BTU საერთაშორისო კონფერენცია ინიციატივა 5.0-ს EUMMAS-სთან პარტნიორობით ჩაატარებს

By
You're reading Entrepreneur Georgia, an international franchise of Entrepreneur Media.

ევროპის მარკეტინგის და მენეჯმენტის ასოციაციის (EUMMAS) აკადემიურ კონსორციუმთან პარტნიორობით საერთაშორისო კონფერენცია "ინიციატივა 5.0" ციფრული ეკონომიკა და პანდემია ბიზნესისა და ტექნოლოგიების უნივერსიტეტის (BTU) ორგანიზებით, 2 ივლისს ჩატარდება.

BTU

კონფერენციაში მონაწილეობას მიიღებენ BTU-სა და პარტნიორი საერთაშორისო უნივერსიტეტების მკვლევარები, სახელმწიფო და კერძო სექტორის წარმომადგენლები, ადგილობრივი და საერთაშორისო ასოციაციებისა და ორგანიზაციების წევრები და სხვა დაინტერესებული პირები. ღონისძიებაზე ადგილობრივი და საერთაშორისო უნივერსიტეტების მკვლევარები კვლევების პრეზენტაციას ჩაატარებენ.

ინიციატივა 5.0 პანელური დისკუსიების სერიას 28 ივნისიდან 1 ივლისის ჩათვლით ბიზნესისა და ტექნოლოგიების უნივერსიტეტი უმასპინძლებს, ხოლო შემაჯამებელი ინგლისურენოვანი კონფერენცია ციფრული ეკონომიკა და პანდემია დისტანციურ ფორმატში 2 ივლისს ევროპის მარკეტინგის და მენეჯმენტის ასოციაციის (EUMMAS) აკადემიურ კონსორციუმთან პარტნიორობით ჩატარდება.

კონფერენცია მიზნად ისახავს საერთაშორისო ექსპერიტიზისა და უახლესი ტენდენციების, მიღწევებისა თუ კვლევის შედეგების გაზიარებას ყველა იმ სექტორში, რომელიც ხელს უწყობს ციფრული ეკონომიკისა და ციფრული მმართველობის განვითარებას საქართველოში.

ბიზნესისა და ტექნოლოგიების უნივერსიტეტის სტრატეგიული განვითარების გეგმის შესაბამისად, უნივერსიტეტის მიზანია, საქართველოს ციფრული ეკონომიკის განვითარებაში მონაწილეობა, ბიზნესის სხვადასხვა სექტორში ტექნოლოგიების ინტეგრირება, მდგრადი განვითარების ხელშეწყობა და ქვეყნის ინოვაციური ეკოსისტემის მხარდაჭერა. აღნიშნული გეგმის განხორციელებისთვის, უნივერსიტეტმა ინიციარება გაუკეთა პროექტს "5.0" რომელიც აერთიანებს ქვეყნისთვის სტრატეგიულად მნიშვნელოვან სექტორებს, სხვადასხვა კვლევების, პროექტების და ღონისძიებების სახით. აღნიშნული სფეროებია: FEMTECH, MEDIATECH, LAWTECH AND LEGALTECH, FINTECH, EDTECH, AGRITECH, CULTURETECH, HEALTHTECH, GREENTECH, ENTREPRENEURSHIP.

პანელურ დისკუსიებზე დამსწრეთა რეგისტრაცია, მიმდინარეობს ბმულზე