COLLIER - ქართველი მხატვრების ნამუშევრებით შთაგონებული ბრენდი

COLLIER - ქართველი მხატვრების ნამუშევრებით შთაგონებული ბრენდი
ფოტო: Entrepreneur Georgia

Grow Your Business, Not Your Inbox

Stay informed and join our daily newsletter now!
2 min read

You're reading Entrepreneur Georgia, an international franchise of Entrepreneur Media.

COLLIER ქართული ბრენდია, რომელიც სხვადასხვა მოდურ და სახასიათო აქსესუარებს გვთავაზობს.

ლიზა ელიავასა და სალომე დუმბაძის წამოწყება უკვე ერთ წელს ითვლის. ბრენდის მთავარ პროდუქციას ქართველი მხატვრების ნამუშევრებით გაფორმებული შარფები წარმოადგენს. ამასთანავე, ბრენდი სეზონურ ქუდებს, ბეჭდებს, სამაჯურებსა და სხვადასხვა აქსესუარს ქმნის.

ბავშვობის მეგობრების დიდ სურვილს, საერთო, ღირებული საქმის კეთება წარმოადგენდა. გადაწყვიტეს, შეექმნათ ბრენდი, რომელიც თანამედროვე ქართველი მხატვრების კომპოზიციებს ყელსახვევებზე გადაიტანდა და მათ ყოველდღიური მოდური აქსესუარების განუყოფელ ნაწილად აქცევდა. ამავდროულად კი, მათ პოპულარიზებასა და ფართო აუდიტორიისთვის გაცნობას შეუწყობდა ხელს.

არაერთ ხელოვანთან აქტიური მოლაპარაკების შემდეგ, ბრენდის დაარსებიდან 1 წლის თავზე COLLIER უკვე 20-მდე თანამედროვე კომპოზიციით გაფორმებულ აბრეშუმის შარფს გვთავაზობს, რომელიც თანამედროვე გემოვნებასა და ცხოვრების სტილს კარგად ერგება.

ლიზა ელიავასა და სალომე დუმბაძისთვის, მომხმარებელთა სურვილებზე, საჭიროებებსა და გემოვნებაზე დაკვირვება ყოველდღიური საქმიანობის შემადგენელი ნაწილია. შესაბამისად, უკვე კარგად იცნობენ მომხმარებელთა მოლოდინსა და სურვილებს. მათ კმაყოფილებაზე ორიენტირით კი უკვე მუდმივი კლიენტების ერთგულება დაიმსახურეს, რომლებიც როგორც საკუთარი თავისთვის, ასევე სასაჩუქრედ, ხშირად არჩევანს სწორედ COLLIER-ზე აკეთებენ.

ცოტა ხნის წინ COLLIER-ის შარფები ჩეხეთში, პრაღაში ქართული კულტურის საგამოფენო საღამოზე წარდგა, სადაც დიდი ინტერესი დაიმსახურა.

სხვადასხვა ზომის შარფები ( 70/70 და 100/100) ფერად, კონცეპტუალურ და ეკლექტურ ნამუშევრებს წარმოგვიდგენს. ქუდები, ბეჭდები და სამაჯურები კი ვარსკვლავების გამოსახულებებითაა გაფორმებული. დამფუძნებლებისთვის ვარსკვლავი გამორჩეულად საყვარელი და დახვეწილი ფიგურაა, რომლითაც საკუთარი აქსესუარების გაფორმება გადაწყვიტეს.

ბრენდი COLLIER არსებობის უკვე მეორე წლის ათვლას იწყებს. მის მიზანს განვითარება, აქსესუარების გამრავალფეროვნება და მომხმარებლებისთვის კიდევ უფრო ფერადი, საინტერესო და კომფორტული ნამუშევრების შეთავაზება წარმოადგენს. მეორე მხრივ კი, ქართველი მხატვრებისა და მათი შემოქმედების პოპულარიზება, რომლისთვისაც არჩევანი ბრენდმა ყველაზე თვალშისაცემ, მოდურ და გამოყენებად აქსესუარზე შეაჩერა.

შეიძინეთ Collier-ის ყელსახვევები Entrepreneur Shop-ზე!

Latest on Entrepreneur