორტფელმა 2025 წლის ბოლოს შეადგინა 1,8 მილიარდი. აღსანიშნავია რომ მთლიანი სეგმენტის წლიური ნაზრდის 53% ახალშექმნილ "STUDIO ლიბერთის" მაღალშემოსავლიან სეგმენტზე მოდის".
"ლიბერთი" დღეს უნივერსალიზაციის გზას ადგას. ეს ნიშნავს თანამედროვე, ხარისხიანი სერვისების შეთავაზებას ყველა ტიპის მომხმარებლისთვის. ტრანსფორმაცია ხომ მხოლოდ ფინანსურ მაჩვენებლებში არ გამოიხატება – ეს არის ბანკის შიდა კულტურის შეცვლა. "ლიბერთი" კი სულ უფრო მეტად პასუხობს დივერსიფიცირებული სეგმენტების მოთხოვნებს.
"ეს იყო წელი, როდესაც "ლიბერთიმ" სტრატეგიული ტრანსფორმაციის მიმართულებითაც ძალიან მნიშვნელოვანი ნაბიჯები გადადგა. ჩემთვის ეს ნიშნავს, რომ ბანკი სულ უფრო სრულყოფილად პასუხობს განსხვავებული სეგმენტის საჭიროებებს და ქმნის მათთვის ხარისხიან და თანამედროვე საბანკო მომსახურებას", – აღნიშნავს ტრანსფორმაციის პროცესზე საუბრისას დირექტორი.
პრემიუმ მომსახურების დაწყება სტრატეგიული განაცხადი იყო. ბანკმა დაამტკიცა, რომ შეუძლია მაღალი სტანდარტის დაცვა. პერსონიფიცირებული მიდგომა გახდა ბანკის ახალი სახე.
დღეს უნივერსალიზაცია აღარ არის მომავლის გეგმა. ეს არის მიმდინარე პროცესი, რომელიც ყოველდღიურად აძლიერებს ორგანიზაციას. "ლიბერთი" ბანკი გახდა უფრო მოქნილი და კონკურენტუნარიანი. შედეგები კი უკვე აისახება როგორც ბიზნესში, ისე მომხმარებლის გამოცდილებაში.
უნივერსალიზაციის ეტაპზე საუბრისას ნინო დასძენს: "უნივერსალიზაციის სტრატეგია ლიბერთისთვის ერთ-ერთი მთავარი პრიორიტეტია. ეს არის პრაქტიკაში გადმოტანილი ტრანსფორმაცია, რომელიც უკვე აისახება როგორც ბიზნესის შედეგებსა და დინამიკაში, ისე მომხმარებლის გამოცდილებაში".
გაციფრულება და მისი როლი ბანკის წარმატებაში
თანამედროვე საბანკო საქმე ტექნოლოგიების გარეშე წარმოუდგენელია. "ლიბერთიში" ციფრული ტრანსფორმაცია აუცილებლობად იქცა. ბანკი მუდმივად ავითარებს ციფრულ არხებს. მიზანი მარტივია: მომსახურება უნდა იყოს სმარტფონში, სწრაფი და უსაფრთხო. ციფრული არხების მომხმარებელთა რაოდენობა კი მუდმივად იზრდება.
ტექნოლოგიების მნიშვნელობაზე ნინო ჩადუნელი ამბობს, რომ "დღეს ციფრული ტრანსფორმაცია ნამდვილად აღარ არის არჩევანი. ის არის აუცილებელი პირობა იმისთვის, რომ ბანკმა თანამედროვე მომხმარებლის მოლოდინებს უპასუხოს. ჩვენთვის ტექნოლოგიური განვითარება არ ნიშნავს მხოლოდ ახალი ციფრული ფუნქციონალის დამატებას".
"ლიბერთი" ბანკის წარმატება წელს საერთაშორისო დონეზეც აღიარეს. Global Finance-ის ჯილდოები სწორედ ამის დასტურია. "ლიბერთიმ" შვიდი ჯილდო მიიღო, რაც რეგიონის მასშტაბით უპრეცედენტოა. ეს ნიშნავს, რომ ქართული ბანკი ლოკალურ დონეზე მსოფლიო სტანდარტებს აწესებს.
