ნარჩენების მართვის 3R პრინციპი

Reduce, Reuse, Recycle!
ნარჩენების მართვის 3R პრინციპი
ფოტო: ანა ტიკარაძე
2 min read
Entrepreneur-ის კონტრიბუტორები საავტორო სტატიებში გამოხატავენ მათ პირად მოსაზრებებს.

You're reading Entrepreneur Georgia, an international franchise of Entrepreneur Media.

დღეს ერთ-ერთი ყურადსაღები პრობლემაა ნარჩენების მართვა. დედამიწა ვეღარ იტევს ჩვენს მიერ წარმოქმნილ ნაგავს. ამ თემაზე საუბრისას ხშირად ახსენებენ სამ R-ს (Reduce, Reuse, Recycle):

  • Reduce (შემცირება) ნაკლების გამოყენება ნაგვის წარმოქმნის კონტროლის მიზნით, ანუ ნებისმიერი საგნის  გაცნობიერებული მოხმარება. ერთერთი კარგი მაგალითია ქაღალდის ცხვირსახოცები. მახსოვს ულამაზესი ნაქარგი ცხვირსახოცები მქონდა, ალბათ სულ სამი-ოთხი ცალი. დედა მირეცხავდა, მიკრახმალებდა და მიუთოვებდა. ახლა საქმე გავიმარტივეთ და ერთჯერად ცხვირსახოცებს ვიყენებთ და მთელი ცხოვრების მანძილზე ერთი ადამიანიც კი თაჯ-მაჰალის ოდენა ნაგავს ქმნის მხოლოდ ამ ერთი დასახელებით. ძალიან კარგი პროდუქციაა Zero Effectში, სადაც შეგიძლიათ შეიძინოთ შეფუთვის გარეშე მშრალი შამპუნი, საპნები, ბამბუკის კბილის ჯაგრისი და სხვა, რითაც ხელს შეუწყობთ სამყაროზე “ნულოვან ზეგავლენას”.

 

  • Reuse (ხელახალი გამოყენება) ნივთებისთვის ხელმეორე ცხოვრების ციკლის მიცემა. აქ მახსენდება ერთჯერადი კონტეინერები, რომელსაც ყველანაირად ვცდილობ არ მოხვდეს ჩემ სახლში, მაგრამ თუ მოხვდა იქამდე ვიყენებ, სანამ არ გაიხევა და გამოუსადეგარი გახდება. აქვე მინდა ვახსენო ტანსაცმლის ხელახალი გამოყენება. ამ იდეით შეიქმნა  ვინტაჟური ტანსაცმლის კონცეფცია “ნამუს” კაფემაღაზიის სივრცეში, სადაც წარმოდგენილია Paulinewearsის და ვინტილატორის ტანსაცმელი.

 

  • Recycle (გადამუშავება) არსებული ნივთის კვლავ წარმოებაში ჩაშვება და ახალი პროდუქტის შექმნა. ცელოფნის პარკებზე ყოველთვის უარს ვამბობ, ჩემი ნაჭრის ჩანთით დავდივარ ყველგან, მაგრამ მაინც ბევრი პარკი მიგროვდება, გაოცებული ვარ საიდან, იმდენად ყველაფერი პარკში დევს და მერე ეს პარკი კიდევ პარკში, რომ მაინც აღმოჩნდება ხოლმე ჩემთანაც. ვინახავ და გადამუშავებისთვის Plastic Watcherს ვაძლებ, რომელიც მათგან ულამაზეს ნივთებს ქმნის. ასევე, შეიძლება გადამუშავდეს მინის ბოთლები. მე ამის დიდად მომხრხე არ ვარ, რატომ უნდა გადამუშავდეს ბოთლი, რომ ისევ ბოთლი შეიქმნას, როდესაც მარტივად შეიძლება გაირეცხოს და ხელახლა გამოვიყენოთ. გადამუშავება თავისთავად ენერგიას და რესურს მოითხოვს. თუმცა, რა თქმა უნდა, გადაყრას გადამუშავება სჯობს.

თქვენ რა ხერხს მიმართავთ ნარჩენების კონტროლისთვის? მინდა ეს წელი იყოს ჩემთვის ამ საკითხზე ყურადღების მიმართვის წელი. თქვენი რჩევები და გამოცდილება მნიშვნელოვანია - გამიზიარეთ.

More from Entrepreneur

Get heaping discounts to books you love delivered straight to your inbox. We’ll feature a different book each week and share exclusive deals you won’t find anywhere else.
Jumpstart Your Business. Entrepreneur Insider is your all-access pass to the skills, experts, and network you need to get your business off the ground—or take it to the next level.
Entrepreneur Store scours the web for the newest software, gadgets & web services. Explore our giveaways, bundles, "Pay What You Want" deals & more.

Latest on Entrepreneur

Entrepreneur Media, Inc. values your privacy. In order to understand how people use our site generally, and to create more valuable experiences for you, we may collect data about your use of this site (both directly and through our partners). By continuing to use this site, you are agreeing to the use of that data. For more information on our data policies, please visit our Privacy Policy.