📺 Stream EntrepreneurTV for Free 📺

გირჩევთ წაიკითხოთ: დანიელ კანემანის "იფიქრე სწრაფად, იფიქრე ნელა"

You're reading Entrepreneur Georgia, an international franchise of Entrepreneur Media.


დანიელ კანემანი ცნობილი ამერიკელი ფსიქოლოგი, ფსიქო-ეკონომიკური თეორიისა და ქცევითი ეკონომიკის ერთ-ერთი დამაარსებელია.

დანიელ კანემანს ნობელის პრემია ეკონომიკურ მეცნიერებებში, ფსიქოლოგიის დარგში შესრულებული ნაშრომისთვის გადაეცა, რომელიც კითხვის ნიშნის ქვეშ აყენებს განსჯისა და გადაწყვეტილების მიღების რაციონალურ მოდელს. მისმა მოსაზრებებმა სერიოზული გავლენა მოახდინა არაერთ დარგზე, მათ შორის - ეკონომიკაზე, მედიცინასა და პოლიტიკაზე. წიგნი "იფიქრე სწრაფად, იფიქრე ნელა" მის ნაშრომებს და შეხედულებებს აერთიანებს.

წიგნის ცენტრალური თეზისი ბრუნავს აზროვნების ორი სისტემის ირგვლივ.

სისტემა 1 არის სწრაფი, ინტუიციური, ასოციაციური, მეტაფორული, ავტომატური, იმპრესიონისტული და მისი უგულებელყოფა შეუძლებელია. მართალია ის კონტროლს არ მოიცავს, მაგრამ ხშირად ხდება თქვენს მიერ გაკეთებული მრავალი არჩევანისა და გადაწყვეტილების "საიდუმლო ავტორი".

მეორე მხრივ, სისტემა 2 უფრო მიზანმიმართული და ანალიტიკურია. ის მოითხოვს ძალისხმევას და კონცენტრაციას. გამოიყენება იმ დავალებების შესასრულებლად, რომლებიც მოითხოვს ყურადღებას - რთული მათემატიკური ამოცანების გადაჭრა ან გადაწყვეტილებების მიღება.

სისტემა 2 არის ნელი, მიზანმიმართული და შრომისმოყვარე. მისი მოქმედებები მოითხოვს ყურადღებას. ეს არის "ცნობიერი არსება", რომელსაც თქვენ "მე"-ს ეძახით და კანემანის ერთ-ერთი მთავარი პუნქტი სწორედ ის არის, რომ ეს შეცდომაა - რადგან თქვენ ისევე ხართ სისტემა 1-ის ნაწილი, როგორც სისტემა 2-ის. კანემანი ადარებს სისტემა 2-ს მეორეხარისხოვან პერსონაჟს, რომელსაც სჯერა, რომ მთავარი როლის შემსრულებელია და ხშირად წარმოდგენა არ აქვს რა ხდება.

სისტემა 2 არის ზარმაცი და ადვილად იღლება – ამიტომ ის ჩვეულებრივ ასრულებს იმას, რასაც სისტემა 1 მოუწოდებს. ეს ხშირად სწორიც არის, რადგან სისტემა 1 უმეტესწილად საკმაოდ კარგია იმაში, რასაც აკეთებს; ის ძალიან მგრძნობიარეა გარემოს აღქმის და საფრთხის ნიშნების იდენტიფიცირებაში. "Système 1 a ses raisons que Système 2 ne connaît point" - როგორც პასკალმა თქვა.

კანემანი აღწერს, თუ როგორ ურთიერთქმედებს ეს ორი სისტემა ჩვენს გონებაში, რაც გავლენას ახდენს ჩვენს განსჯასა და არჩევანზე სხვადასხვა სიტუაციებში.

წიგნის ერთ-ერთი ყველაზე მნიშვნელოვანი ასპექტი მისი პრაქტიკული ნაწილია.
კოგნიტური მიკერძოებებისა და გონებრივი პატერნების გააზრებით, მკითხველს შეუძლია უფრო მეტად გააცნობიეროს საკუთარი აზროვნების პროცესები და გააკეთოს უკეთესი არჩევანი როგორც პირად, ასევე პროფესიულ კონტექსტში.

მთლიანობაში, წიგნი "იფიქრე სწრაფად, იფიქრე ნელა" არის ადამიანის გონების სირთულეებისა და მიკერძოებულობის მეცნიერული და კვლევითი განმარტება.

თუ ფიქრობთ, რომ ზოგჯერ გიჭირთ ტემპის შენელება და რაციონალური გადაწყვეტილებების მიღება, წიგნში ასახული აზროვნების შაბლონების აღქმა დაგეხმარებათ მეტად სრული და ფართო სურათის დანახვაში როგორც გარშემო, ასევე თქვენს გონებაში.

შეიძინეთ დანიელ კანემანის წიგნი "იფიქრე სწრაფად, იფიქრე ნელა" ონლაინ, Entrepreneur Shop-ზე ან Palitral.ge-ზე. წიგნი ასევე ხელმისაწვდომია ბიბლუსის მაღაზიათა ქსელში.

Entrepreneur-ის გუნდი

Entrepreneur Staff

Entrepreneur საქართველოს გუნდი

ინსპირაცია

25 ფრაზა, რომლებმაც შემცვალეს

ხშირად ერთ ფრაზას ადამიანის მთელი ცხოვრების შეცვლა შეუძლია

ინსპირაცია

5 საათის წესი, რომელსაც ბილ გეითსი, ილონ მასკი და ჯეკ მა იყენებენ

სამყაროს ყველაზე წარმატებული ადამიანები კითხვასა და სწავლას დღეში თითო საათს უთმობენ

ინდუსტრიული ტრენდები

Mr. Kartveli - ქართველი ავიაკონსტრუქტორი, რომელმაც მსოფლიო შეცვალა

ამერიკული ავიაციის ქართველი გენიოსი

Business News

მიხეილ ჯავახიშვილის 10 რჩევა საკუთარ ქალიშვილს

ზემონათქვამი დაიხსომე და შეითვისე

ლიდერობა

15 თვისება, რომელიც გავლენიან ადამიანებს სხვებისგან გამოარჩევს

გავლენიანი ლიდერები ყველაფერს უკეთესობისკენ ცვლიან