Get All Access for $5/mo

"სტივ ჯობსმა ერთხელ მირჩია, რომ გუნდში ყველა ლიდერი დამეთხოვა", – Starbucks-ის ყოფილი აღმასრულებელი დირექტორი

By Emily Rella

You're reading Entrepreneur Georgia, an international franchise of Entrepreneur Media.

ჰოვარდ შულცი Starbucks-ის ყოფილი აღმასრულებელი დირექტორია, რომელსაც კომპანიასთან მრავალწლიანი ურთეირთობა აკავშირებს. დღეს იგი ამბობს, რომ ერთ-ერთი ყველაზე დიდი შეცდომა, რაც კი ოდესმე დაუშვია, გიგანტი ტექდამფუძნებლის რჩევის უგულებელყოფა იყო.

გასულ კვირას, პოდკასტზე, ჰოვარდმა ბენ გილბერტსა და დევიდ როზენტალთან საუბრისას გაიხსენა დიალოგი, რომელიც 2008 წელს Apple-ის თანადამფუძნებელთან, სტივ ჯობსთან ჰქონდა. სტივი მას ურჩევდა, რომ მთელი აღმასრულებელი გუნდი გაეთავისუფლებინა.

"მას ყველა ჩემი პრობლემის შესახებ ვუთხარი. უეცრად გამაჩერა და თქვა: აი რა უნდა გააკეთო. დაბრუნდი სიეტლში და შენს აღმასრულებელ გუნდში ყველა თანამშრომელი გაათავისუფლე".

როგორც შულცი იხსენებს, ამ წინადადებაზე უარი თქვა და სტივს განუცხადა, რომ ასეთ ნაბიჯს ვერ გადადგამდა. საპასუხოდ, ჯობსმა იგი გააფრთხილა, თუ ასე არ მოიქცეოდა, ექვსიდან ცხრა თვის განმავლობაში ყველას დაკარგავდა.

აღმოჩნდა, რომ სტივი მართალი იყო.

"ერთი გენერალური მრჩევლის გარდა, ყველა წავიდა. ამის შემდეგ ისევ ვესაუბრე, ერთმანეთს სცენაზე შევხვდით. მითხრა, რომ ცხრა თვით დავაგვიანე და ამ დროის განმავლობაში უამრავი რამის გაკეთება შემეძლო".

2024 წელს Starbucks-ის შედეგები ნაკლებად სასურველი იყო. გლობალურად, ყავის ქსელის გაყიდვები პირველ კვარტალში 8%-ით, 9,43 მილიარდ დოლარამდე გაიზარდა. იმავე მაღაზიებში გლობალური გაყიდვები 5%-ით გაიზარდა.

სამშაბათს, შუადღეს, კომპანიის გაყიდვები წინა წელთან შედარებით 19%-ით დაეცა.

Emily Rella

Entrepreneur Staff

Senior News Writer

Emily Rella is a Senior News Writer at Entrepreneur.com. Previously, she was an editor at Verizon Media. Her coverage spans features, business, lifestyle, tech, entertainment, and lifestyle. She is a 2015 graduate of Boston College and a Ridgefield, CT native. Find her on Twitter at @EmilyKRella.
ინსპირაცია

და მაინც, ვინ არის ანტრეპრენერი?

Entrepreneur-ის მკითხველის თვალით დანახული ანტრეპრენერი...

ინსპირაცია

25 ფრაზა, რომლებმაც შემცვალეს

ხშირად ერთ ფრაზას ადამიანის მთელი ცხოვრების შეცვლა შეუძლია

ინსპირაცია

100 ბიზნესი, რომლის დაწყებასაც $100-ზე ნაკლებად შეძლებთ

მართალია, ბიზნესის დაწყება ბევრ სირთულესთან არის დაკავშირებული, მაგრამ ფინანსები ყოველთვის არ არის ერთ-ერთი მათგანი