"Global Finance-ის World's Best Digital Bank Awards 2025-ის ფარგლებში შვიდი ჯილდო მივიღეთ. ეს აღიარება ჩვენთვის მხოლოდ ჯილდო არ არის – ეს არის დასტური იმისა, რომ "ლიბერთის" ციფრული განვითარება პასუხობს თანამედროვე საბანკო სტანდარტებს".
ადამიანური კაპიტალი და კონკურენტული უპირატესობა
მიუხედავად ციფრულ განვითარებაზე ფოკუსისა, "ლიბერთი" ადამიანზე ორიენტირებულ ბანკად რჩება. ბანკს ქვეყნის მასშტაბით ყველაზე გაშლილი ქსელი აქვს. ეს მათ საშუალებას აძლევს, იყვნენ ყველგან, სადაც მომხმარებელია. ბანკი თანაბრად რელევანტურია ახალგაზრდებისთვის, ოჯახებისა და პენსიონერებისთვის. ნდობა კი მათი მთავარი კონკურენტული უპირატესობაა.
"ჩვენი მთავარი კონკურენტული უპირატესობა დღეს არის ის, რომ ჩვენ ნამდვილად ვართ ადამიანებზე ორიენტირებული ბანკი – ფართო მასშტაბით, რეალური ხელმისაწვდომობით. "ლიბერთი" ემსახურება ყველა ასაკისა და ყველა სეგმენტის მომხმარებელს".
ნებისმიერი კომპანიის წარმატება კი გუნდზეა დამოკიდებული. "ლიბერთიში" გუნდურ მუშაობასა და პასუხისმგებლობის გაზიარებას დიდ მნიშვნელობას ანიჭებენ. ლიდერის ხედვა ეფუძნება ინიციატივების მხარდაჭერას. სწორედ ასეთი გარემო ქმნის საუკეთესო შედეგს.
გუნდის როლზე ნინო ჩადუნელი ამბობს:
"ნებისმიერი კომპანიის წარმატება იწყება ძლიერი გუნდით და სწორედ ადამიანები ქმნიან რეალურ ცვლილებას. ჩემი ხედვა ეფუძნება გუნდის გაძლიერებას, პასუხისმგებლობების გაზიარებას და ინიციატივების მხარდაჭერას".
ხედვა 2026 წლისთვის
წინ ახალი მიზნები და გამოწვევებია. 2026 წელს ბანკი ხარისხიან ზრდაზე გაამახვილებს აქცენტს. პერსონალიზაცია და მომხმარებლის გამოცდილების გაუმჯობესება მთავარი პრიორიტეტი იქნება. ბანკი გეგმავს პოზიციების კიდევ უფრო განმტკიცებას.
სამომავლო გეგმებს ნინო ჩადუნელი ასე აჯამებს:
"2026 წელს განსაკუთრებულ ყურადღებას გავამახვილებთ ხარისხიან ზრდაზე – მომხმარებლის გამოცდილების გაუმჯობესებაზე, სერვისის პერსონალიზაციაზე. 2026 წლის ჩვენი მთავარი ამოცანა იქნება, ძლიერი ფინანსური შედეგები გადავაქციოთ კიდევ უფრო მდგრად, მასშტაბურ და ადამიანზე ორიენტირებულ ზრდად".
საბოლოოდ, "ლიბერთი" აგრძელებს მომავლის უნივერსალური ბანკის მშენებლობას. ეს არის პროცესი, სადაც ფინანსური მაჩვენებლები და ადამიანური ღირებულებები ერთიანდება. ორგანიზაცია მზად არის ახალი სიმაღლეების დასაპყრობად.
"წარმატება მხოლოდ ფინანსური მაჩვენებლებით არ იზომება, არამედ იმით, თუ რამდენად შევძელით მომხმარებლებისთვის ყოველდღიური ფინანსური გადაწყვეტილებების გამარტივება. სწორედ ეს ღირებულებები განსაზღვრავს დღეს "ლიბერთის" საცალო მიმართულების სტრატეგიას", – ამბობს ნინო ჩადუნელი.
