კავკასიის უნივერსიტეტში კიბერსპორტის ყველაზე მასშტაბური ფესტივალი CU Game Fest 2023 ჩატარდა
By პარტნიორის სტატია •
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
კავკასიის უნივერსიტეტმა კიბერსპორტის ყველაზე მასშტაბურ ფესტივალს - CU Game Fest 2023 - უმასპინძლა, რომელიც 11-12 თებერვალს CU-ის კამპუსში გაიმართა. კავკასიის უნივერსიტეტი არა მხოლოდ მასპინძელი, არამედ მხარდამჭერი იყო ღონისძიების, რომელშიც მონაწილეობას საქართველოდან 6000-მდე ადამიანი იღებდა.
უნდა აღინიშნოს, რომ ფესტივალის ჩატარებამდე 1 კვირით ადრე Global Game Jam გაიმართა, რომელიც CU Game Fest 2023-ის ერთ-ერთი შემადგენელი ნაწილი იყო და მასში მონაწილეობდა 100-ზე მეტი ქვეყანა. კავკასიის უნივერსიტეტი, ასევე, იყო Global Game Jam-ის მხარდამჭერი, რომელმაც დეველოპერებისთვის მეტი მოტივაციის მისაცემად საპრიზო ფონდი დააწესა.
CU Game Fest 2023-ის ფარგლებში კიბერსპორტის კონკრეტულ სახეობებში დეკემბრიდან დაიწყო ონლაინ შესარჩევი ტურები, რის შემდეგაც ონლაინ საკვალიფიკაციო ეტაპებიდან გამოვლინდნენ საუკეთესო კიბერ სპორტსმენები, რომლებიც 11 და 12 თებერვალს CU-ში დაუპირისპირდნენ ერთმანეთს. საფინალო ეტაპზე კი გამოვლინდნენ გამარჯვებულები როგორც კიბერსპორტში, ასევე ქოსფლეის მიმართულებით (კოსტიუმირებული შეჯიბრი). საპრიზო ადგილზე გასულ მონაწილეებს სხვადასხვა საჩუქრები გადაეცათ.
ფესტივალის ფარგლებში მოეწყო ხელნაკეთი ნივთებისა და სუვენირების გამოფენა-გაყიდვაც, სადაც დამთვალიერებელს ასევე საშუალება ჰქონდა, რომ თვითონაც მიეღო მონაწილეობა და სხვადასხვა კომპიუტერულ მოწყობილობებზე ეთამაშათ.
CU Game Fest 2023 არის ერთ-ერთი ყველაზე მასშტაბური ახალგაზრდული ფესტივალი კიბერსპორტში, რომელიც აერთიანებს: კიბერ სპორტს; რეტრო გეიმინგს; სამაგიდო თამაშებს; ტექნოლოგიურ გამოფენას; საქართველოში შექმნილი თამაშების გამოფენას; თამაშების შექმნის კონკურს; ქოსფლეის (კოსტიუმირებული შეჯიბრი); გეიმინგ კონფერენციას; ღონისძიების ფარგლებში, ასევე, გაიმართა ხელნაკეთი ნივთებისა და სუვენირების გამოფენა-გაყიდვა (Flea Market).
