You can be on Entrepreneur’s cover!

მოდის ინდუსტრიის ტექსტარტაპის Decode-ის პლატფორმის დახმარებით Sheidish-მა ახალი სამოსი შექმნა

You're reading Entrepreneur Georgia, an international franchise of Entrepreneur Media.

მოდის ინდუსტრიის ტექნოლოგიური სტარტაპის Decode გამოყენებით ტანსაცმლის ქართულმა ბრენდმა Sheidish ახალი სამოსი შექმნა.

Decode ტანსაცმლის დიზაინის, წარმოებისა და ლოჯისტიკის პროცესს ერთ სივრცეში აერთიანებს, რისი გამოყენებაც შეუძლია ყველას ვისაც სურს შექმნას ტანსაცმელი საკუთარი ხედვითა და დიზაინით. სწორედ Decode-ის გამოყენებით შექმნა ახალი სამოსი ქართულმა ბრენდმა Sheidish.

ბრენდი Sheidish 2022 წლიდან ქმნის ქალის ეკო-მეგობრულ სამოსს. "ამ საქმიანობის ყველა ეტაპი საკმაოდ დიდ შრომას, დროსა და ინდუსტრიაში სხვადასხვა კომპონენტებზე წვდომას მოითხოვს. Decode - ის პლატფორმის სიმარტივემ, რომელიც ამ პროცესის ავტომატიზაციას ახდენს, გადაგვაწყვეტინა გვეცადა დამატებითი ხაზის შექმნა." - გვიყვება ბრენდის დამფუძნებელი თაკო ნაცვლიშვილი.

"Decode-ის გამოყენებით შევქმენით ახალი პროდუქციის დიზაინები, როგორც ფორმების, ასევე მათი პრინტების ნაწილში. სწორედ ასე შეიქმნა შეიდიშის სახლის სამოსი - კიმონოები, რომელიც LVMH-ის ბრენდების სამოსის მსგავსად შექმნილია იგივე გადამუშავებული მასალისაგან. კიმონოები უკვე ხელმისაწვდომია შესაძენად როგორც ჩვენს არხებში, ასევე "ველი სთორზე" - ამბობს თაკო ნაცვლიშვილი.

Decode-ის გუნდის განმარტებით პლატფორმის მიზანი მოდის ინდუსტრიაში მოღვაწე დამოუკიდებელი ბრენდებისა და ამ ინდუსტრიაში შესვლის მსურველთათვის სამოსის შექმნის პროცესის იმდენად გამარტივებაა, რომ ამის გაკეთება პლატფორმის გამოყენების გარდა დამატებით სხვა არაფერს საჭიროებდეს. "მიუხედავად იმისა, აქვს თუ არა ადამიანს საკუთარი ჩანაფიქრის დახატვისა თუ ვიზუალურ ფორმაში გადატანის შესაძლებლობა, ჩვენი პლატფორმის საშუალებით მას შეუძლია თავისი წარმოსახვის დიზაინად გარდაქმნა. სწორედ ამაში იყენებს Decode ხელოვნურ ინტელექტს და მომხმარებელს საშუალებას აძლევს ტექსტური აღწერით აქციოს მისი ჩანაფიქრი ვიზუალურ მასალად, რომელსაც, ჩვენივე პლატფორმის დახმარებით უგენერირდება შესაბამისი თარგი, რაც უკვე სამკერვალოსთვის წარმოადგენს ინსტრუქციას თუ როგორ უნდა შექმნას ეს სამოსი." - განმარტავს ლაშა კვარაცხელია, Decode-ის თანადამფუძნებელი.

დიზაინის შექმნის შემდეგ, წარმოების ეტაპზე Decode პლატფორმაზე ერთვებიან სამკერვალოები და მწარმოებლები, რომლებიც მოცემული დიზაინის, თარგის, მასალისა და რაოდენობების მიხედვით აკეთებენ შეთავაზებებს პროდუქტის შექმნაზე. მომხმარებელი ირჩევს შეთავაზებებიდან მისთვის მისაღებ ვარიანტს და იწყება წარმოების პროცესი. წარმოების დასრულების შემდეგ, Decode ეხმარება მომხმარებლებს პროდუქციის როგორც მსოფლიოს ნებისმიერ სასურველ ლოკაციაზე მიღებაში, ასევე მათთვის სასურველ პლატფორმაზე განთავსებაში.

ამ მომენტისათვის პლატფორმა Private Beta - ეტაპზეა. იმისათვის, რომ მსურველებმა წვდომა მიიღონ პლატფორმის გამოყენებაზე, საჭიროა მოითხოვონ წვდომა ვებ-გვერდზე Decode.ink

Entrepreneur-ის გუნდი

Entrepreneur Staff

Entrepreneur საქართველოს გუნდი

ლიდერობა

ჩინეთის ყველაზე მდიდარი ადამიანის ანტრეპრენერული გზა

გაეცანით Alibaba-ს დამფუძნებლის ბიზნეს ისტორიას!

ინსპირაცია

5 საათის წესი, რომელსაც ბილ გეითსი, ილონ მასკი და ჯეკ მა იყენებენ

სამყაროს ყველაზე წარმატებული ადამიანები კითხვასა და სწავლას დღეში თითო საათს უთმობენ

ინდუსტრიული ტრენდები

X2 DEVELOPMENT – ასეულობით ოჯახისთვის დაბრუნებული სახლი

5 წლიანი შრომის შედეგები