სელფი მობაილმა 65 მილიონის ობლიგაცია განათავსა მოზიდული თანხა შესაძლებლობას აძლევს სელფის კიდევ უფრო მეტი რესურსი ჩადოს ქსელის განვითარებასა და გაფართოებაში, მათ შორის 5G ქსელის დანერგვაში

You're reading Entrepreneur Georgia, an international franchise of Entrepreneur Media.

ქართულმა მობილურმა ოპერატორმა, სელფი მობაილმა, რომელიც 1.3 მილიონზე მეტ აბონენტს ემსახურება, წარმატებით განათავსა მისი პირველი ობლიგაციები და შედეგად 65 მილიონი ლარი მოიზიდა. მოზიდული თანხა შესაძლებლობას აძლევს სელფის კიდევ უფრო მეტი რესურსი ჩადოს ქსელის განვითარებასა და გაფართოებაში, მათ შორის 5G ქსელის დანერგვაში. აღსანიშნავია, რომ ობლიგაციებზე მოთხოვნამ 25%-ით გადააჭარბა მიწოდებას. ეს განაპირობა როგორც სელფის მომგებიანობამ და პერსპექტიულმა პოზიციამ ბაზარზე, ასევე კომპანიის მიერ 2023 წლის ოქტომბერში ევროპის წამყვანი სარეიტინგო სააგენტოსგან, Scope Ratings, BB-/Stable შეფასების მიღებამ. მოცემული რეიტინგი ყველაზე მაღალია, რაც ოდესმე მიუღია ქართულ ტელეკომ კომპანიას. სელფის ობლიგაციები შეიძინეს საქართველოს წამყვანმა კომერციულმა ბანკებმა და საქართველოს საპენსიო სააგენტომ.

"სელფი მობაილმა" წარმატებით დაასრულა მის ისტორიაში ერთ-ერთი ყველაზე მნიშვნელოვანი გარიგება, 65 მილიონი ლარის მოცულობის ობლიგაციების განთავსების სახით. ობლიგაციების გამოშვებით მოზიდული ფინანსური სახსრები მოხმარდება სელფის არსებული ქსელის კიდევ უფრო გაუმჯობესებას, ასევე 5G ქსელის გაფართოებას, რაც ჩვენი მომხმარებლისთვის ნიშნავს მაღალი სიჩქარის ინტერნეტს და მაღალი ხარისხის მომსახურებას. მოცემული გარიგებით, სელფი განაგრძობს მომხმარებლისთვის მიცემული დაპირების შესრულებას, რაც მდგომარეობს კომპანიის უწყვეტ განვითარებაში, იმისთვის რომ ჩვენს აბონენტებს ჰქონდეთ მრავალფეროვანი პროდუქტები, საუკეთესო მომსახურება და, რაც მთავარია, საიმედო, მაღალი გამტარობის მქონე ქსელი. როგორც არაერთხელ აღვნიშნეთ, სიბიეს ჯგუფის შემადგენლობაში სელფის განსაკუთრებული ადგილი უკავია. ეს კომპანია დაკავშირებულია ქვეყანაში ინოვაციების და მომავლის ტექნოლოგიების დანერგვასთან, რომლებიც ხელს უწყობენ ჩვენი მომხმარებლის კეთილდღეობის ზრდას", - განაცხადა სიბიეს ჯგუფის ფინანსურმა დირექტორმა, თამარ გახარიამ.

"მოზიდული ფინანსური რესურსი, 65 მილიონი ლარის მოცულობით, მნიშვნელოვანია სელფის დაფინანსების სტრუქტურისა და საპროცენტო განაკვეთის გაუმჯობესების თვალსაზრისით. მიღებული დაფინანსება და ამის შედეგად გამოთავისუფლებული ფულადი სახსრები მოხმარდება სელფის ქსელის გაუმჯობესებასა და გაფართოებას, კომპანია ასევე აქტიურად გააგრძელებს 5G ტექნოლოგიის და მასთან დაკავშირებული პროდუქტების დანერგვას. ცალკე აღნიშვნის ღირსია სელფის ობლიგაციების მიმართ დაფიქსირებული მაღალი მოთხოვნა, რაც განპირობებულია ტელეკომუნიკაციის სექტორში ყველაზე მაღალი საკრედიტო რეიტინგის მიღებით, სტაბილური პოზიციით ბაზარზე და სამომავლო განვითარების მნიშვნელოვანი პერსპექტივით. ხაზგასასმელია, რომ ფასიანი ქაღალდი შეიძინეს საქართველოს წამყვანმა კომერციულმა ბანკებმა და საქართველოს საპენსიო სააგენტომ", - განაცხადა ირაკლი ჭედიამ, სელფი მობაილის ფინანსურმა დირექტორმა.

ობლიგაციები ლარშია დენომინირებული, ვადა 3 წელს შეადგენს, წლიური საპროცენტო განაკვეთი 6-თვიან TIBR-ს + 3.5%-ია. ფასიანი ქაღალდი უზრუნველყოფილია კომპანიის უძრავი და მოძრავი ქონებით. განთავსების აგენტები იყვნენ "გალტ & თაგარტი" და "თიბისი კაპიტალი".

Entrepreneur-ის გუნდი

Entrepreneur Staff

Entrepreneur საქართველოს გუნდი

Related Topics

ინსპირაცია

25 ფრაზა, რომლებმაც შემცვალეს

ხშირად ერთ ფრაზას ადამიანის მთელი ცხოვრების შეცვლა შეუძლია

მენეჯმენტი

"ძველით ახალი" თანამშრომელი

ყოველი ახალი თანამშრომელი დამატებითი ცოდნისა და გამოცდილების, ახალი ხედვისა და იდეის წყაროა კომპანიისთვის

ლიდერობა

15 თვისება, რომელიც გავლენიან ადამიანებს სხვებისგან გამოარჩევს

გავლენიანი ლიდერები ყველაფერს უკეთესობისკენ ცვლიან

ინსპირაცია

100 ბიზნესი, რომლის დაწყებასაც $100-ზე ნაკლებად შეძლებთ

მართალია, ბიზნესის დაწყება ბევრ სირთულესთან არის დაკავშირებული, მაგრამ ფინანსები ყოველთვის არ არის ერთ-ერთი მათგანი