ვემპლერმა Presto Ventures-ის მონაწილეობით $330 000-ის დაფინანსება მიიღო
By ანო ტვილდიანი •
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
"ვემპლერმა წარმატებით დახურა $330 000 Pre-seed რაუნდი, პრესტიჟული ჩეხური ვენჩურული კაპიტალის, Presto Ventures-ის მონაწილეობით", - სანდრო თავხელიძე, ვემპლერის დამფუძნებელი.
ვემპლერი არის პლატფორმა, რომელიც მომხმარებელს საშალებას აძლევს ნებისმიერი ერთჯერადი დავალების დელეგირება მოახდინოს (მაგ: მანქასაყიდლებზე წასვლანის გარეცხვა, სხვის მაგივრად რიგში დგომა, სახლის დალაგება, და ა.შ.)
ვემპლერის პლატფორმა შესაძლებლობას გაძლევთ მეილით, ხმოვანი შეტყობინებით ან ზარით დააფიქსიროთ მოთხოვნა, რის შემდეგაც აპლიკაცია ავტომატურად გთავაზობთ სასურველ სერვისებს.
"ერთხელ, როდესაც ელიავას ბაზრობაზე წასვლა მჭირდებოდა, მაგრამ საამისოდ დრო ვერ გამოვნახე, მივხვდი, რომ საჭირო იყო ალტერნატიული გამოსავალი მეპოვა.
ჩვენ ყოველდღიურად ძალიან ბევრი საქმე გვაქვს, რის მოსწრებასაც დროის ან მოტივაციის ნაკლებობის გამო ვერ ვახერხებთ. ამიტომ გადავწყვიტე, ადამიანებს ამ პრობლემების გადაჭრაში დავხმარებოდი", - ამბობს სანდრო.
როგორც თავად გვიყვება, Presto Ventures-ის მონაწილეობა ამ რაუნდში ასახავს მათ ნდობას ვემპლერის ხედვისა და განვითარების შესაძლებლობის მიმართ. მოზიდული ინვესტიცია ხელს შეუწყობს პლატფორმის ზრდას, პროდუქტის გაუმჯობესებასა და გაფართოებას, რათა გამყარდეს მისი პოზიცია ლოკალურ და უცხოურ ბაზარზე.
"ძალიან გვინდა, რომ 2024 წელს ვემპლერი საქართველოს ფარგლებს გარეთ გავიდეს და ეს უნიკალური შესაძლებლობა აზერბაიჯანსა და უზბეკეთს გააცნოს.
ასევე გვსურს განვაახლოთ ჩვენი პროდუქტი, რაც, საბოლოო ჯამში, მომხმარებლის კმაყოფილებაზე აისახება".
