You can be on Entrepreneur’s cover!

Facebook და Instagram კრიპტოსაზოგადოებას მნიშვნელოვან სიახლეს სთავაზობს

You're reading Entrepreneur Georgia, an international franchise of Entrepreneur Media.

entrepreneur.ge

Meta-ს დამფუძნებელმა და აღმასრულებელმა დირექტორმა მარკ ზაკერბერგმა განაცხადა, რომ Facebook და Instagram-პლატფორმები მომხმარებლებს სოციალური მედიის გვერდებზე თავიანთი საფულეების დაკავშირებისა და უნიკალური ტოკენების გაზიარების საშუალებას აძლევს.

განცხადების მიზანი Meta-ს ქოლგის ქვეშ ორივე სოციალური მედიის პლატფორმაზე მომსახურების ხარისხის გაუმჯობესებაა. მარკ ზაკერბერგის თქმით, ეს ნაბიჯი ურთიერთობებს გაააქტიურებს სოციალური მედიის პლატფორმებზე და უნიკალური ტოკენების შემქმნელებისთვის მონეტიზაციის უფრო მეტი შესაძლებლობები იქნება.

უნიკალური ტოკენების ახლად გამოცხადებული შესაძლებლობები უზარმაზარი ნაბიჯია Meta-სთვის. ეს Meta-ს ამბიციების გაძლიერებაა, რათა ბლოკჩეინის ტექნოლოგიისა და Web3-ის შესაძლებლობების შესწავლა გააგრძელოს საკუთარ პლატფორმებზე. Facebook-ის, ასევე Instagram-ის მომხმარებელთა ნაწილი მიიჩნევს, რომ უნიკალური ტოკენების ჩართვამ შესაძლოა ფეთქებადი ზრდა გამოიწვიოს, დიდი მოთხოვნის გამო.

ტექნოლოგები და კრიპტოენთუზიასტები ხშირად საუბრობენ უნიკალურ ტოკენებზე და ზოგადად, ბლოკჩეინის ტექნოლოგიაზე. ეს შედარებით ახალი თემაა ინტერნეტის საშუალო მომხმარებლისთვის. უნიკალური ტოკენების გაზიარების შესაძლებლობა Facebook-ითა და Instagram-ით უდავოდ გაზრდის ცნობადობას ტოკენების შესახებ და დიდ ინტერესს გამოიწვევს.

კრიპტობაზარი "დათვის ბაზრის" (ბაზარი, რომელზეც აქციების ფასები ეცემა, რაც ხელს უწყობს გაყიდვას) მეათე თვეს უახლოვდება. ამავდროულად, დღესდღეობით ტოკენების მიმართ ინტერესი საგრძნობლად შემცირებულია, ასევე ნაკლებ ენთუზიაზმს იჩენენ ისინი, ვინც ეს ტოკენები იყიდა. თუმცა, უნდა ითქვას, რომ უნიკალური ტოკენების ფასები კრიპტოსივრცის მოვლენებზე არ არის დამოკიდებული.

Facebook-ისა და Instagram-ის მომავალი ციფრული საკოლექციო ნივთებით

განცხადებების თანახმად, განახლებული ფუნქციები ორივე პლატფორმაზე იქნება ხელმისაწვდომი აშშ-ში მცხოვრები მომხმარებლებისთვის. აღნიშნული განახლება საშუალებას აძლევს მომხმარებლებს პროცესის გასაადვილებლად თავიანთ ციფრულ საფულეებს დაუკავშირდნენ. ამ სოციალური მედიის პლატფორმებზე უნიკალური ტოკენების განსათავსებლად მომხმარებლებმა საკუთარი უნიკალური ტოკენების ქსელები Meta-სთან უნდა დააკავშირონ.

ამჟამად, ბლოკჩეინის ქსელებისთვის Facebook-სა და Instagram-თან შეუფერხებელი კავშირების მხოლოდ შეზღუდული ვარიანტებია ხელმისაწვდომი. დღეს მომხმარებლებს მესამე მხარის ბლოკჩეინის საფულეებთან შეუძლიათ დაკავშირება, როგორიცაა: Trust Wallet, Dapper Wallet, Coinbase Wallet და Metamask Wallet.

ამ ბოლო განცხადებამდე, მარკ ზაკერბერგის გუნდი ბევრს მუშაობდა ციფრულ საკოლექციო ნივთებზე და მათ განვითარებასაც აანონსებდა. გუნდმა განაცხადა, რომ უნიკალური ტოკენების Instagram-ზე ჩართვას ივლისამდე აპირებს. ამ დროს Meta-მ 100 ქვეყანაში დაიწყო მათი მხარდაჭერა.

მიუხედავად იმისა, რომ უნიკალური ტოკენების ფუნქციები Instagram-ზე 100-ზე მეტ ქვეყანაშია ხელმისაწვდომი, მხოლოდ აშშ-ის მომხმარებლები შეძლებენ სარგებლობას ახლახან გაშვებული ფუნქციით, რომელიც ორივე პლატფორმაზე ჯვარედინი გამოქვეყნების საშუალებას იძლევა.

მიზანი "ერთი გასროლით ორი კურდღლის მოკვლაა", რადგან როდესაც სოციალური მედიის პლატფორმები ციფრული საკოლექციო ბაზრის სივრცეს ხსნიან, ისინი ციფრული ნივთების შემქმნელებს უფრო ფართო აუდიტორიას და მათი პროდუქციის გაყიდვის დიდ შესაძლებლობას აძლევენ. ანალოგიურად, დამატებითი ფუნქციებით ცნობადობის ამაღლება და Web3 ეკოსისტემის დემისტიფიკაციაც გაგრძელდება სოციალური ქსელების მომხმარებლებისთვის, რომლებიც სხვადასხვა უნიკალურ ტოკენს დაინახავენ გამოსახულებების დათვალიერებისას.

Meta-პლატფორმა გრძელვადიან თამაშს თამაშობს, რადგან ის უდავოდ მიიღებს სარგებელს ციფრული აქტივების გაყიდვიდან. Facebook-სა და Instagram-ზე მომხმარებელთა ბაზის გათვალისწინებით, შეიძლება მომგებიანი აღმოჩნდეს მათი ონლაინბაზრად გარდაქმნა უნიკალური ტოკენებისთვის, ინტეგრირებული საფულეებით სხვადასხვა ბლოკჩეინიდან.

Entrepreneur-ის გუნდი

Entrepreneur Staff

Entrepreneur საქართველოს გუნდი