საქართველოს ბანკისა და კომაროვის სკოლის ერთობლივი პროექტის ფარგლებში საქართველოში პირველი, კომაროვის STEM ბანაკი დაიწყო
You're reading Entrepreneur Georgia, an international franchise of Entrepreneur Media.
საქართველოს ბანკი, როგორც კორპორაციული სოციალური პასუხისმგებლობის მქონე კომპანია განათლების მხარდაჭერასა და ტექნოლოგიური პროფესიების პოპულარიზაციას აქტიურად აგრძელებს. ამჯერად ბანკი და კომაროვის სკოლა ერთობლივ პროექტს ახორციელებენ, რომლის ფარგლებშიც X და XI კლასის 60 მოსწავლე საქართველოში პირველ, კომაროვის STEM ბანაკში გაემგზავრა.
ეს იმას ნიშნავს რომ, STEM (მეცნიერება, ტექნოლოგიები, ინჟინერია და მათემატიკა) მიმართულებებით დაინტერესებული მეათე და მეთერთმეტე კლასის 60 მოსწავლე, მთელი საქართველოს მასშტაბით, რომლებიც შესარჩევი ეტაპების გავლის შემდეგ შეირჩნენ, ბრიტანული საზაფხულო სკოლების მოდელზე დაფუძნებულ STEM ბანაკში იღებენ მონაწილეობას. მოსწავლეები ძირითადად რეგიონების სკოლებიდან შეირჩნენ და ისინი ზაფხულის არდადეგების ერთ კვირას ბაკურიანში, საინტერესოდ და სასიამოვნოდ გაატარებენ.
ბანაკში მოსწავლეები 19-დან 26 ივნისის ჩათვლით შეხვდებიან STEM მიმართულებებით ქვეყნის გამორჩეულად წარმატებულ ადამიანებს; გაიღრმავებენ თეორიულ და პრაქტიკულ ცოდნას; გაიცნობენ მსგავსი ინტერესების მქონე მოსწავლეებს მთელი საქართველოდან; დაკავდებიან სხვადასხვა ფიზიკური და გასართობი აქტივობით.
STEM ბანაკში მოსწავლეები მოისმენენ ლექციებს მათემატიკის ირგვლივ. კონკრეტულად კი თამაშთა თეორიაზე, ალბათობასა და სტატისტიკაზე, კომბინატორიკაზე; მათემატიკის ისტორიაზე. ასევე, მონაწილეობას მიიღებენ მათემატიკურ ვიქტორინაში. მოსწავლეები ამ პერიოდის განმავლობაში კიდევ უფრო კარგად გაერკვევიან თუ რა არის ხელოვნური ინტელექტი, Meta და მისი მომავალი, ასევე, ალგორითმული ექსპერიმენტები. 24 ივნისს კი მათთვის ჩატარდება ტექნოლოგიების დღე, სადაც მოისმენენ კიდევ უფრო მეტს ინჟინერიასა და რობოტიკაზე, მომავლისა და ტექნოლოგიურ პროფესიებზე.
"კომაროვის სკოლასთან ერთად STEM ბანაკის ორგანიზებით მოგვეცა შესაძლებლობა, ხელი შევუწყოთ ნიჭიერ ახალგაზრდებს მათი ინტერესების კიდევ უფრო გაღრმავებაში, მათვის საინტერესო მიმართულებით თეორიული და პრაქტიკული ცოდნის მიღებაში. საქართველოს ბანკისათვის, როგორც კორპორაციული სოციალური პასუხისმგებლობის მქონე კომპანიისთვის, განათლების და კარიერული განვითარების მხარდაჭერა, განსაკუთრებით ტექნოლოგიური, მომავლის პროფესიების შერჩევისას, უცვლელი და მნიშვნელოვანი პრიორიტეტია. საქართველოს ბანკი მუდმივად ცდილობს მხარი დაუჭიროს ახალგაზრდა თაობისთვის საინტერესო პროექტებს და გვიხარია, რომ გვაქვს შესაძლებლობა ჩვენი წვლილი შევიტანოთ ამ კუთხით",- აცხადებენ საქართველოს ბანკში.
"კომაროვის ზაფხულის სკოლა ინოვაციური პროექტია, რომელიც აგებულია ბრიტანული საზაფხულო სკოლის მოდელზე, თუმცა ადაპტირებულია ჩვენი მოსწავლეების ინტერესებთან და საჭიროებებთან. ბანაკის მიზანია მომავალი STEM ლიდერები აღმოჩენა და ახალი შესაძლებლობების შექმნით მათი ტალანტის რეალიზების ხელშეწყობა. სკოლაში მთავარი აქცენტი მათემათიკის, ფიზიკის, ქიმია-ბიოლოგიისა და ტექნოლოგიების სპეციალური, საინტერესო და ექსპერიმენტული ფორმით სწავლებაზეა გაკეთებული. მთელი პროგრამა ორინეტირებულია, რომ მოსწავლეებმა უკეთ გაიგონ რამდენად მნიშვნელოვანი და პერსპექტიულია ეს დისციპლინები",- განაცხადა გიგი გიორგაძემ, STEM ბანაკის ორგანიზატორმა.
საქართველოს ბანკი, როგორც კორპორაციული სოციალური პასუხისმგებლობის მქონე ბანკი დიდ ყურადღებას უთმობს ახალაგაზრდების მოტივირება, პროფესიის შერჩევის დროს მათ მხარდაჭერას და ტექნოლოგიურ პროფესიებზე ცნობადობის ზრდას. სწორედ ამიტომ, კომაროვის STEM ბანაკს ფინანსურ მხარდაჭერას საქართველოს ბანკი უწევს. მასში მონაწილეობა ყველა შერჩეული მოსწავლისთვის უფასოა.
