საქართველოს ინოვაციების და ტექნოლოგიების სააგენტოს მხარდაჭერით საქართველოში გლობალური მეწარმეობის კვირეული დაიწყო

You're reading Entrepreneur Georgia, an international franchise of Entrepreneur Media.

Entrepreneur Georgia

საქართველოს ინოვაციების და ტექნოლოგიების სააგენტოსა და GEN Georgia -ს თანაორგანიზებით საქართველოში მეცხრედ იმართება გლობალური მეწარმეობის კვირეული, რომელიც 22 ნოემბრამდე გაგრძელდება.

წელს გლობალური მეწარმეობის კვირეულის მთავარი თემაა ინტეგრაცია, რაც გულისხმობს იმ ჯგუფების ჩართულობას, რომლებსაც ინოვაციურ სამეწარმეო საქმიანობასთან ნაკლები წვდომა აქვთ, კერძოდ კი ორიენტირებულია ახალგაზრდებისა და ქალების ინტეგრაციაზე მაღალმთიანი და ძნელად მისადგომი ტერიტორიებიდან. კვირეულის ფარგლებში დაგეგმილია 20 - მდე ღონისძიება თბილისის, სამეგრელოს, აჭარის, რაჭისა და შიდა ქართლის რეგიონებში.

კვირეულში მონაწილეობენ როგორც ადგილობრივი, ასევე უცხოელი ანტრეპრენერები, სტარტაპები და ეკოსისტემის ლიდერები. ღონისძიებები მოიცავს სხვადასხვა სახის აქტივობებს, მათ შორისაა სთორითელინგ სესიები, ვორქშოფები, პანელური დისკუსიები, სტარტაპ ფიჩინგ სესიები და სხვა. გლობალური მეწარმეობის კვირეულის ფარგლებში დაგეგმილი ღონისძიებები ტარდება ონლაინ რეჟიმში და მათში მონაწილეობა უფასოა.

გლობალური მეწარმეობის კვირეული მასშტაბური საერთაშორისო პროექტია, რომლის მიზანია ინოვაციური სამეწარმეო ეკოსისტემის ფორმირება, ეკოსისტემის ლიდერების ერთმანეთთან დაკავშირება, მეწარმეობის პოპულარიზაცია და დამწყები მეწარმეებისათვის მოტივაციის ამაღლება.

პროექტის ფარგლებში ყოველი წლის ნოემბერში 170-ზე მეტ ქვეყანაში ერთდროულად იმართება 30 000-ზე მეტი ღონისძიება, 10 000-ზე მეტი პარტნიორის მიერ, რომელშიც 20 მილიონზე მეტი ადამიანია ჩართული.

პროექტის ოფიციალური მასპინძელია GEN Georgia, GEN Global -ის წარმომადგენელი საქართველოში.

Entrepreneur-ის გუნდი

Entrepreneur Staff

Entrepreneur საქართველოს გუნდი

Related Topics

მენეჯმენტი

სტრესთან გამკლავება - გუგა სიხარულიძე

ადამიანის არსებობის ძირითად მიზანს კეთილდღეობის მიღწევა წარმოადგენს

ინსპირაცია

100 ბიზნესი, რომლის დაწყებასაც $100-ზე ნაკლებად შეძლებთ

მართალია, ბიზნესის დაწყება ბევრ სირთულესთან არის დაკავშირებული, მაგრამ ფინანსები ყოველთვის არ არის ერთ-ერთი მათგანი

ლიდერობა

რა მოვალეობები აქვს გენერალურ დირექტორს?

თითოეულ კომპანიას ერთი გენერალური ჰყავს, მაგრამ მათი როლები შესაძლოა სრულიად განსხვავებული იყოს. რას უნდა აკეთებდეთ, თუ გენერალური დირექტორი ხართ?