Anthropic-ის CEO AI-ის განვითარების შენელებას ითხოვს: "შესაძლოა, AI-ის კონტროლი ვეღარ შევძლოთ"
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
ხელოვნური ინტელექტის განვითარების ტემპის შენელების მოთხოვნა თავად ინდუსტრიის ლიდერებისგან მოდის. Anthropic-ის CEO-მ, დარიო ამოდეიმ, AI-ის განვითარების ტემპის შენელებისკენ მოუწოდა და განაცხადა, რომ უკონტროლო პროგრესმა შესაძლოა ტექნოლოგიის გაგებისა და კონტროლის შესაძლებლობას გადაასწროს.
ის არ არის ერთადერთი, ვინც ამ აზრს იზიარებს. OpenAI-ს ხელმძღვანელმა, სემ ალტმანმაც დაადასტურა, რომ სოციალური თუ ტექნოლოგიური თვალსაზრისით შენელება აუცილებელია.
"ბოლო კვირებში ეს OpenAI-ის მთავარი განხილვის საგანი იყო", - დაწერა ალტმანმა.
გაფრთხილებები მას შემდეგ გაძლიერდა, რაც Anthropic-ის მკვლევარმა, ჯეიკობ კოქსონმა, კომპანია დატოვა და AI-ის განვითარების არსებული ტემპის გამო სერიოზული შეშფოთება გამოთქვა. ამოდეი მოითხოვს უსაფრთხოების დამოუკიდებელ შეფასებებს და მთავრობებს შორის მჭიდრო კოორდინაციას.
თუმცა, ინდუსტრიაში ამ გაფრთხილებების ყველას არ სჯერა. Nvidia-ს აღმასრულებელმა დირექტორმა, ჯენსენ ჰუანგმა, კიბერუსაფრთხოების სფეროში AI-თან დაკავშირებული საფრთხეების შესახებ მზარდი საუბარი ეჭვქვეშ დააყენა და აღნიშნა, რომ ახალი პროდუქტების გამოშვება კომპანიებს საფრთხეების შესახებ მოთხოვნის შექმნის მოტივაციასაც აძლევს.
"რა არის მოთხოვნის შექმნის უკეთესი გზა, თუ არა თავად პრობლემის შექმნა?" - განაცხადა ჰუანგმა.
