Adobe-ის მსოფლიო ჩემპიონატში მონაწილეობისთვის, დიზაინში, რეგიონული ჩემპიონები გამოვლინდნენ
By პარტნიორის სტატია •
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
როგორც უკვე იცით, მსოფლიოს სხვადასხვა ქვეყნებთან ერთად, Adobe-ის მსოფლიო ჩემპიონატში მონაწილეობისთვის საქართველოც ემზადება. 22 მაისს IT აკადემია STEP-ში გაიმართა რეგიონული ჩემპიონატი, რომელმაც 3 გამარჯვებული, უკვე გამოავლინა. ისინი, ფლორიდაში გაემგზავრებიან და საქართველოს, აშშ-ში, Adobe-ის მსოფლიო ჩემპიონატზე წარადგენენ.
რეგიონულ ჩემპიონატში მონაწილეობისთვის, Adobe-ის სერტიფიცირება 30-მა ახალგაზრდა დიზაინერმა გაიარა. მონაწილეებს, შეჯიბრისთვის მიეცათ დავალება, რომლის მიხედვითაც უნდა შეემუშავებინათ პრინტ ნამუშევრები თემაზე: ჰაერის დაბინძურება - საფრთხე ჩვენი პლანეტისთვის. ნამუშევრები, სპეციალურმა ჟიურიმ რამდენიმე კრიტერიუმის მიხედვით შეაფასა და 3 საუკეთესო გამოავლინა.
კრეათონის გამარჯვებულები გახდნენ და Adobe-ის მსოფლიო ჩემპიონატზე დიზაინში, საქართველოს, აშშ-ში წარადგენენ:
• ალექსანდრე ხალვაში
• მარიამ ბაღათურია
• ლიზი ნოზაძე
შეგახსენებთ, რომ Adobe Certified Professional World Championship, არის გლობალური შეჯიბრი, რომელიც Certiport-ის მიერ ყოველწლიურად იმართება. მსოფლიო ჩემპიონატის მიზანი Adobe-ის პროგრამების მცოდნე პროფესიონალების წარმოჩენა და შემდეგი თაობის დიზაინერების იდენტიფიცირებაა. მსოფლიო ჩემპიონატი 2023 წლის 30 ივლისიდან – 2 აგვისტომდე, აშშ-ში, ფლორიდის შტატში, ქალაქ ორლანდოში, მსოფლიო ჩემპიონის გამოსავლენად, ყველა რეგიონულ ჩემპიონს მოუყრის თავს - მსოფლიოს სხვადასხვა ქვეყნებიდან, მათ შორის საქართველოდან.
ღონისძიების ორგანიზატორები არიან: IT აკადემია STEP და ბიზნესისა და ტექნოლოგიების უნივერსიტეტი-BTU
ღონისძიების მხარდამჭერები: GITA, TBC, Marketer, ACAG, CG Georgia
ღონისძიების ტექნოლოგიური პარტნიორი: Lenovo