მამაკაცმა ინტერვიუს შემდეგ გაქცეულ ეტლში მჯდარი ბავშვი გადაარჩინა, მოგვიანებით კი, სამსახურში მიიღეს ჩანს, ადგილობრივ გმირს − რონ ნესმანს კარგი დრო დაუდგა
By Dan Bova •
You're reading Entrepreneur Georgia, an international franchise of Entrepreneur Media.
რონ ნესმანი, რომელიც შეყვარებულის გარდაცვალების შემდეგ, რვა წლის განმავლობაში ებრძოდა უსახლკარობას, Applebee's-ის რესტორანში, სან ბერნარდინოში (კალიფორნია) ინტერვიუზე იყო, რათა ცხოვრებას დაჰბრუნებოდა, ამასობაში კი ბავშვი გადაარჩინა.
Applebee's-ში ინტერვიუს დასრულების შემდეგ, ნესმანი სკამზე იჯდა ავტომობილების სამრეცხაოსთან, როდესაც საბავშვო ეტლი დაინახა, რომელიც გზატკეცილისკენ მიქროდა. ბავშვის ბებიამ ეტლზე კონტროლი დაკარგა, დაეცა და ვერ ადგა, რათა ეტლი შეეჩერებინა.
ნესმანმა, დაინახა თუ არა, მაშინვე მოქმედებაზე გადავიდა, სკამიდან წამოხტა და ეტლი შეაჩერა. "მე უბრალოდ მადლობელი ვარ განგების, რომ საჭირო დროს საჭირო ადგილას აღმოვჩნდი", − განუცხადა მან KTLA-ს მას შემდეგ, რაც უსაფრთხოების კამერის ვიდეოჩანაწერები ვირუსულად გავრცელდა.
ამას სასიხარულო ამბავი მოჰყვა: ინციდენტის შემდეგ რონ ნესმანს Applebee-იდან დაურეკეს და შეატყობინეს, რომ სამსახურში მიიღეს. "მე ვაფასებ შესაძლებლობას, რომელიც Applebee's-მა მომცა. ეს მართლაც საოცარია", − განუცხადა ნესმანმა KNBC-ს.
რესტორნის გენერალურ მენეჯერ ემილი კანადის თქმით, მის სამსახურში აყვანას არანაირი კავშირი არ აქვს ბავშვის გადარჩენასთან: "ის შესანიშნავი ბიჭია, შესანიშნავი კანდიდატი იყო და ჩვენს გუნდს Applebee's-ში აუცილებლად მოერგება".
ნესმანმა განაცხადა, რომ ახალი სამსახურით და ახალი ცხოვრების დაწყებით აღფრთოვანებულია და ინტერნეტით ფინანსების შეგროვებით დაინტერესებული არ არის, რაც მას ფეხზე დადგომაში დაეხმარებოდა. ის აღფრთოვანებულია, რომ ყველაფერი დამოუკიდებლად გააკეთა. "ხვალ სამსახურში უნდა გავიდე და ძლივს ვითმენ, როდის დავიწყებ. ხომ გესმით, რასაც ვგულისხმობ?" − განუცხადა მან KNBC-ს, − "კარგი შეგრძნება იქნება".
