You can be on Entrepreneur’s cover!

საქართველოს ბანკის მხარდაჭერით ''ლურჯი ველი'' მოცვის წარმოებას აფართოებს

You're reading Entrepreneur Georgia, an international franchise of Entrepreneur Media.

ფოტო: საქართველოს ბანკი

საქართველოს ბანკი ბიზნესის გაძლიერებას განაგრძობს. ბანკისა და კომპანია „ლურჯი ველის" პარტნიორობით კიდევ ერთი ახალი ადგილობრივი პროექტი ხორციელდება. 1,6 მლნ ლარის მოცულობის ინვესტიციით, ლურჯი მოცვის მწარმოებელი ერთგვარი სათბურის-მაღალი გვირაბების პროექტის განხორციელებას იწყებს. მისი მეშვეობით, ერთის მხრივ, კომპანია მოსავლის აღებას უფრო ადრე შეძლებს, ხოლო მეორეს მხრივ, მოსავალი დაცული იქნება შესაძლო უამინდობისაგან.

კომპანია „ლურჯი ველი" ბაზარზე 2015 წლიდან ოპერირებს. მის მფლობელობაშია 19 ჰა ლურჯი მოცვის პლანტაცია, ოზურგეთის მუნიციპალიტეტის სოფელ ლაითურში. კომპანია როგორც ადგილობრივ, ისე საექსპორტო ბაზრებზე, ყოველ წლიურად 100-150 ტონა ლურჯი მოცვის რეალიზაციას უზრუნველყოფს და სეზონურად 200-ზე მეტ ადამიანს ასაქმებს.

„ჩვენი და საქართველოს ბანკის პარტნიორობა 2019 წელს დაიწყო. თანამშრომლობის ფარგლებში გამოყოფილი ჯამური 3 მლნ. ლარის ინვესტიციით, ჩვენ შევძელით ბაღების გაშენება, მათი მოდერნიზაცია და სწრაფი გაციების სამაცივრე მეურნეობის მოწყობა. ჩვენი მიმდინარე პროექტი 5 ჰა ფართობზე, მაღალი გვირაბების მოწყობას ითვალისწინებს. აღნიშნული ერთგვარ სათბურს წარმოადგენს, თუმცა სათბურისგან განსხვავებით, ამ შემთხვევაში არ ხდება ხელოვნური გათბობა და ჰერმეტულად დახშობა. ეს კი, იძლევა საშუალებას, შევინარჩუნოთ სასურველი ტემპერატურული სხვაობა, დავიცვათ მცენარეები ჭარბი ტენისა და ქარისგან, რაც იწვევს მცენარისთვის დამატებით სტრესს და შესაბამისად უარყოფითად მოქმედებს მის პროდუქტიულობასა და ნაყოფის ხარისხზე. პროექტის განხორციელებით, ჩვენ შევძლებთ მაქსიმალურად ავირიდოთ შესაძლო უამინდობისგან გამოწვეული ნეგატიური შედეგები და ველით, რომ მომდევნო წლებში 200-250 ტონამდე გავზარდოთ მოსავლის რეალიზაცია", - აცხადებს ზვიად მირიანაშვილი, „ლურჯი ველის" თანადამფუძნებელი და დირექტორი.

„საქართველოს ბანკის ერთ-ერთი პრიორიტეტული მიმართულება ადგილობრივი ბიზნესის მხარდაჭერაა. მოხარული ვართ, რომ მრავალწლიანი პარტნიორობის ფარგლებში გვეძლევა შესაძლებლობა, წვლილი შევიტანოთ „ლურჯი ველის" განვითარებაში. კომპანიამ უკვე მიაღწია წარმატებას. დღეს კი მათი მიზანია, მაღალი ხარისხის პროდუქციის წარმოებით, ხელი შეუწყონ საქართველოს, როგორც ლურჯი მოცვის მწარმოებელი ქვეყნის პოზიციონირებას. გვჯერა, რომ მსგავსი ინიციატივები მნიშვნელოვან როლს ითამაშებს როგორც ქართული ბიზნესის განვითარებაში, ასევე ახალი სამუშაო ადგილების შექმნაში. ჩვენ არ ვჩერდებით და აქტიურად ვაგრძელებთ ბიზნესის მხარდაჭერას", - აცხადებს საქართველოს ბანკის მცირე და საშუალო ბიზნესის მიმართულების ხელმძღვანელი, ზურაბ მასურაშვილი.

ინფორმაციისთვის, „ლურჯი ველი" პირველი ქართული კომპანიაა, რომელიც საქართველოს ბანკისა და USAID-ის საგრანტო კომპონენტის ფარგლებში, მაღალი გვირაბების ქვეშ ლურჯი მოცვის მოყვანის პროექტს ახორციელებს. ასევე, კომპანიამ პირველმა შეიმუშავა და დანერგა მოსავლის აღების ელექტრონული სისტემა და პირველმა მიიღო საერთაშორისოდ აღიარებული სოციალური პასუხისმგებლობის GRASP -ის სერტიფიკატი.

Entrepreneur-ის გუნდი

Entrepreneur Staff

Entrepreneur საქართველოს გუნდი

Business News

მიხეილ ჯავახიშვილის 10 რჩევა საკუთარ ქალიშვილს

ზემონათქვამი დაიხსომე და შეითვისე

ინდუსტრიული ტრენდები

Mr. Kartveli - ქართველი ავიაკონსტრუქტორი, რომელმაც მსოფლიო შეცვალა

ამერიკული ავიაციის ქართველი გენიოსი

ინდუსტრიული ტრენდები

ჯორჯ ბალანჩინი - ქართველი, რომელმაც ამერიკას ბალეტი ასწავლა

"ადრე თუ გვიან, ჩემს სპექტაკლებს დაივიწყებენ, მაგრამ ხალხს ყოველთვის ვემახსოვრები, როგორც მასწავლებელი"

ტექნოლოგიური ტრენდები

ძმები სიმენსები - ამბავი მე-19 საუკუნის საქართველოს ინდუსტრიული რევოლუციის შესახებ

იცით, რისთვის შეხვდა ევროპის ტექნოლოგიური გიგანტის - Siemens-ის დამფუძნებელი, ვერნერ ფონ სიმენსი გრიგოლ ორბელიანს?