Women in AI - საქართველოს ხელოვნური ინტელექტის ასოციაციის ორგანიზებით (GAIA) სამიტი გაიმართება
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
ხელოვნური ინტელექტის გლობალური ბუმი ტექნოლოგიურ ლანდშაფტს ფუნდამენტურად ცვლის. ამ ფონზე, საქართველოში AI ეკოსისტემის გაძლიერებისა და ქალი პროფესიონალების როლის ხაზგასმის მიზნით 26 აპრილს, 12:00 საათზე, ტერმინალში (აბაშიძის 36), Women in AI სამიტი გაიმართება.
ღონისძიება, რომელიც GAIA-ს ორგანიზებითა და ტერმინალთან პარტნიორობით ტარდება, მიზნად ისახავს ტექნოლოგიური სექტორის ლიდერების, მკვლევრებისა და მეწარმეების ერთ სივრცეში გაერთიანებას.
სამიტი გასცდება მხოლოდ თეორიულ განხილვებს და ყურადღებას გაამახვილებს AI-ს პრაქტიკულ გამოყენებაზე ბიზნესსა და მეცნიერებაში. პროგრამა მოიცავს ისეთ მიმართულებებს, როგორიცაა:
- ინოვაციები და სტარტაპ ეკოსისტემა: სამიტი ყურადღებას გაამახვილებს AI-ს პრაქტიკულ გამოყენებაზე ბიზნესსა და მეცნიერებაში. პროგრამა მოიცავს სტარტაპების ეკოსისტემის ანალიზს, ტექნოლოგიურ სიახლეებსა და სამართლებრივ ჩარჩოებს, რაც ინდუსტრიის განვითარების საფუძველია.
- ვორკშოპები და პრაქტიკა: თეორიულ ცოდნასთან ერთად, ღონისძიება დაეთმობა ინტერაქტიულ ვორკშოპებს, სადაც მონაწილეები პრაქტიკულად გაეცნობიან ხელოვნური ინტელექტის ინტეგრირების გზებსა და თანამედროვე ციფრულ ხელსაწყოებს.
"Women in AI არ არის მხოლოდ ღონისძიება ქალებისთვის, ეს არის პლატფორმა მათთვის, ვისაც ქართული AI კომუნის განვითარებაში გარდამტეხი წვლილი შეაქვს. მიუხედავად იმისა, რომ გენდერული ბალანსი სფეროში უმჯობესდება, ჩვენი მიზანია შევქმნათ ძლიერი ქსელი, სადაც გამოცდილების გაზიარება და ახალი პარტნიორობების ჩამოყალიბება ინოვაციების მთავარი მამოძრავებელი გახდება" - ამბობენ GAIA-ს წევრები.
სამიტი უნიკალური შესაძლებლობაა კომპანიებისთვის, რომლებიც გეგმავენ AI ტრანსფორმაციას. Networking სესიების ფარგლებში, დამსწრეებს შესაძლებლობა ექნებათ დაამყარონ პირდაპირი კონტაქტი სფეროს წამყვან ექსპერტებთან, აღმოაჩინონ ახალი ტექნოლოგიური ინსტრუმენტები და მიიღონ რჩევები პროცესების ოპტიმიზაციისთვის.
რეგისტრაციისა და დეტალური ინფორმაციისთვის ეწვიეთ ბმულს: https://www.aiassociation.ge/event-details/ai-samiti-women-in-ai-2
