მეღვინეობა ''მტევინომ'' ოთხი სახეობის ღვინო წარადგინა

მეღვინეობა "მტევინო" უახლესი ტექნოლოგიით აღჭურვილი ღვინის ქარხანაა

მტევინო

You're reading Entrepreneur Georgia, an international franchise of Entrepreneur Media.

მეღვინეობა „მტევინოში", რომელიც თბილისიდან სულ რაღაც 40 კილომეტრში, კახეთის ულამაზეს სოფელ ხაშმში მდებარეობს, 6 ივნისს 2019 წლის მოსავლის ოთხი დასახელების ახალი ღვინის პრეზენტაცია გაიმართა. მათ შორისაა:

რქაწითელი, რომელიც ხასიათდება ღია ჩალისფერი შეფერილობით. გამოირჩევა სასიამოვნო ხილის ტონებითა და ხალისიანი, ჰარმონიული გემოთი.

ქვევრი მწვანე, რომელიც დამზადებულია კახური მწვანეს ჯიშის ყურძნისგან ტრადიციული ქართული (კახური) ქვევრში დაყენების მეთოდით. აქვს მუქი ქარვისფერი შეფერილობა. ხასიათდება მშრალი ხილის, ეგზოტიკური სანელებლების ტონებით და ჰარმონიული გემოთი.

ხაშმის საფერავი, რომელიც დამზადებულია კახეთის რეგიონში, ხაშმის მიკრო ზონაში გაშენებული საფერავის ჯიშის ყურძნისგან.გამოირჩევა მუქი ლალისფერი შეფერილობით. ხასიათდება ძლიერი ჯიშური არომატებითა და სრულყოფილი ხავერდოვანი ბუკეტით.

ქინძმარაული, წითელი ნახევრადტკბილი ღვინო, რომელიც დამზადებულია ქინძმარაულის მევენახეობის მიკროზონაში გაშენებული საფერავის ჯიშის ყურძნისგან. ხასიათდება მუქი ბროწეულისფერი შეფერილობით. ჯიშურ არომატებში დომინირებს შავი მოცხარისა და მაყვლის ტონები. გამოირჩევა ჰარმონიული გემოთი.

მეღვინეობა „მტევინო" უახლესი ტექნოლოგიით აღჭურვილი ღვინის ქარხანაა, რომელიც სტუმრებს 10 სახეობის ღვინის დაგემოვნებასთან ერთად მრავალფეროვან კულინარიულ მასტერკლასებს სთავაზობს. სტუმრებს შეუძლიათ ისარგებლონ საჭირო ტექნიკით აღჭურვილი, საშუალო ზომის შეხვედრების ოთახით 20-22 პერსონაზე პრეზენტაციების, ტრენინგებისა თუ სხვადასხვა აქტივობების გასამართად, ასევე 5 კომფორტული სასტუმრო ნომრით.

როგორც ცნობილია, სოფელი ხაშმი ყველასთვის ცნობილი სახეობის − ხაშმის საფერავის სამშობლოა. მარნის მშენებლობის დაწყებამდე, კომპანიის დამფუძნებლის ნიკას ზაუტაშვილის დიდი მცდელობით, სოფლის მეურნეობის სამინისტრომ ქართული ღვინის დაცული ადგილწარმოშობის სახეობებს ხაშმის საფერავი შემატა, რაც უზრუნველყოფს აღნიშნული დასახელების დაცვას საერთაშორისო მასშტაბით ყველა იმ ხელშეკრულებისა და კონვენციის საფუძველზე, რომელსაც საქართველო არის მიერთებული, ან ხელი აქვს მოწერილი.

Entrepreneur-ის გუნდი

Entrepreneur Staff

Entrepreneur საქართველოს გუნდი

Related Topics

ინსპირაცია

25 ფრაზა, რომლებმაც შემცვალეს

ხშირად ერთ ფრაზას ადამიანის მთელი ცხოვრების შეცვლა შეუძლია

ინსპირაცია

100 ბიზნესი, რომლის დაწყებასაც $100-ზე ნაკლებად შეძლებთ

მართალია, ბიზნესის დაწყება ბევრ სირთულესთან არის დაკავშირებული, მაგრამ ფინანსები ყოველთვის არ არის ერთ-ერთი მათგანი

ლიდერობა

10 გზა თვითშეფასების ასამაღლებლად

"დაბალი თვითშეფასება ცხოვრებაში ამოწეული ხელის მუხრუჭით გადაადგილებას ჰგავს"