Get All Access for $5/mo

იტალია პასტის კრიზისის წინაშე დგას, მრეწველობის მინისტრი საგანგებო კრებას იწვევს ძირითადი პროდუქტების ფასები ერთი წლის განმავლობაში დაახლოებით 17.5%-ით გაიზარდა.

By Emily Rella

You're reading Entrepreneur Georgia, an international franchise of Entrepreneur Media.

`

პასტის გამო კატასტროფა გარდაუვალია იტალიაში, რადგან ქვეყნის პასტის ნაწარმის ინდუსტრიას ინფლაცია უქმნის საფრთხეს.

იტალიის წარმოების ინდუსტრიის მინისტრმა, ადოლფო ურსომ, კრიზისული კრება მოიწვია პასტის მკვეთრი ფასების გამო შექმნილი პრობლემის მოსაგვარებლად. საქმე ისაა, რომ პროდუქტის ფასი 2022 წლის მარტიდან 2023 წლის მარტის ბოლომდე 17.5%-ით გაიზარდა.

საგანგებო კრებას კანონმდებლები, მომხმარებელთა უფლებების დაცვის ჯგუფები და პასტის მწარმოებლები ხელმძღვანელობენ. მათი მიზანია, დაადგინონ, თუ რატომ გაორმაგდა პასტის ფასები იტალიაში ინფლაციის რეგულარულ მაჩვენებლებთან შედარებით.

ფასების ასეთი სწრაფი ზრდა შემაშფოთებელია, რადგან მაგარი ხორბლის ფასი, რომელსაც იტალიელი მწარმოებლების უმეტესობა პასტის დასამზადებლად იყენებს, დაახლოებით 30%-ით შემცირდა 2022 წლის მაისიდან დღემდე, ამიტომ კანონმდებლები მიზეზს ეძებენ.

ქვეყანაში ფასები რეგიონის მიხედვითაც იცვლებოდა − პასტის ფასები სიენაში (ეს ქალაქი იტალიის ტოსკანის რეგიონში მდებარეობს) 58%-ით გაიზარდა, ხოლო ჩრდილოეთ რეგიონებში, როგორიცაა ალექსანდრია, მხოლოდ 5%-მდე.

CNN-ის მიხედვით, ურსოს წარმომადგენელმა განმარტა, რომ პასტის მწარმოებლები თავიანთ უფრო გაზრდილ ფასებს პასტის მარაგების რეალიზაციას მიაწერდნენ იმ პერიოდში, როდესაც ნედლეულის ღირებულება გაცილებით მაღალი იყო. კომისია კი დარწმუნებული გახლდათ, რომ მოლაპარაკებების შემდეგ, მომდევნო თვეებში, პასტის ღირებულება მნიშვნელოვნად შემცირდებოდა.

როგორც ცნობილია, მიწოდების პრობლემები რუსეთსა და უკრაინას შორის მიმდინარე კონფლიქტის შედეგია, რადგან ნედლეულთან დაკავშირებული ინფლაცია და შეფერხებები მიწოდების ჯაჭვში მთელ ევროპაში ფართოდ არის გავრცელებული. თუმცა, მომხმარებელთა უფლებების დაცვის ჯგუფები კორპორაციულ სიხარბესაც ადანაშაულებენ.

"ფასის გაზრდას გამართლება არ აქვს, ეს ჩვეულებრივი სპეკულაციაა დიდ მწარმოებელთა მხრიდან, რომლებსაც თავიანთი ბიუჯეტის შევსება სურთ დამატებითი მოგებით", − განუცხადა Washington Post-ს ფურიო ტრუციმ, მომხმარებელთა უფლებების დაცვის ჯგუფ Assoutenti-ის პრეზიდენტმა.

Statista-ს მონაცემებით, პასტა იტალიელთა 63%-ის მენიუშია ყოველდღე ან ყოველ მეორე დღეს, და საშუალო იტალიელი ყოველწლიურად დაახლოებით 24 კგ პასტას მოიხმარს.

Emily Rella

Entrepreneur Staff

ინსპირაცია

25 ფრაზა, რომლებმაც შემცვალეს

ხშირად ერთ ფრაზას ადამიანის მთელი ცხოვრების შეცვლა შეუძლია

ლიდერობა

მსოფლიოს ყველაზე გავლენიანი ლიდერების ციტატები ლიდერობაზე

ერთხელ აინშტაინმა თქვა: "ლიდერი ის ადამიანია, ვისაც ალიაქოთში სიმარტივე, უთანხმოებაში ჰარმონია და სიძნელეებში შესაძლებლობები მოაქვს".

ინდუსტრიული ტრენდები

INDEX | WEALTH MANAGEMENT – უძრავი ქონების დეველოპერული და საინვესტიციო კომპანია

5 მიმდინარე პროექტში ერთობლივად $120 მლნ მოცულობის ინვესტიციაა განხორციელებული